الفصل التاني:
(مشهد من الماضي)
_احكي تجربتك يا سالم..
* تمام..انا حياتي لفتره معينه كانت ماشيه تمام اوي بعد كده حياتي ادمرت حرفياََ كل لحظة فرح انا عشتاها اتقتلت وانا السبب في كده بسبب اني ماشيت ورا فضولي عشان اعرف حاجات ماليش اني اعرفها... بأختصار الكتاب الي قدامكم صورته ده هو السبب الي حولني لانسان تاني انسان مش بيخاف من ربه.. في عقله ان مخلوق هيحققله كل شئ.. بسبب الكتاب ده انا قتلت مراتي وعيالي بسبب الكتاب ده انا كنت هنتحر مرتين..... الكتاب ده وجوده لعنه صدقوني ولازم نخلص منها انا كنت السبب في الحادثه الي حصلت لمراتي وعيالي(كانت الدموع تزداد حين كان يقص تلك الحادثة الشنيعه)....
مكنتش متصور اني ممكن اولع فيهم وهمه احياء ولعت في البيت وفيهم وجريت بعيد وبعد ما اتقبض عليا وتحولت بعد كده لمستشفي الامراض العقليه لانهم شاكوا اني مجنون وفاقد الاهليه كنت ديماََ بصرخ بجملة..
*انت الي خلتني اقتلهم انت السبب كنت عايزهم قرابين ليك عشان تحققلي الي انا عايزه...
العساكر استغربوا اني بكلم نفسي فأخدوني ساعتها للمستشفي وهناك اتعالجت بس شيطاني مكنش بيسبني في حالي لدرجة انه كان هيموتني مخنوق ولما الممرضه دخلت وشافتني وانا متعلق من رقبتي في السقف وكانت رجلي متعلقه في الهوا قعدت تصرخ وجريت علي الدكتور المستشفي اتجمعت عليا من الصوت والصريخ بتاع الممرضه لاقوني مرمي علي الارض...
(يومها)...
دكتور المستشفي:انا عمري ما شوفت حاله كده...
الممرضه:يا دكتور ده اكيد ملبوس احنا محتاجين شيخ يجي يقرا قرآن عليه..
دكتور المستشفي:اسامه بلغ بسرعه الشيخ ايوب اننا محتاجينه ضروري...
اسامه:حاضر يا دكتور..
#دكتور المستشفي
بعد ما جيه الشيخ وقرأ القرآن احنا اطمنا جدا لانه اخد بعد كده ابرا مهدأه ونام... جيه ميعاد خروجي للبيت وروحت وانا تعبان الغريب ان الجو حر جدا وانا كان جسمي عامل زي لوح التلج دخلت اوضتي بعد ما اطمنت علي الولاد وغطيت نفسي كويس اوي...
زوجة الدكتور:شريف مالك في ايه؟!
شريف:باين عليا اخدت دور برد يا مي..
مي:طب استني هعملك كوبايه ليمون تشربه وهتبقي تمام..
شريف:طيب..
#شريف
اتقفل الباب بعد ما مي خرجت وكأن في شخص قفله بالمفتاح... الشباك اتفتح مره واحده اصوات صريخ في الاوضه....
*انت فاكر انك كده خرجتني من جسد سالم....
شريف:انت مين؟!
*انا قدرك الاسود الي هيغير حياتك كلها وهيخليها جحيم ومش هتعرف تخلص مني..
شريف:انت عايز ايه بالظبط؟!
(لينفتح الباب وتدخل مي بعصير الليمون فتفقد الوعي وتقع فوق الارض)
شريف:مي(وهو يركض لها) مي مي فوقي انت عملت ايه فيها...
*الي عايزه منك هو اني اخد روح فرد فرد من عيلتك وهخليك تنتحر في الاخر زي ما عملت في سالم الغبي وغيره... يا بني ادم يالي مخلوق من طين مخلوق حقير... انا اقوي منك مليون مره لاني من نا.....بس الصوت ده اسكت اسكت ما تتكلمش...
(جلس يقرأ شريف وهو يرفع صوته بالقرآن الكريم يقرأ ويقرأ حتي انصرف عنه وغادر ثم نظر الي مي التي اخدت نفسها بصعوبه)
مي:شريف!!هو ايه الي حصل؟!
شريف:متتعبيش نفسك يا حبيبتي الضغط بس عندك مكنش مظبوط فا عشان كده فقدتي الوعي تعالي ارتاحي..
مي:طب استني الم الازا.... قاطعها هو وحملها الي الفراش وقام بتغطيتها جيداََ ثم قام هو بحمل الزجاج المكسور وبعد ذلك ذهب الي نوم عميق من تعبه الشديد ولكن قلبه مازال مذهول لما حدث اليوم...
(نرجع لسالم)
#سالم
اخدت وقت في المستشفي ووقت تاني في السجن لان اتحكم عليا اقعد ٣ سنين فيه وبعد ما خرجت روحت للدكتور شريف سألت عليه قالوا انه مات موته بشعه كانت اسلاك الكهربا ملفوفه حوالين جسمه ومات متكهرب في الاوضه الخاصه بالكهربا في المستشفي وكان بداله دكتور تاني اسمه (مايكل) كان مسيحي وكان علي ايده وشم بالالوان اتعرفت عليه وكان مهتم اوي بموضوع دكتور شريف الله يرحمه وقعد ركز اوي في موضوع الكتاب...
(يومها)
مايكل:كتاب زي ده حصلت عليه ازاي ومنين..
سالم:الي كتب الكتاب ده صديق ليا كان عايش في العراق كتبه باللغه الفارسيه الي علمهالي زمان... بيحب الكتابه شخصيه غريبه كان بيحب يعمل ألغاز ويحلها ويرسم رسومات خاصه بكهنة الفراعنه واحياناََ كان يرسم رسومات لمثلثات فيها عيون مكنتش فاهم ايه ده بس كان بيقولي ان الكتاب ده مهم اوي وعزيز عليه جداََ وقالي احتفظ بيه..
مايكل:الكتاب ده فين دلوقتي؟!
سالم:معايا...بتسأل ليه؟!
مايكل:عندي واحد في الكنيسه بيفهم في فك الألغاز وبيعرف جميع اللغات...
سالم:خلاص تعالي معايا ناخد الكتاب ونروحله...
مايكل:انا هخلص شغلي ١١ بليل هعدي عليك ونروحله سيبلي عنوانك...
سالم:تمام..
(نرجع)
#سالم
الغريب بقي اني روحت البيت لاقيت الكتاب مقفول بقفل مكنش عليه قبل كده ولاقيت الباب بعد كده بيخبط بس خبطه خبطتين ورا بعض بقوه وبعد كده بطل... فتحت لاقيت شوال بفتحه لاقيت راس الدكتور مايكل فيه... انا كنت هموت من الفزع بصيت للشوال وانا عيني كانت هتطلع من مكانها قفلت الباب بسرعه ونزلت برجلي وانا ساند علي الباب في قمة الدهشه والرعب علي الارض مش مصدق الي بيحصل ده بس بعدها استجمعت قوتي وروحت دفنت الراس في الغابه رجعت لاقيت الكتاب القفل الي عليه متشال ومفتوح علي صفحه انسان عليه رسومات وكلام كتير اوي ولكن في جمله باللغه الفارسيه شدت انتباهي(همه شما خواهید مرد) الي معناها(كلكم ستموتون)...
فقدت الوعي بعديها وقمت لاقيت نفسي علي سريري قررت اني ادور علي صاحبي ولكن محاولاتي كلها كانت فاشله الحل الوحيد الي وصلت له في النهايه اني اتخلص من الكتاب ده ولعنته ذهبت لدار كتب مشهوره واديتهم الكتاب ده ياخدوه من غير اي فلوس حتي ان صاحب الدار استغرب بس تقبل الموضوع واخد الكتاب.... بعد يومين سمعت بحريق جامد في دار الكتب دي بس مكنش في اي ضحايا فيها.... في منتصف الليل في نفس اليوم نفس عدد الخبطات فاتحت الباب وشوفت جثة صاحب الدار المحروقه ومعاه الكتاب...مرت السنين قررت اني اتخلص من الكتاب الي بقي لعنه علي كله افتكرت زميل ليا عايش في اوروبا روحتله بعد ٢٠ سنه غياب عنه قعدنا مع بعض وقولتله علي كل حاجه حصلت معايا قالي انه عنده متحف كبير وهياخد الكتاب مني ويحتفظ بيه في خزنه مصنوعه من الازاز وفعلا اخده مني وبعدها اخدت بيت صغير بعيد عن كل البشر وقعدت في لوحدي اصلح علاقتي مع ربنا وابدأ بدايه سعيده وانا لوحدي بعد ما فقدت اعز الناس(قالها سالم بحزن شديد)...
#سيلين
طلعت برا اوضتي عملت فنجان قهوه عشان كنت تعبانه شويه سمعت صوت خبط جامد جاي من اوضة حازم جريت بسرعه علي باب اوضة حازم......
(وقفت سيلين مذهوله لقد شاهدت دماء. غزيره آتيه من باب غرفة حازم لتندهش وكادت عيناها تخرج من مكانها فيقع فنجان القهوه وتفتح باب الغرفه لتري......).
يا تري سيلين شافت ايه؟!
يا تري حصل ايه لحازم؟
وايه هي لعنة الكتاب وازاي هيفكوا اللعنه دي؟!
#رواية_كتاب_شمس_المعارف
#قصص_رعب
جاري كتاية الفصل التالت..
