وصفة مجربة

ازاى تخسي

- تظبيط نظام غذائي صحي ..

الفطار :بروتين + كارب + خضار .
الغذا : بروتين + كاربوهيدرات + خضار
العشا : بروتين وخضار .

بين الوجبات فاكهه .
الفري : كل 10 ايام او كل 15 يوم وجبه غذا فقط

- ممارسه الرياضه مش اقل من 3 ايام اسبوعيا وحد اقصي 5 ايام

عاوز تخس ومش فارق معاك شكل جسم يبقي تمارين كارديو فقط ( مشي - جري - نط حبل - اوربتراك - ركوب العجله ) .

عاوز تخس وتعمل جسم متناسق يبقي : كارديو + تمارين مقاومه ( ضغط - عقله - بطن - سكوات للرجلين - تمارين ارداف - جميع الاجهزه بالاوزان )

مفيش اي مشروب بيحرق الدهون في مشروبات بتعلي الحرق فقط واهميتها 1% بنسبه للتخسيس .

اكتر شي بيعلي الحرق الرياضه وشرب الميه والنوم بدري

فوايد شرب الميه كتير جدا للجسم اهتموا بشرب مش اقل من 8 اكواب ميه .

زيت الزيتون و الافكادو والكاكاو الخام و مستخلص الشاي الاخضر والجريب فروت لما تدخلهم في وسط اكلك هتحس بفرق كبير في حرق الدهون عندك .

الشاي الاخضر او مستخلص الشاي الاخضر كفايا جدا كمشروب يومي لرفع معدل الحرق .

الصبر وانتظار النتايج مع الالتزام

الرمان والبطاطا والعدس والبطاطس والحمص والبطيخ والبصل والتوم مش ممنوعين والله

الشوفان : ده اكل عادي بس يعتبر من الحبوب الكامله فيه بروتين ومعادن مهمه وكاربوهيدرات وبيخسس وبيتخن باختلاف الكمية الي بناخدها منه وطريقة التحضير وليه فوايد كبيره للصحه ويعتبر وجبه كامله بس يفضل بلاش منه بليل وموجود في اي سوبر ماركت وفي ألف طريقه بيتعمل بيها بسكوت وحجات كتير تاني

تمارين البطن مش بتخسس البطن بس بتقوي عضلات البطن مفيش تمرين بيخسس لوحده من غير نظام اكل صحي

مفيش اي تمارين بتخسس اي منطقه في الجسم في تمارين بتساعد في شد الجسم ومنع الترهلات لما نخس بالدايت .

الصبر
مفيش كريمات او حزام سحري بيحرق الدهون كله فاكس الدهون مش بتتحرق غير بتقليل السعرات في الاكل وعمل مجهود والدهون مبتخرجش في صورة عرق هي بتخرج في صورة طاقة وعلشان تحرق 1 كيلو دهون محتاج تحرق ٧٧٠٠ سعر حراري

الاكل بالليل مبيتخنش بس اعرف انت المفروض تاكل ايه

شرب الميه اي وقت في اليوم سواء قبل الاكل او وسط الاكل او بعد الاكل او قبل التمرين او بعد التمرين او خلال التمرين .

الاكل يكون قبل التمرين بساعتين او بعد التمرين

من غير تمارين مقاومه متنتظرش جسم مشدود وشكله متناسق .

اي اكل مسموح بيه وينفع يتاكل بس المهم طريقه الطبخ تكون صحيه .

زيت الزيتون مبيتسخنش بيتاكل بارد علي الاكل او السلطه

المكسرات كلها مسموح بيها بس شويه صغيرين ويفضل مش محمص .

مفيش اكل بيخسس اي اكل هاكله لكميات كبيره هيتخني حتي لو اكل صحي

مش معني اني غلطت يوم وكلت شئ ممكن يتخن ان رجيمي باظ بس لو بعمل كده كتير منتظرش اني اخس اكيد

كل ما يكون في التزام بالرجيم والرياضه كل ما هشوف نتيجه افضل .