وصفة مجربة

علاج جيوب الأنفية مجرب

هقول بعض الحلول اهو يمكن تساعد ناس يارب 😍

✍ اول حاجة لو فيه احتقان جامد شبه البرد او الانلفوانزا
لازم كورس مضاد حيوى محترم وده يحددهولك حد حسب السن والحالة والكلام ده

✍ تانى حاجة نقط الانف زى بريزولين وافرين واوتريفين تتبطل خالص ،، حد هيقولى مبعرفش اعيش من غيرها
هقوله بطل تدريجى قلل كل يوم لحد ما تبقى قبل النوم
لحد ما متحتجهاش
لان النقط دى بكل انواعها بعد كدة بتعمل مفعول عكسي وتخلى الجيوب الانفية مزمنة ومبتتعالجش
فمحدش يعالج وهو بيحطها كتير ومقللش حتى

✍ تالت حاجة تلات حاجات مهمين وضرورين
١/ محلول مياه البحر المعقم ينضف المناخير كويس
وده احسن نوع فيزومير سترونج جيت للكبار فقط
٢/ بخاخة من بخاخات الجيوب الانفية المعروفين كعلاج
ودى احسن نوع جربته اسمها نانزونكس و سعرها معقول
٣/ برشام للحساسية من الانواع المعروفة
٤/ مسكن مضاد للالتهاب

✍ بالنسبة لادوية زى المضاد او البخاخة او دوا الحساسية دى يحددها دكتور او صيدلى جنبك بتثق فيه
مش هينفع احددها هنا لان بتختلف حسب السن والحالة المرضية والامراض المزمنة

✍ بالنسبة لمياه البحر المعقمة فدى زيها زي محلول الملح بس احلى ودى الى عنده جيوب مزمنة ميوقفهاش خالص
حاجة بتنضف المناخير كويس وأول بأول 

✍ لازم الى عنده جيوب الانفيه مناخيره تتنضف أول بأول
ةمينفعش بمناديل او بحاجات صعبة لانه بيزود الاحتقان وبينثل امراض وبيعمل التهابات وممكن تتعور وتنزف
فعلشان كدة مياة البحر النوع الى قلن عليع بتخش جامد تنضف وبعدين تكملى تنضيف براحة وبشويش بمناديل
ولازم صبح وليل  وبعديها البخاخة  والمناخير نضيفة

✍ نيجى بقا للممنوعات ودى ممكن ناس تخاصمنى فيها🙈

١/ ابعدى عن اى ريحة نفاذة فالجيوب الانفية سيدتى لما تشم ريحة نفاذة انتى بتستفزيها بشدة
وحتى لو هتحطى برفان يبقى ريحته خفيف وتقيل
٢/ المنظفات والتنظيف وده مش هتعرفوا تبطلوه
بس ممكن تلبسي ماسك او كمامة يقلل ويخفف الريحة عالاقل واهو نص العما
٣/ العلاج لازم بانتظام التحسن ممكن يكون بعد شهر كملى متوقفيش لانه تراكمى لو وقفتى بيرجع من الاول
٤/ تبعدى او تقللى اى اكلات بتعمل حساسية وانتى عارفاها زى الشيكولاتة واللبن والسمك والموز  والفراولة والحاجات المشهورة دى
ويوم ما تحسي انها باظت منك بليل تاخدى برشامة حساسية قبل النوم
٥/ اوعى يجيلك دور برد 😂
طب لو جالك غصب عنك تعالجيه علاج محترم ومتهملهوش
لكن لو جالك عدوى متلوميش الا نفسك ومش ااسلام بالبوس والاحضان وناخد عدوى ونتكسف
والله مفيهاش كسوف
٦/ لو بتشتغلى بقا وحد بيحط برفانات نفاذة فتغيرى مكتبك او تتعاركى معاه المهم شوفيلك حل مش هتغلبي انا عارف 🙈
٧/ لما تشربي سوايل دافية تشربيها وانتى مدفيه في البيت متشربهاش برة وتتعرضى للهوا خصوصا في الشتا

✍ نيجى للنصايح الى بتساعد بقا
١/ معلقتين عسل نحل عالريق ويفضل يكون عسل موالح
وعلى كوب ماء دافى مش سخن مولع ولا ساقع
اهم حاجة المناعة تزيد فى حالات الجيوب الانفية
٢/ شرب مياه كتيييير وبشكل كافي علشان ترطب الاغشية المخاطية ،،محدش يشرب مياه قليل ويشتكى من جيوب
ماهى اصلا ناشفة من جوة مش ناقصة نشفان نقص مياه
٣/ فيتامين سي يا جماعة سوء بقا اقراص الفوارة دى او كبسولات او طبعا فاكهة
٤/ محلول مياه البحر المعقمة علطول ولو حسيتى انك عايزة تنضفي مناخيرك
٥/ ستربيلس استحلاب عسل وليمون يبقى معاكى في شنطتك
حسيتى فيه دور برد او سلمتى على حد او دخلتى مكان زحمة تخديلك واحدة تتطهر
٦/ متقعديش في مكان التهوية بتاعته وحشة لاى حال من الاحوالى لازم تهوية جيدة فحذارى والكتمة

✍ النصائح السحرية بقا من عندى دى
١/ دلوقتى جالك صداع جيوب المهبب على عينه ده فجأة
هتجيبي كمادات تيمبو كول الى هى بتخفض الحرارة بتاعت الاطفال دى عارفاها طبعا وتحطيها
او ممكن الفيكس وتدهنيه عالجبين وعلى الجانبين الوجه وحواالين الانف 
٢/ اى بنبوناية نعناع قوى زى هولز والحاجات دى او لبان بالنعناع
٣/ تشربي ينسون عليه معلقة عسل نحل وعليه نص ليمونة
او حاجة دافية ينسون او نعناع

✍ جيوب الانفيه حاجة ملهاش علاج بس عالاقل لو حد عنده مزمنة وعلطول زى حالاتى كدة ممكن يسيطر عليها  ويبقى فاهمها وفاهم بتعمل ايه

✍ نكرر تانى النقط السريعة الى بتفتح المناخير ممكن تمون هى تصلا الى مزودة المشكلة فنبطلها تدريجيا وهى اصلا تعود
مش بس هى ده كمان افلورست والكونجستال واى دوا من ادوية البرد دى والى ناس بتاخدها تفك احتقان الجيوب
النقط او انواع البرشام دى تتاخد لما يكون فى دور برد لحد عنده جيوب انفية لمدة لا تزيد عن خمس ايام بالكتيير

ربنا يارب يشفي كل مريض