وصفة مجربة

عاكسي جوزك

ازاي تعاكسي جوزك وتخليه ملهوف عليكي ويبقى لازق فيكى

ايوه معاكسه الزوج جربتى تعاكسى جوزك قبل كده الغزل مش مقتصر على الراجل بس لا الست كمان لازم تمدح جوزها وتغازله ..

زى مالست بتحب المعاكسه والكلام الحلو ..

الراجل كمان بيحب يسمع كلام حلو برضو من مراته وحبيبته .. لان ده بيظهرله حبها ليه .. وكمان اهتمامها بيه .. وكفياكى بقى كلام عن العيال والطبيخ والمصاريف و اللوكلوك ده كله✋

فلازم الكلام ده يكون موجود بينكم عشان تجديد العلاقة و البعد عن روتين الحياة الزوجية

هنتكلم بالبلدى كده الموضوع ده عايز جرأة من الست عشان تعرفى تتقنى الدور واللى مش جريئه تتعلم بدل ماواحدة تانية تعاكس جوزك وتلطشه

عودى نفسك تقوليله ايه القمر ده ايه العسل اللى متجوزاه ده مافيش منه اتنين ياناس محدش جابه غير حماتى وتقوليله اسم امه هى مامتك جابتك منين ياخواتى وتبوسى فيه

مثلا تخليه معدى من جنبك زغزغيه حتى لو مش بيغير انكشيه باى حاجه وفى اى وقت مش شرط فى العلاقه لان الكلام ده هيقلب بهزار .

وممكن ابعتيله صورته وهو فى الشغل وتقوليله شوفت القمر ده يبقى جوزى اللى هو انت ياحبيبى طول مانت بره وانا بتفرج عليها عشان بتوحشنى وكل كام ساعه كده رساله صغيره بحبك /وحشتنى يابرنس / هتيجى امتى بقى يا حبي / بموت فيك ياقلبي وانتى ومزاجك بقى حاولى تخيلى جوزك خليه يفكر فيكى على طول وده من طرق المحافظة على الزوج وسعاده بيتك

خليه نايم وبيتفرج ع التليفزيون وزغزغيه من رجله لحد بطنه وانقضي عليه وبوسيه🙈

لو لابس هدوم جديده امسكيه من خدوده وقوليله يا خراشي يا ناس ايه المز الجامد ده

خديه في حضنك واحكي له حدوته ونيميه اه خديه في حضنك ولو متخانقين هتلاقيه هو اللي بيصالحك عشان مش قادر يبعد عن حضنك ..

بجد الحاجات دى هتفرق معاكم كتير فالتعامل و فى اسلوب حياتكم وكمان هتجدد مابينكم الذى مضى .