وصفة مجربة

روتين للبشرة الدهنية والمختلطة

١- متضيعيش فلوسك ع غسول ، صابونة نابولسي شاهين اكثر من رائعة

٢- ماء الورد صديقك الابدي بجد مش هتلاقي اوفي منه 😂 انا كان بيطلعلي حبوب كتير جدا بس بعد ما بقيت بحطه ف بخاخ وكل يوم بعد ما اغسل وشي بالصابونة ارش منه مبقاش يطلعلي حبوب نهائي

٣- عاوزة سكراب لوشك يبقي ( معلقتين ترمس مطحون معلقة سكر خشن معلقة صغيرة زيت زيتون واعجنيهم بماء ورد ) بيجيب م الاخر سكراب لشفايفك (معلقة مرطب عليها معلقتين سكر خشن)

٤- عاوزة ماسك تفتيح ( معلقة لبن بودر ع معلقة نشا ع معلقة طحينة ) لقيتيهم لسه مش كريمي زودي طحينة بيفتح جدا

٥- انا جربت مرطبات كتير اكترهم نفع معايا چونسون الازرق لانه خفيف وال افضل منه چيل الصبار

٦- الاسكراب والماسك ينفع للأيد والرقبة طبعا ، ضوافرك لو بتتكسر خدي حبوب زنك

٧- شعرك لو مش بيطول اظبطي الخضار ف اكلك دا العامل الاساسي

٨- بلاش فونديشن يابنات بيدمر البشرة