أوقف آدم نور قبل مغادرتها..
آدم /نور
نور ببرود /أي سؤال برا الشغل يا حضرت العقيد بعدين
آدم /انت فاكرة نفسك مين عشان تخدعيني بالطريقة دي و..
قاطعته نور وهى تقترب منه بهدوء حتى اصبحت امامه ولا يفصل بينهم بعض سنتيميترا وقالت بفحيح الافعى
.../هتعبر نفسي مسمعتش حاجة ولاول ولاخر مرة هقولها انا هنا الوحش مش نور واى تجاوز مش هسمح بيه يا حضرت العقيد وانتبه لكلامك معايا واياك صوتك يعلا عليا تاني مفهوم
وتركته وغادرت وسط صدمته من هذه احقا تلك نور اين ملامحها الملائكية فهو يراى امامه قوة وجبروت لم يتوقع ان يراها يومًا بامراءة، رأى الحدة، والبرود يطغوا على ملامحها، وغضب منها فهو ليس عاجز عن الرد عليها ولكن صدمته فيها واقترابها منه يفقده كل تركيزه وظل يحدث نفسه (انا ايه حصلى من يوم ما عرفتك.... ليه عاجز انى ارد عليكى وقربك ليا بينسيني عقلي.... ليه برغم كل كذبك وخداعك لسه قلبى بيدقلك..... بس لا مش العقرب الى يضعف وهخليكي تندمي على خداعك ليا وهنتقم منك يا نور وهوريكي مين هو العقرب وعد مني زى ما خدعتيني واستغفلتي قلبي ببرائتك الى طلعت كذبة ومجرد تمثيل هخليكي تندمي واستني انتقامي )
ــــــــــــــــــــــــــــــــــــــ
فى المكتب بعد ساعات وانهى الشباب الاوراق وقدموا على اجازة
اللوا /هتتجوزوا....ازاى..وكلكم فى نفس الوقت
آدم/ايوة يا فندم احنا متفقين اننا نتجوز فى يوم واحد وحضرتك عارف اننا اصحاب قبل ما نكون فريق واكيد حضرتك مدعو ع الفرح وتشرفنا يا فندم
اللوا /عموما بالرغم انى مستغرب بس مُبارك ليكم يا شباب واكيد هحضر بس انتو مستعجلين لدرجة الفرح بعد اربع ايام بس
أدهم /ايوة يا فندم احنا وطالما احنا جاهزين فمفيش لازمة للتأخير
اللوا / ربنا يتمم على خير
واجازة سعيدة او خلوها شهر عسل ههه اسبكم بقا تخلصوا الشغل وبكرة هكون جبتلكم ورق الاجازة
تمام يا فندم
خرج اللوا
معتز /انا وربنا لسة ما مستوعب كل الى بيحصل يعنى النهاردة اطحن طحنة سودة من الوحش و نتعرف عليه ويطلع بنت والكبيرة انها نور وفوق كل بتبلغنا اننا هنتجوز
محمود /ولا القوة الى عندها يا عم وفاكرة اننا عاكسناها اول مرة عشان كدة طحنتنا
أدهم /وكلوا كوم وفريقها كوم تانى بقا ثعبان النت اكبر هكر فى الداخلية والمخابرات يطلع بنت وكمان ورد ولا المدمر كمان بنت دا كويس ان طلع معاهم راجل
معتز /وهما بالى شوفناه يتقال عليهم بنات دنا بقيت بخاف اعدى من جنبهم
آدم /ماخلاااااااص بقا فى ايه وايه بتخاف دى.. هى دى الرجولة ....
معتز /ليك حق تتكلم ما انت ما اطحنتش زى وربنا جسمى لسة مدغدغ دى نور دى مفترية دا حتى لقب الوحش قليل عليها
