آدم /عملتى كل دا ليه؟..... ليه خدعتينى...؟
نور /فى الوقت المناسب هتعرف كل شئ ياآدم...
آدم بغضب /وانا مش عايز افهم حاجة لو مش هتقولى دلوقتي واعتبرى انى خرجت من حياتك وبالنسبة للمهمة هنسحب منها
نور /واضح انك مفهمتش لما قولت الى بيدخل فريق الوحش مش بيخرج منه ولو فكرت بس هيكون آخر يوم ليك فى الداخلية وانا لحد دلوقتي بتكلم معاك بهدوء ومتحاولش تغضبنى لانك صدقنى مش مستعد تشوف غضبى واه بالنسبه للجواز عشان المهمة ممكن ابدل مع حد و...
اول ما سمع انها ممكن تتجوز غيره وتبقى ملك حد تانى حتى لو جواز مزيف قاطعها بسرعة
آدم /لا هنتجوز ومش هنسحب من المهمة ومش عشان خايف منك دا لان مش العقرب الى يهرب او ينسحب وبعد المهمة هعتبرك مدخلتيش حياتي اصلا
نور ببرود /تمام وياريت نعمل فترة معاهدة سلام ما بينا الفترة دى مش كل ما نشوف بعض هيكون دا الحوار
آدم ببرود/ احسن برودوا والافضل ميكونش فى حوار غير فى الشغل فقط
نور /ودا المطلوب
وغادر آدم ونزل البنات
ورد بتوتر/نور
نور ببرود/نعم
ورد /بصراحة كنا عايزين نعرف ليه خليتى الجواز مع المهمة
جنات /فعلا واحنا متأكدين انك تقدرى تخلى الامور تكون طبيعية والمهمة تتم من غير موضوع الجواز
نور ببرود/كل شئ بعمله لسبب واكيد هتعرفوا السبب بعدين وانتوا عارفين انكم اخواتى اكيد مش هتسبب فى حاجة تأذيكم
ندي /احنا متأكدين من دا انت مش بس اختنا انت كل حياتنا
أسماء /انت احلا شئ فى حياتنا يا نور
نور بمرح على غير العادة ولتغير الموضوع/ايه يابنتى انت وهى انتوا عارفنى الدمعة قريبة منى واكاد ابكى هااا
ورد بصدمة /مين دى
أسماء /فين نور ياجماعة
ندى /لا مش مصدقة عينى نور والهزار توجزر كتير
جنات /اكيد دى نهاية العالم
نور /بقا كدة يا حيوانة منك ليها انا غلطانة اصلا انى بعبركم وكملت بخبث وياخسارة الفساتين الى على وصول
كلهم جريوا
ورد/دا انت اختنا حبيبتنا
جنات /انشاللة تتسترى يارب
أسماء/احنا اصلا جبنا سيرتك
ندى /حصل دى واحدة صحبيتنا
نور /ايوة يا واطين دلوقتي قلبتوا كلاب بلدى وقلوب بطير مصلحجين حقيرين ومع كدة يلا كرم أخلاق منى
كلهم حضنوها فى نفس الوقت وقالوا /انت احلا نور
نور /وربنا عارفة ابعدوا بقا هموت
لسة حاضنينها
نور وبتتصنع الغضب /اتنباه يا حضرات
كلهم بعدوا والقوا التحية لانهم عارفينها مفترية
