حب الطفولة

الفصل العشرون

روايه حب الطفولة الفصل العشرون:
جلس كل عروسين فى مكانهم المخصص لهم و اقترب الناس منهم مهنئين لهم، فعلا ثغر يارا ابتسامه واسعه عندما أقبلت عليها ياسمين تحتضنها وكذلك احتضن عمار ادهم
أدهم بخبث:امممم انتو جاين مع بعض ولا ايه
عمار بضحك وهو يحاوط كتف ياسمين:يا عم انت لسه فاكر ده ياسمين حامل
يارا وادهم بصدمه:ايه
ياسمين بابتسامه:معلش معزمنكوش بس والله هو كان كتب كتاب على الضيق عشان يعنى مفيش الا انا وعمار وحماتى فمحبناش نعمل شوشره
يارا بحب:على العموم الف مبروك يا حبيبتى وربنا يقومك بسلامه على خير
ابتسموا لها وذهبوا يهنئون يوسف هو الاخر، اقترب على من يارا وصافحها
على بابتسامه هادئه:الحجاب بسم الله ما شاء الله عليكى، الف مبروك
يارا بسعاده:الله يبارك فيك يا على
أدهم بغيره:كل ده سلام ما خلاص
ضحك يارا وعلى بشده على ادهم
يارا بحماس:بس قولى هى فين خطبتك
ابتعد على بابتسامه عن وجه يارا لتضهر إسراء من ورائه وهى تهتف
إسراء بسعاده:يويو الف مبروك
يارا بصدمه:اوعوا تكونوا!
حاوط على كتف إسراء بحب وهتف وهو ينظر اليها
على بحب:إسراء خطيبتى
أدهم بصدمه:هو فى ايه النهارده
يارا بضحك:يعنى انا و يوسف نديك الشركه عشان تشتغل فيها تقوم تشقط البت
إسراء بمرح:دى احلى شقطه، خليكى انتى بس فى حالك
يارا بغمزه:وقعتى يا اسراء ومحدش سمى عليكى
ضحكوا سويا ثم اتجهوا إلى يوسف ومايا وهنئوهم وبعدها نزلوا من على المسرح وجلسوا على إحدى الطاولات
على بحب:مكنتش متخيل ان ممكن احبك يا إسراء مش عارف انتى عملتى فيا ايه بقيتى انتى كل حاجه فى حياتى بحبك
إسراء بخجل:وانا كمان بحبك يا على
على المسرح طلب صاحب الديجه من العروسين ان ينهضوا ليرقصوا رقصة ال slow فنهض ادهم ويارا وكذلك يوسف ومايا اخذ أدهم الميكرفون ونظر ليارا بحب وبدء بالغناء:
بهرب فى حضن عنيك تايه ونفسى القيك عايش فى بعدك عنى مشتاق للمس اديك نفسى بشوقى تحسى تمحى بايدك جرحى واللى دا فات ننساه وابدا معاكى فرحى متقولش تتطلب تتمنى دى حور ونزله من الجنة النظره منها تدوخ ناس وليها بس الكون غنى، بيكى الحياه بتحلالى يا اللى شغلتلى بالى عشت عشانك بكره لجل ما تبقى حلالى، كل العيون حباكى عشقك وبترجاكى انك تكونى عشانى يوم فرحى تبقى ملاكى
اخذ يوسف الميكرفون ونظر لمايا بعشق واكمل:
يا ضحكه جميله شيفنها يا بسمه حب عارفنها يا نجمه عايشه وسط سحاب بتدارى لنحسدها يا ورده مكانها فى البستان يا آيه نزله من الرحمان يا خفه دم موصوفه بتتباهى بذوق وحنان، بيكى الحياه بتحلالى يا اللى شغلتلى بالى عشت عشانك بكره لجل ما تبقى حلالى كل العيون حباكى عشقك وبترجاكى انك تكونى عشانى يوم فرحى تبقى ملاكى
وما ان أنهى يوسف الاغنيه حتى حمل يوسف مايا وحمل أدهم يارا من خصرها وداروا بهم بسعاده شديده والقاعه كلها ضجت بتسفيق الحار لهم
.......................................
بعد مرور ثلاث سنوات فى قصر العائله
نعم فى ذلك القصر الذى ملئوه جميعا بذكرياتهم السعيده فأخذ أدهم ويارا جناح ومايا ويوسف جناح وكوثر جناح صغير لها وكذلك ماجد واخذ هاله واحمد جناح وإبراهيم ونادية جناح وعمر وكنزى جناح وانجبت كنزى ابنها الأول اسامه وانجبت مايا ابنها الأول ياسين واصبحت كنزى حامل مجددا فى الشهور الاخيره، يارا الوحيده التى لم تحمل ابدا وكلما ذهبت إلى الأطباء يخبرونها بعدم وجود مشكله بها لكنها لم تعد تتحمل كلام حماتها الذى يجرحها بشده لكن أدهم دائما ما يطيب خاطرها بكلامه المعسول
كان الجميع يجلس معا ويضحكون عندما دلف عمر من باب القصر وهو يرتدى زيه البحرى الرسمى وهو سعيد بشده وحمل ابنه اسامه ودار به عدة مرات من فرحته
كنزى بلهفه:فى ايه
عمر بسعاده وهو يقترب منها ويضع يده على بطنها:شكل العسل اللى جاى فى السكة ده وشه حلو عليا
ناديه بسعاده:ايه اللى حصل يابنى
عمر بسعاده:اترقيت يا ماما اترقيت وبقيت مقدم
احتضنت كنزى زوجها بسعاده وهى تهتف
كنزى بفرحه:الف مبروك يا حبيبى
مايا بسعاده:الف مبروك يا عموره
بارك الجميع لعمر بينما عقدت كوثر وجهها بضيق
كوثر بابتسامه مصطنعه:الف الف مبروك يا حبيبى وربنا يقوملك مراتك بسلامه وعقبال نااس
تجمعت الدموع بعيون يارا عندما احست بأن الكلام موجه لها وخرجت بسرعه من القصر إلى الحديقة وهى تبكى بحرقه فانتفض أدهم واقفا بغضب شديد
أدهم بغضب:حرااام عليكى يا ماما لو عندك كلمه حلوه قوليها لو معندكيش يبقا لو سمحتى اسكتى
كوثر بلا مبالاه:وهو انا قولت حاجه هى بتاخد الكلام على نفسها ليه، ولا هو اللى على راسه بطحه!
احمد بغضب:اومال عقبال مين يعنى هو فى حد هنا لسه مجبش عيال غيرها
أدهم بغضب للجميع:موضوع الخلفه ده حاجه بينى وبين مراتى واللى هيفتح الموضوع ده تانى او احسه بيلقح على مراتى هو حر
ثم خرج وراء يارا إلى الحديقه فوجدها تبكى فذهب إليها وقد تراخت عضلات وجهه حتى وقف أمامها فربط على كتفها فنظرت اليه بدموع غزيره
يارا وهى تشهق من البكاء:ا..أدهم لو...لو انت زعلان عشان مخلفتش ط..طلقنى واتجوز ده.. ده من حقك
أخذها أدهم بين احضانه وضمها إلى صدره بقوه كبيره حتى هدأت تماما
أدهم بحنان:يارا انا لو عيالى مكنوش منك فانا مش عاوزهم وبعدين دايما خلى عندك ثقه كبيره فى ربنا وأعرفى ان دايما كل تأخيره وفيها خيره وكلمه طلاق دى لو سمعتها منك دى انتى حرره فاهمه
هزت له يارا براسها دليلا على استجابتها له فضمها أدهم مجددا إلى صدره بحنان
يارا بحب:بحبك يا أدهم
أدهم بعشق:وانا بعشقك يا قلب أدهم من جوه... تعالى معايا
سحبها أدهم ورائه إلى غرفه منعزله فى الحديقه وادخلها إليها واضاء ضوء الغرفه لتندهش يارا مما رﭢت
يارا بفرحة:ايه ده!، دول كل لوحاتى
أدهم بايجاب:ايوا عشان لما تحبى ترسمى تيجى هنا فى الهدوء وحططلك كل لوحك هنا حوليكى
احتضنته يارا بسعاده شديده من شده فرحتها
يارا بسعاده :ربنا يخليك ليا يا ادهم
أدهم بابتسامه:ويخليكى ليا
........................................
بعد مرور ايام دلف أدهم ويوسف إلى القصر بعد يوم عمل شاق فوجدوا القصر مظلم
أدهم بتعجب:أعوذ بالله من الشيطان الرجيم بنحضر عفاريت احنا ولا ايه ييوسف.. يوسف.. انت روحت فين يابنى
نظر أدهم حوله فلم يعد يرى اى شئ من الظلمه وفجأه وضع احد يده على عينيه فوضع أدهم يده تلقائيا على تلك اليد فزين ثغره ابتسامه جميله
أدهم بحب:تبقى هبله لو فكره انى مش هعرفك
أضاء نور القصر كله لتزيل يارا يدها من على عين أدهم
يارا بعشق:تبقى انت اهبل لو فاكر انى ممكن انسى عيد ميلادك
نظر ادهم حوله ليرى الزينه التى زينت المكان والطاولة التى عليها قالب من الكيك تحمل صورته وأفراد عائلته متجمعين حوله فرفع أدهم حاجبه
أدهم بضحك:بقا بتشتغلونى من الصبح وعاملين نفسكم نسين
ماجد بابتسامه:اومال تبقا مفجأه ازى
ضحك أدهم واقترب من الكيك واخذ الباقى يغنون اغنيه عيد الميلاد وأدهم يبتسم ابتسامه واسعه ثم تمنى امنيه واطفأ الشمع
كنزى بفرحه:اتمنيت ايه
أدهم بحب:اتمنيت ان ربنا يخليكم ليا على طول بحبكم جدا، شكرا بجد على كل حاجه
ابتسم الجميع واعطى كل شخص هديته لادهم بينما وقفت يارا لا تفعل اى شئ
هاله بضحك:فى ايه يا يارا مجبتيش هديه لجوزك ولا ايه
يارا مازحه:مش انتو جبتوله كفايه عليه
عمر بضحك:البس يا عم ههههههه
احمد رافعا حاجباه:جبتيله ايه يا يارا
كوثر بضيق:هتكون جبتله ايه يعنى
يارا وهى تنظر لكوثر بتحدى:انا حامل
شهق الجميع من الفرحه معدا كوثر التى اشتعلت من الغضب وادهم الذى عقد حاجبيه بغباء
أدهم بغباء:مش فاهم
ناديه بضحك:فى يا بنى انت استغبيت ولا ايه
اقتربت يارا من زوجها و وقفت امامه وهتفت بسعاده
يارا بفرحه شديده:انا حامل يا ادهم حاامل
ما ان ادرك ادهم عبارتها حتى حملها بسعاده ولف بها عده مرات
يارا وهى تضربه على كتفه:بس يا ادهم دوخت
انزلها أدهم وهو سعيد للغايه
......................................
بعد مرور عده سنوات
أسامة مبتسما:اهلا انا اسامه عمر ابراهيم عبد الجمال الكبير فى اخواتى ابن المقدم عمر والكاتبه والمدرسة كنزى، انا وكيل نيابه و على فكره متجوز بنت ابن خالة امى هههه لفه كبيره صح هى اسمها جنه وتبقى بنت عمى يوسف وبحبها جدا فوق ما تتخيلوا حب طفولتى بقا اعمل ايه
ياسين بابتسامه:احم انا ياسين يوسف أحمد الكيلاني وانا بلا فخر الكبير انا ابن البشمهندس يوسف ومديرة المدرسه مايا ايه يا جماعه مهى اترقت هتفضل مدرسه على طول يعنى، انا خريج كلية طب بحب بنت عمتى يمنى من وانا صغير احلى حاجه فى حياتى وهى مراتى دلوقتى على فكره
يامن مبيتسما: وانا يامن أدهم وائل الهوارى ابن البشمهندس أدهم وهو كمان بيغنى فمتعرفوش هو ايه بظبط وابن البشمهندسه يارا وهى كمان بترسم فمتعرفوش هى ايه بظبط بردو المهم انا كمان خريج هندسه و اكبر من اختى التوأم يمنى بخمس دقايق وكاتب كتابى على بنت بنت خالة امى بصو يا جماعه هى بنت عمى عمر واسمها بسمه وبحبها جدا على فكره
يمنى بابتسامه :هااى انا يمنى أدهم وائل الهوارى الأخت التوأم للولا اللى لسه معدى ده ومرات الولا ياسين لاوالله ما تزعل يا حب ده انت احلى حاجه فى حياتى ده انت العسل والباقى كله بصل ده انت حب الطفوله بتاعى ياسطااا، ااه ااه نسيت اقولكم انا خريجه حقوق يعنى محاميه....... يتبع