حب الطفولة

الخاتمه

رواية حب الطفوله( الخاتمه) :
مصطفى بسعاده:احم احم المايك شغال الو الو، انا مصطفى عمر ابراهيم عبد الجمال انا الوسط بين اخواتى يعنى ولا الكبير ولا الصغير ده انا حتى احلى واحد فيهم يا جماعه حتى تشفونى كده تفكرونى أجنبى خاصتا بتفاحه ادم اللى هتنط من رقابتى،متواضع انا اوى عارف، بس للاسف الحلو مبيكملش للآخر دخلونى طب بيطرى يا جماعه يرضيكم كده يعنى العسل ده فى الاخر يبقا دكتور بهايم! بس فى جانب حلو بردو يعنى هناك قابلت خطيبتى و حبيبتى ملك احلى حاجه فى حياتى، بحببك يا ملوكه
ملك بضحك:هههههه كده تفضحنى انا كمان بحبك يا قلب ملوكه ااه اوبس نسيت اعرفكم بنفسى انا ملك كارم وعادى يعنى قابلت مصطفى بصدفه فى الجامعه حبنى وحبيته وجه اتقدملى عاادى بس اقسم بالله بعشق امه لا مؤاخذه يا طنط كنزى
جنه بابتسامه:السلام عليكم يا جماعه انا جنه يوسف أحمد الكيلاني انا الصغيره، ياسين الأول وبعدين انا بس وكمان حرم أسامة عمر عبد الجمال زوجى حبيبى وقرة عينى وللعلم انا خريجه تمريض
بسمه بابتسامه:اهلا يا جماعه انا بسمه عمر ابراهيم عبد الجمال انا أصغر اخواتى بعد اسامه ومصطفى وانا كمان مدرسه درسات محدش يغلط عشان بعشق الماده دى هااا، وكمان مكتوب كتابى على يامن، انتوا متعرفوش انا بعشق الولا ده ازى
فارس بفرحه:اهلا اهلا بناس الحلوه انا فارس على خالد الكيلاني ابن البشمهندس على والبشمهندسه إسراء، انا الصغير اصلا مفيش الا انا واخويا بس اخويا متجوز وعايش حياته وانا دلوقتى فى تالته ثانوى، بعشق حاجه اسمها هاله لا لا متفهموش غلط مش هاله اللى فى دماغكم دى ستى يا جماعه فى ايه هاله دى تبقى بنت طنط يارا الصغيره وهى أصغر منى بسنه، اه اه انتى واقفه يا هاله منوره والله استنى بس عليا تلت اربع سنين كده وهروح اخطبك من ابوكى
هاله بمشاكسه:بصوا بقااا معايا كده وملكوش دعوه بالعيال الهبله دى انا هاله أدهم وائل الهوارى وانا الحمدلله سنجل يا جماعه بس اقولكم على سر انا بحب الواد فارس اللى قاعد هناك ده، منور يا بابا والله منور يا جدو احمد انت وفارس والله هتمشوا أمته؟!، بيقولو عليا فقر يا جماعه اكيد عشان انا الصغيره والمدلعه وبيغيروا منى، بصوا بصراحه انا مش هكذب بيقولو كده عشان ستى كوثر ماتت وماما حامل فيا وستى هاله ماتت بعد ما ماما ولدتنى وكمان عم بابا ماجد مات يوم السبوع بتاعى يعنى بصوا قصف جبهه من جميع الجهات والله يا جماعه انا مليش ذنب الأعمار بيد الله فى ايه!
........................................
فى المقابر
وقف احمد امام قبر هاله وهو يحارب دموعه كى لا تخونه
احمد بحزن شديد وحنان:صباح الخير يا حبيبتى وحشتينى اوى عامله ايه عند ربنا ااه متخافيش انا بصلى الصلاه فى وقتها، هاله هو انا ممكن اشوفك النهارده فى الحلم اصلك وحشتينى اوى و وحشنى صوتك وضحكتك ولو انا وحشتك استحملى قريب اوى هجيلك بس انتى قولى لربنا عندك يجبنى بسرعه، عارفه يا هاله كنزى عامله حافله كبيره اوى النهاردة فى القصر بمناسبه روايتها الجديده وبتقول انها مفجأه يلا بقا يا حبيبتى عشان متأخرش عليهم هجيلك بكره سلام
.....................................
فى قصر العائله صعدت كنزى المنصه و وضعت فمها عند الميكروفون وهتفت ب
كنزى بابتسامه:انا حبه أرحب بكل الناس اللى هنا وحابه اتكلم عن روايتى الجديده اللى هى قصه حياتنا الرواية دى روايتى الجديده والاخيره لانى بعدها هعتزل لان بعدها حرفيا بكل معنى الكلمة مقدرش اكتب كلمه بعدها، الرواية دى لخصت مشاكل كتير جدا فى الحياه منها طلاق الزوجين ومنها حاله الأطفال النفسيه بسبب أولياء امرهم ومنها تحكمات العيله اللى ممكن تخرب على ابنهم حياتهم ومنها الحقد الكبير ومنها مساوء زواج الزوج وجلب لابنه او بنته زوجات اب سيئات ومنها تمسك الحب رغم الفراق واخيرا السماحة والحب، احب اقدملكم رواية "حب الطفوله"
ليضج القصر كله بتصفيق الحار ثم نزعت كنزى الغطاء عن غلاف الروايه التى صممته يارا لها لتفر دمعه سعيده من عينى يارا لتركض كنزى بسرعه إلى ابنة خالتها وتعانقها
عمر مازحا:ما خلاص يا روميو انت وجوليت
كنزى ويارا معا:هتعيش وهتموت رخم
يوسف يضحك :انت بتتهزأ يا عمر
أدهم بحب:ازى الايام جرت بينا كده ده احنا كنا لسه امبارح بنلعب فى الحديقه اللى تحت العماره
مايا بضحك:احنا عجزنا اوى يا جماعه عيالنا بقو أطول مننا
كنزى بهيام:"سأبرهن للناس كم يخطئون عندما يعتقدون انهم لن يكونوا عشقا متى شاخوا دون أن يدرون انهم يشيخون ان توقفوا عن العشق(جونى ولش )"
عمر بمرح:ما حد يقفل عم شكسبير اللى فتح علينا ده يا جماعه
ظل الجميع يضحك بسعاده شديده وهم يتذكرون ماضيهم الجميل معا
بااك
يمنى بسعاده:توته توته خلصت الحدوته حلوه ولا بتوته
ياسين بسعاده:دى جميله اوى احلى حاجه فيهم حبهم لبعض وحب بابا وماما اللى فضل متماسك حتى بعد ما افترقوا
يمنى بحب:بحبك اوى يا ياسين
ياسين وهو يعانق زوجته:بعشقك يا قلب ياسين
............................................
فى جناح أدهم ويارا وخاصتا غرفه يارا وادهم وقف أدهم وهو يراقب زوجته وهى تضع لمستها الاخيره على حجابها وهو يراقبها بشغف فخجلت هى بشدة من نظراته
يارا بخجل:احنا رايحين فين يا ادهم الساعه ١١ ونص
أدهم بضحك :بعد العمر ده كله يا يويو ولسه بتكسفى منى، خلاص يا ستى هريحك تعالى بس نمشى وانتى هتعرفى
خرجت يارا مع زوجها من غرفتهم فوجدت ابنتها هاله تجلس تشاهد التفاز
هاله بمشاكسه:قفشتكوا واخد المزه ورايح على فين يا بوب
أدهم بضحك:مهو دى مش اخلاق واحده عاوزه تبقى دكتوره ابدا
هاله برخامه:متغيريش الموضوع يا my fatherوقولى واخد زوجتك العزيزه ورايح على فين مهو مش يمنى تبقى عايشه حياتها مع جوزها اخر حب والولا يامن قاعد جوه فى اوضته بيحب فى البت بسمه فى التليفون وانت تاخد مراتك وتخرجها وتسبنى هنا بتفرج على مسرح مصر!
يارا بصدمه:ولا! يخرب بيتك ده انتى المفروض تقوليه يا ابيه
أدهم بتحذير:عارفه يا هاله لو مسبتناش نمشى انا هعمل ايه
هاله بلا مبالاه:هتعمل ايه يعنى
أدهم بجديه:هاخد منك موبيلك طول الاجازه وطبعا هاخده منك فى المدارس يعنى حوالى سنه كده
هاله بخوف:فى ايه يا ادهومه انت بتقفش ليه كده ده انا كنت بهزر معاك السكه مفتوحه يا قلبى
ضحك أدهم ويارا على ابنتهم وخرجوا من القصر وبعد نصف ساعة وصلوا الى إحدى المطاعم الشهيره فخرج أدهم من سيارته وهو يمسك بيد زوجته ويضع شريط على عينيها يحجب عنها الرؤية ودلفو إلى المطعم
يارا بتذمر:يا ادهم انت لسه صغير على شغل العيال ده فك البتاع ده مش شايفه
أدهم مازحا:لا يا حبيبتى انتى عجزتى لوحدك
يارا بغضب:بقاا كده والله امشى
فك أدهم الشريط من على عينيها لترى الظلام يعم المكان ويوجد ضوء واحد فقط مسلط عليهم
أدهم بحب:حتى لو عجزتى هتفضلى احلى واجمل يارا فى الدنيا واحلى واحده شافتها عنيا
يارا بحب:وانت احلى حاجه حصلتلى فى حياتى
صفق ادهم بيده لترى يارا ديكور المطعم الجميل والأرض تملئها البلونات على شكل قلوب ويوجد طاوله واحده لشخصين عليها غطاء احمر وقالب من الكيك عليه صورتها
أدهم بحب:كل سنه وانتى فى حياتى كل سنه وانتى مراتى وأم عيالى كل سنه وانتى الوحيده اللى قلبى دقلها كل سنه وانتى سندى وضهرى كل سنه وانا وانتى ماسكين ايد بعض وعمرنا ما هنسبها كل سنه وانتى ضحكتى وابتسامتى كل سنه وانتى كل حياتى
يارا بحب وقد ادمعت عينيها وارتمت فى احضان زوجها:لسه فاكر عيد ميلادى يا ادهم معقول بعد السنين دى كلها حبك ليا مقلش
أدهم بعشق وهو يبادلها العناق:لا يا حبيبتى ده زاد بقيتى بنسبه ليا هوس
يارا بحب شديد:ربنا يخليك ليا يا احلى واحد شافته عنيا بحبك
أدهم بحب وعشق وهيام :و يخليكى ليا يا حب الطفوله والمراهقة والشيخوخة
                           (تمت بحمد الله)