Modus Operandi

Chapter 1

"So you wanna play with magic..."

They sang in chorus.

They were on their way to Bataan. Kanya-kanya sila ng arte habang kumakanta as if they were making a music video while on a road trip.

"Are you ready for, ready for..."

Ngayon ay gumigiling na si Ryza habang nakaupo sa backseat at sinasabayan ang beat ng kanta ni Katy Perry na Dark Horse. Papunta na sa dance moves ni Dante Gulapa ang sayaw niya.

Jillian looked at her in the rearview mirror. Humalakhak ito habang salitan ang pagtingin sa side mirror sa daan at sa kanya.

"Galing gigiling ah, praktisado!" sabi nito.

Lumingon si Ava na nasa passenger seat at sumabay sa mga dance moves niya. Kaya naman pati si Jillian ay nagtaas na ng kanang kamay at iwinagayway sa ere. Habang ang kaliwang kamay ay naiwang nakahawak sa manibela. Para na silang ngayong nagsasayawan sa dance floor ng bar.

"Party-party! Whoa!" sigaw ni Ryza.

Si Jillian naman ang bumanat. Kinanta nito ang rap part samantalang ang dalawang pasahero nito ay nagtatagisan sa pagsayaw ng mga robotic dance moves. May nalalaman pa si Ryza na locking at popping. Samantalang si Ava naman ay nag tutting. Para silang mga timang sa loob ng sasakyan.

Kaklase niya ang mga ito sa high school pero hindi niya gaanong kaclose noon. She just met them again at the reunion. At dahil magkakawavelength sila ng utak ay nakasundo niya ang mga ito kaya simula noon ay lagi na siyang sumasama sa gimik. She met them at the right time-the time when she needed break from life. At nagkataon din noon na nagresign siya sa trabaho at isang taong bakante kaya't pinag apply siya ni Jillian sa company ng tito nito kung saan pareho silang nagtatrabaho ni Ava. Nasa magkakaibang department silang tatlo pero lagi silang sabay naglalunch break. Apat na taon na silang ganito. Ganito na parang mga luka-luka at sila lang din ang nakakaintindi sa trip nila.

Buong byahe along Edsa ay puro pang party ang tugtog kaya hindi gaanong nakakainis ang traffic. Sayawan sila ng sayawan at kantahan. Para na silang nasa segment ng show ni James Corden na Carpool Karaoke. It was a Friday night but they chose to go back to Bataan than go to a bar. It was already Christmas break. Sa 2020 na ang balik ng operation nila. Bakasyong engrande. Kaya sa Bataan na lang sila gigimik. Ngayon lang din ulit niya maicecelebrate ang New Year kasama ang pinsan. But it felt like something was not right.

She was slightly nervous. Tuwing umuuwi siya ay palaging may kaba. Bakit? Hindi rin niya maintindihan. She knew to herself that she's already fine. She could feel it. Hindi na siya galit at wala na rin siyang pakialam pero lagi pa din siyang nagkakaganito. Parang gusto niyang may makitang tao pero parang hindi din niya alam ang gagawin kapag nagkita na nga sila.

Nang nasa NLEX na ay minabuti niyang umidlip muna.

____

Naalimpungatan siya dahil sa tumatawag sa phone niya. Nakahinto ang sasakyan pero umaandar ang makina kaya't luminga muna siya sa daan. Papasok na sila ng Balsic. Traffic
dahil may checkpoint sa magkabilang lane at maraming militar. Eleksiyon ba? Mga isang oras na lang siguro ay nasa Abucay na siya. Tinignan niya ang phone at nakitang tumatawag si Jessie.

"Oh?" sagot niya.

"Asan ka na? Uuwi ka ba sa inyo or mag-oovernight ka kila Jill?"

"Hindi. Kila Mama niya siya didiretso kaya diyan sa inyo muna ako matutulog." she glanced at the rearview mirror dahil pakiramdam niya ay may isang nakikinig sa usapan. Nag-iwas ng tingin si Jillian.

"Ay bruha ka talaga! Bakit di mo sinabi agad? Kumain ka na ba? Magpapaluto ako kay Loida."

"'Wag na. Bumili naman kami ng pagkain sa drive-thru kanina."