Ang Mga Tula Ni MISTERCEE

𝐑𝐨𝐲𝐚𝐥 𝐅𝐚𝐦𝐢𝐥𝐲

***

magulang lagi'y sinusunod,
kahit na ito'y aking kinalulungkot,
ako'y pipi di makasagot,
takot sa kanila'y sakin bumabalot.

Lahat ng galaw napupuna,
Minsa'y pagmali minumura,
Laging tama si ama't ina,
kahit minsa'y 'di ko na masikmura.

Sila'y hindi ko maintindihan,
lagi ako ang may kasalanan,
'di man lang ako mangatwiran,
dahil tiyak ako'y mapapagalitan!

Si Ama ang HARI ng tahanan,
Kaya kilos dapat dahan-dahan,
Sumagot huwag kong susubukan,
baka ako masampal ng kabilaan!

si INA naman ang QUEEN,
kaya wag syang bibiguin,
baka ilong ko'y biglang duguin,
at pati buhok ko'y kanyang uubusin!

dapat PRINSESA akong tatawagin,
pagkat ako'y anak na masunurin,
ngunit Rankless ako kung tratuhin,
Sampit ako kung ituring.

Pasasalamat ko'y abot langit,
kahit na sila'y laging nagagalit,
dahil inalagaan ako mula ako'y paslit,
at ngayon ay lumaki akong maganda't mabait.

~~~