انثـــى الصقـر

2

🥀

يطلقـــــون على صمتــي غروراً
تمهلــــوا ؛ فـ أنــــــــا
لا ارهـــق نفسي
بـ الرد على اشخــــاص
يحمــــلون خــــللاً
في الاسلــــــــوب 😴💔 ..

--------------------------------------------------🥀

- خلاص تم يا استاذ .

- اي بس بسرعة لو سمحت لاني مستعجل .

- اي ح تلقاها جاهزة بعد المغرب أن شاء الله .

- انت متأكد انها ح توافق ؟

- ما تشيل هم من الناحية دي يا استاذ .

- طيب تمام وبخصوص القروش نزلت في حسابك 750 مليون .

اتشقق من الفرح : تسسسسسلم تسسلم شديد يا استاذ .

- مافي داعي دا مهر البت ، بس سرِع عليك الله عشان الطيارة .

- اي طوالي تلقاها جاهزة .

- شكراً يا استاذ محمود .

--------------------------------------------------🥀

- شيهاااانه يا بت شيهاانه .

- نعم يا عمي .

عاين ليها باشمئزاز وقال : عمى في عينك ، جهزي نفسك سريع لانك ح تسافري .

نططت عيونها بصدمة : ح اسافر اسافر وين يا عمي 😳.

- ما تسألي كتير ، بس اجهزي سريع يلا الراجل مستعجل .

- راجل منو ؟

- راجلك .

- شنوووووووو 😲😲😲😲😲😲😲 .

- سمعتيني .

- وح اسافر كيف وراجل شنو ومنو أنا ما فاهمة .

- ياخ عنِك أن شاء الله ما فهمتي 😡 .

- لا معليش بس انا من حقي اعرف .

- اوووف اسمعي خطبك مني واحد وح يتزوجك مؤقتاً لانو مسافر برا عندو شغل وامو خايفة عليهو من بنات الحرام واشترطت عليهو يتزوج حتى يمشي عشان كدا ح يتزوجك ، وبعدين دي فرصة ليك انتي زاتك مش انتي برضو دايرة تحضري الماستر .

شيهانه ما كانت مقتنعة بس بما انها ح تطلع من عند عمها وح تبعد من ولدو واصحابو عادي عندها تتزوج مافي مشكلة ابتسمت وقالت ليهو : طيب اوكي .

عمها اتنفس بارتياح وقال ليها : طيب جهزي حاجاتك لأنو ح تمشي بعد المغرب .

شيهانه باستغراب : طوالي كدا ؟!!

محمود : اي الراجل مستعجل .

شيهانه دخلت غرفتها وشالت شنطة صغيرة ختت فيها ملابسها البسيطة ... اثناء ماهي بتجهز في نفسها باب غرفتها دق ... فتحت الباب وكانت مرة عمها هنادي ... دخلت وقفلت الباب ...