انثـــى الصقـر

4

🥀

بين الوتيـــــن والوتيـــــن ،
ساكـــــن انت
گ نبـــض دائـم ،
لا مخرج له الا بالنفـــس الاخيـــر ..

--------------------------------------------------🥀

عند شيهانه ..
اتعرفت على بت قاعدة جنبها في الكلاس سودانية من ام سورية واب سوداني اسمها رهف ..
رهف : شوشو انت جيتي هنا لوحدك ؟

شيهانه اتوترت بس قالت ليها : ايوة وانتي ؟!

رهف بابتسامة : ههه وانا كمان ، بس انتي قاعدة في اي داخلية ؟

شيهانه : هاه .. قصدي انا ما قاعدة في داخلية .

رهف عقدت حواجبها : طييب ؟!!!

شيهانه بلعت ريقها : انا انا ساكنة مع ناس عمي اي ناس عمي ههه .

رهف : اها كويس .

شيهانه : عن اذنك هوفة بس ماشة الحمام وجاية .

رهف بابتسامة : ايه اتفضلي .

شيهانه وقفت على حيلها ومشت على الحمام بس وقفت باستغراب لمن شافت صقر قاعد في البينش وخاتي راسو بين يدينو ... اترددت تمشي ولا لأ بس اتوكلت ومشت عليهو ..

صقر حس بيد بتتخت في كتفو رفع راسو وعاين ليها زفر بضيق .. وهي قالت ليهو بدلع : صقر مالك ؟!

رح يدو من كتفها وقال ليها : مافي شي يا سمر بس ممكن تزحي مني .

سمر قربت منو زيادة وقالت ليهو : لييه يا بيبي ؟!

شيهانه ضغطت على يدها بقوووة وهي بتعاين لسمر وصقر ... استغربت من نفسها ليه هي متضايقة كدا ياخي في ستين داهيه هم الاتنين ... اخدت نفس عميق ومشت الحمام دخلت وغسلت وشها كم مرة وهي بتتنفس بسرعة وبدا الصراع بين قلبها وعقلها : اوووف خلاص ريلاكس شيهانه ريلاااااكس انتي دخلك بيهو شنو ... بس يعني هو زوجي ... شنو يعني زوجك ، انتي عارفة انو الزواج دا على ورق وبس ...

شيهانه زيها زي اي انثى اتضايقت لمن شافت زوجها مع انثى تانية ... لا هي ما غارت من سمر لانها لسة ما وصلت المرحلة دي ... بس دا اسمو حب امتلاك ... يعني اسمو اتربط مع اسمها يعني خلاص دي حاجة بتخصها هي وبس ... يعني شنو دي ما غيـــــرة دا حـــــب امتـــلاك ما اكتر ...

طلعت من الحمام ومشت لرهف اتونست معاها مسافة وبعدها رهف سواقها اتصل وكلمها انو برا ... شيهانه ودعتها وطلعت هي زاتها ولقت السواق واقف ليها ... اتصدمت لانو شكلو ما اتحرك من مكانو اصلا وهي كانت شايلة هم كيف ح تضرب ليهو ... مشت ركبت العربية والسواق اتحرك بيها على القصر ...

----------------------------------------------------🥀

وصلت البيت ودخلت اول ما دخلت ابتسمت بسبب الدفء عكس البرد القارس برا ... طلعت على جناحها اخدت شاور وغيرت ملابسها بملابس بيت مريحة ... رقدت في السرير وهي بتفكر وغفت اثناء ماهي بتفكر ...