🥀
وفي دستور الكبرياء ..
الاهتمام بمن لا يهتم بك ..
اهانـــــة !
-----------------------------------------------------🥀
وصلوا المطار ونزلوا وكان معاهم بودي قارد اتنين بس استغربت وين مشو الباقين بس م اشتغلت بالموضوع كتير ... م اخدوا وقت حتى خلصوا إجراءاتهم وطلعوا الطيارة ومقاعدهم كانت في درجة رجال الأعمال ...
ساعات ووصلوا مطار الخرطوم ... اول ما نزلوا من الطيارة شيهانه ابتسمت واتنفست بانتعاش ... خلال نص ساعة كانوا في العربية متوجهين لبيت عم شيهانه ... صقر نزلها ونزل ليها حاجاتها وحرك طوالي على بيتهم ...
شيهانه وقفت وهي بتعاين للباب مسافة بعدها اخدت نفس ومشت على الباب ودقت الجرس ... ثواني وسمعت صوت فرح وهي بتنادي : منو !
شيهانه ما ردت ليها وفرح فتحت الباب وطيرت عيونها بصدمة لمن شافت شيهانه وقالت ليها : شيهااانه 😳😳.
شيهانه ما اشتغلت بيها ودخلت البيت وهي مطنشاها ومشت على المطبخ طوالي تحت صدمة فرح ... المهم دخلت المطبخ وزي م اتوقعت هنادي كانت واقفة جنب البوتجاز وبتطبخ ...
شيهانه مشت عليها بشووق وحضنتها من ورا ... هنادي لفت باستغراب ولمن شافت شيهانه عيونها دمعت وبدت تبكي وحضنتها وهي بتقول ليها : شيهانه حبيبتي 😭❤️❤️❤️.
شيهانه ابتسمت وحضنتها وقالت ليها : والله والله مشتاقين ياخ .
هنادي بدت تبكي وشيهانه ضحكت وقالت ليها : امي ليه بتبكي ؟
هنادي زادت زيادة وهي بتقول ليها : اشتقت لكلمة امي منك اشتقت ليك شديد يا بتي .
شيهانه بابتسامة : م انا هدي يلا قدامك ما حصلت لي حاجة .
هنادي : معليش خلعتك بالبكاء تعالي اتفضلي .
شيهانه ضحكت وطلعت معاها من المطبخ ولقت فرح واقفة نفس وقفتها الخلتها عليها ... شيهانه طنشتها بس هنادي قالت ليها : فرح تعالي سلمي على اختك .
فرح بكل طاعة جات سلمت على شيهانه بابتسامة وخجل كمان ... شيهانه لمن راسها ضرب 😂😂💔 فرح بعد سلمت عليها مشت المطبخ وشيهانه مستغربة فيها ... هنادي فهمت نظراتها وضحكت وقالت ليها : هههه اكيد ح تكوني مستغربة فيها .
شيهانه اتلفتت عليها وقالت ليها : شدييييد والله الحصل شنو ؟
هنادي بابتسامة : والله يا شيهانه من ما سافرتي البت دي اتغيرت كدا وكل يوم تجيني تقول لي يا امي شيهانه بتجي متين ، يا امي كان اتكلمت معاها ح تسامحني ، يا امي انا ندمت .. وغيرو وغيرو .
شيهانه بفرح : والله كويس شديد .
هنادي : اي والله حتى انا فرحت ليها ،، نزلت راسها وقالت ليها بهمس : عقبال ايهاب وعمك .
أنت تقرأ
انثـــى الصقـر
Random°•.•° °•.•° °•.•° يمكن سمعت بطفـل صغيــر علمــوه من الصغر ثلاثــة عيــوب ؛ الاولى : لا تســــــأل .. الثانية : لا تضـــحك بوجه غريـــب .. الثالثة والاهـــم : لا تحــــــب .. مـرَ الزمـــن وحفظـــها في قلــــبه ومرَت الايــام والوقــت...
