انثـــى الصقـر

6

🥀

السقــــوط درجات ..
ادناهــــا السقوط من العين ؛
واوسطهـــا السقوط من التفكيـر ؛
واقصاهـــــــــــا السقوط من القلـــب ؛
واوجعهــا السقوط في ..
حــــــــــــــــفرة !

----------------------------------------------------🥀

الساعة 2 ونص صباحاً ...
شيهانه فتحت عيونها ببطئ لقت الغرفة ظلااام الا بس نور الابجورة الخفيف ... اتنهدت بعمق لمن اتذكرت الحصل ... جات عشان تحرك يدها بس وجعتها لعنت صقر الف دخشمية مرة ... جاتها فكرة وقفت على حيلها ودخلت الحمام ملت الجاكوزي موية دافية جابت شموع معطرة ختتها في الحمام ... ختت في الموية ورود مجففة ومعطر بريحة البلو بيري ... فتحت أغنية للماكني لاين (BTS) بما انها من عشاق البانتقان ياخ اصواتهم براها تبعث في النفس الطمأنينة والراحة 🐸 ما علينا طبعاً فتحتها برا الحمام بس بصوت عالي ... طلعت هدومها ودخلت في الجاكوزي اااااه شعور لا يوووصف راحة عجييبة ... قعدت فيهو زي ساعة الا ربع كدا ولو ما الخوف كان نامت ... طلعت من الجاكوزي ولبست روبها ولفت منشفة في شعرها ... طلعت من الحمام وحست بالعطش ... مشت على المطبخ التحضيري الموجود في جناحها بس ما لقت موية ... لبست شبشبها ونزلت تحت بروبها ...

طبعا القصر اقسم بالله بيت مهجور عديييل كدا ... ظلاام في ظلاام في ظلاام في ظلاام في ظلاام في ظلاام في ظلاام في ظلاام في ظلاام في ظلاام في ظلاام في ظلاام في ظلاام هي معليش اندحت شوية 🐸💔💔 ... المهم ظلام وصااااااني لو وقع خيط بتسمعي صوتو قرآن ساي ما مشغلينو ... المهم هي خافت بس اتوكلت ومشت على المطبخ كانت دايرة تفتح النور بس كسرت الحنك فتحت التلاجة وطلعت الموية كبت بيها كاسة وبدت تشرب ... رعشة سرت في عمودها الفقري لمن حست بانو في زول معاها في المطبخ ... بلعت ريقها وقفلت باب التلاجة وطلعت من المطبخ ... وقفت بصدمة لمن شافت ظلال زول ماشي في الحديقة ...

في لحظة تهور فتحت باب المدخل وطلعت الحديقة لاحظوا دا كلو والاخت لابسة الروب بس ... اتجولت بنظرها في الحديقة بس ما شافت شي ... بلعت ريقها وجات عشان تدخل بس باب المدخل قفل فجأة نططت عيونها وهي واقفة برا ...

لثواني حست انو الهواء دا تقيييييل تقيييييييل شديد لدرجة انها ما قادرة تتنفسو و عيونها اتملت بالدموع والقرآن كلو اتبخر من راسها في اللحظة ديك ... لمن حست بأنفــــــاس زول في رقبتــــها ...

شفايفها بدت ترتجف ودموعها نزلت ... يدو إمتدت لخصرها وضغط عليهو بقسوة آلمتها بدت تبكي بس بدون صوت كانت خايفة شدييد ... قال ليها كلمات بصوت خشن بس ما فهمتها لانها كانت بلغة تانية ... شهقت برعب لمن حست بمسدس في نص ظهرها وبعدها الراجل همس ليها بفحيح كلمة كدا بس برضو ما فهمتها ...

خافت شديد وقالت ليهو برعب وبكاء : I .. I did .. didn't un .. understand you .

الراجل ضحك بسخرية وبعدها قال ليها بالانجليزي : hah you will die 💔.