انثـــى الصقـر

3

🥀

ثــــــم مــاذا ؟!
ثـــم اني سئمت المسافــات !
وسئمت العيش ورا الشاشـــات !
مللـــــت الانتظـار 💔!

----------------------------------------------------🥀

شيهانه كانت ماشة مع سالي لغاية ما وصلت باب زجاجي كدا حتى هي كانت مفتكراهو مراية ... سالي شالت كرت وفتحت بيهو الباب وقالت لشيهانه : this is your room if you need any thing just call me .

شيهانه هزت ليها راسها وسالي انحنت بأدب وطلعت من الجناح ... شيهانه عاينت للجناح وكان كيوت وظريف مفروش بالتركوازي والذهبي فيهو طقم جلوس مودرن وشاشة ومطبخ تحضيري في قدامو صفرة صغيرة ... مشت على باب البلكونة وكان فيهو اصايص ورد جوري احمر وابيض وفيهو جلسة خشب متوسطة ومرجيحة من الخشب برضو ... طلعت من البلكونة ومشت على غرفة النوم وكانت كبيييرة واضائتها خافته فيها تلاتة ابواب مشت على واحد وكان الحمام فيهو جاكوزي ودش والمناشف مرصوصة بطريقة انيقة والشامبوهات والصابون يعني الحاجات دي قاعدة ...

طلعت وفتحت الباب التاني وكان غرفة الملابس فتحت الدولاب الضخم الكان موجود فيها واتصدمت كان ملياااااان ملابس ماركة وظاهر عليها جدييدة ... فتحت الجزامة وكانت مليانة جزم ولا عمرها حلمت بيها ... فتحت الدولاب التاني وكان فيهو شنط كتيرة وماركة كلها ... طلعت منها ومشت على التسريحة وكانت مليانة عطور فتحت الادراج وزي ما اتوقعت كلها ميك اب ...

فتحت الباب التالت وكان حمام ساونا ... رقدت في السرير ومسحت دموعها ... رتبت ملابسها في الدولاب وبعدها عطوراتها وميكياجها في التسريحة ... طلعت بجامة ودخلت اخدت شاور وطلعت وهي بتنشف في شعرها ... سمعت صوت الجرس رفعت السماعة وكانت سالي طلبت من تنزل العشاء ... شيهانه لبست عباية بفوق لبجامتها بما انو البجامة كانت قصيرة ... لبست طرحتها واتلثمت بيها ... نزلت تحت ولقت واحدة من الشغالات في وشها وهي وصفت ليها صالة الطعام ... دخلت الصالة ولقت صقر قاعد في الصفرة ...

مشت بغرور لحدي عندو وقعدت في الكرسي ... صقر ضحك باستهزاء وقال ليها : السلام سنة على فكرة .

ردت : براك قلتها سنة ما واجب .

- مافي داعي للعباية دي على فكرة .

- مافي زول طلب رايك اعتقد يعني ، بعدين انا مرتاحة كدا .

- ههه لالا فوقي لنفسك يا ماما انا ما قلت كدا عشانك ، وبعدين نزلي الطرحة دي من وشك .

- انا حرة .

- حرة لمن تكوني براك حركات العرب دي ما بتنفع معاي وبعدين ارتقي شوية عليك الله انتي مدامة صقر المغربي .

ردت بسخرية : لالا ياخ او ماي قاد ما قادرة اصدق ... بعدها تابعت بحدة : صقر المغربي لنفسك ما لي انا تمام .