انثـــى الصقـر

7

🥀

هنالـك ذكريــات جميلــة ..
تخطُر في بالك فجأة !
فتجبرُك على الابتسام مهما كان مزاجك سيئاً ..

-------------------------------------------------🥀

في الجامعة ..
شيهانه كانت قاعدة مع رهف ورهف ما فتحت خشمها معاها بس بتعاين ليها ساي ... في النهاية شيهانه قالت ليها ..
شيهانه : رهف .

رهف : هاه نعم ؟!

شيهانه ابتسمت : ح تفضلي سرحانه كدا كتير ؟!

رهف ضيقت عيونها وهي بتحمر ليها وتاني ابتسمت وقالت ليها : لا انا بس بفكر بأبشع طريقة ممكن اقتلك بيها 😊.

شيهانه نططت عيونها وقالت ليها : نعععم 😳 انا عملت ليك شنو عشان تقتليني ؟؟!!!

رهف : اول حاجة طلعتي متزوجة وما كلمتيني ... تاني حاجة انا اتعرضت الإحراج يعني انا كل ما اشوف مستر صقر بنبرش ليك فيهو بس انتي ولا حتى كنتي بتكلفي نفسك تلمحي لي مجرد تلميح ... تالت حاجة صقـــــر المغربـــي طلع راجلك وانا ما عارفة 💔.

شيهانه ضحكت وقالت ليها : بخصوص اني متزوجة ما شفتها حاجة مهمة شديد ... اما بالنسبة لانبراشك في صقر عادي ما عندي مشكلة ... اما الاخيرة دي هو يعني صقـــر المغربـــي دا ؟

- اول حاجة كيف يعني ما حاجة مهمة إنك متزوجة ... تاني حاجة كيف يعني عادي عندك انت ما بتغيري يعني ... تالت حاجة كيف يعني ، يعني شنو صقـــــر المغربـــي 😤.

- اول حاجة عادي يعني اذا طلعت متزوجة او ما متزوجة ما بتفرق ... تاني حاجة المشكلة ما مشكلة غيرة ... تالت حاجة كدا يعني صقر المغربي دا شنو .

- اول حاجـ............

شيهانه قاطعتها : عليك الله بلاش اول حاجة وتاني حاجة خشمي وجعني 😥.

رهف حمرت ليها وتابعت : اول حاجة انا بتفرق معاي ... تاني حاجة اها مشكلة شنو ... تالت حاجة دا صقر المغربي اللي اي واحدة بتتمني منو نظرة بس نظظظرة .

شيهانه ضحكت وقالت ليها بدلع : انا واثقة في صقر عشان كدا ما عندي مشكلة اذا انبرشتي فيهو .

رهف صفقت وقالت ليها : اووووووهو ثققققة لكن ... طيب تعالي اسألك .

- اها .

- اسي صقر دا زينا كدا ؟

- كيف يعني زيكم ؟!!!

- يعني بياكل زينا وبشرب وبنوم وكدا يعني حياتو طبيعية ؟

شيهانه ضحكت باستغراب وقالت ليها : اكيد يعني .. كائن فضائي هو عشان ما يكون زيكم 🙊.

رهف بحالمية : اااااه لكن منو فدييييييييته حتى لو كان كائن فضائي 😍.

- يعني صقر دا مشهور كدا ؟؟

رهف باستغراب:اكيييد دا اشهر واصغر رجل اعمال في العااالم كلو .