قصه قمر

الجزء الثاني

#رواسي الصب
#قصه قمر...

...السلام عليكم ...

🤣🤣🤣لا وحده من المتابعات تكول القصه ناشفه كلش ههههههه اليوم خليت الج مقبلات بيتنجانيه ..هههه وعله باجر تفاحيه ههههههه ....

..............هذا البارت نعتبره بدايه الجزء الثاني

قمر .

كعدت من النوم ..الباب يندك ..باوعت جميل بصفي ..اشلون ..خجلانه منه اكعده ..
اجاني صوت ام جميل من ورى الباب ...
يمه جميل اكعدوو ..
لزمت كتفه .جميل ..ماكوو هذا غافي ...اشلون ..
جميل جميل ..
حجه بنعاس ..سهيده تعبان ..
ضحكت..دنكت يم اذنه ..اني قمر ..حجيته وهو طفر ..باوعلي شجابج يمي ..

فتحتت اعيوني ياااه ..اني مرتك ..
مااحس الا حضنته ..خجلت من تصرفه ..حجيت بهمس امك ترى جانت تكعد بيك ..
حجه وانفاسه يم اذني ..امي وامج ادري شعده تكعدني وانه بنص العسل ..

وخرت عنه يبووه خجلني ..غطيت اديه بوجهي ..كافي جميل ترى مااتحمل منك هيج كافي عليه طيبه كلبك ..

وخر اديه ..لزمهن يباوع لحنه الي مزينتهن ..باس باطن ايدي ..كيمر الولايه .انتي وتردين جميل المسكين يصير حباب وياج ..

ضحكت بس انته مو حباب انته ابو كلب الطيب ..
باوع بعيوني ..ونظرات عيونه كله حيله ..
ابو كلب الطيب .صحيح بس حباب لااا ويلعب بعيونه ..
تعاااااي جر ايدي لاااا فدوه امك ..ضحكت وهو يلخلي ايده يكتم انفاس ضحكتي ...

.....
كمت من يمه ..بدلت ثوبي ..طلع كدامي واني وراه ..امه بس شافتنه وهلاهله ....خجلت ..
لزمت ابنه وباسته ..حضنه وباس راسه ..
رجعت عليه .. حضنتني بحنيه ..يما مااااوصيج بااوليدي ..ترى العزيز ..
باوعت اله ..ونظراته مشخصه عليه ..كتله خاله بعيوني ..
غمزلي ..يااا اتفاجاءت من تصرفاته ويااي ..بس شنو فرحانه فرحه ماسايعتني الدنيه ..

كعدنه اتريكنه ..وهو مااقصر ..خلاني كلشي مااعرف ..يشرب من الجاي مالتي ..يكلي احنه واحد ..
اني سكت ..والاكثر خجلي من يسويلي الكم ..

كملنه ريوك كمت اريد اشيل الصينيه .اجتني سهيده اخذته مني ..
حاجيته لللا اني اوديه ..
شهكت ..يماا اخلي مرت جمولي العيروس تشتغل ...

اخذته وراحت لمطبخ ..
رجعت كعدت يم جميل ..وجنه مو ضاك جميل ابو كلب الطيب وكله يصيحلي يخيتي ويخيتي ..لااااه اتغير كلش ..يخجلني بحركاته بكلامه بسوالفه ويااي واني بس اسكت ووجهي يصير طماطه ..

كامت امه ..لغرفته وهو ماصدك ..حجه بعيونه ويلصفن ..يله كومينه لحجرتنه ..
لااا جميل شبيك ..
جر ايدي مااحس الا بصوت عمتي ..تكله ..
ولك يمه اصبرلك اشويه خلني اطيه صبحته ..
اني تعالو دورو عليه مااختفيت لزمت جميل من ظهر ختلت من عمتي ..عيب من ور  ابنه ..الطالعه عينه فشلني
...