قصه قمر

البارت 9

#رواسي الصبر
#قصه قمر

السلام عليكم..

(اسكنو..قلبي..المجنون..
اسكنو..قلبا  ..يتيما...
اسكنو قلبا...محبا..عاشقا..متمردا..
اااااه  ..لك من قلبا..معذبا..
...قد أتعبتني...بدقاتك  المجنونه...)😂😂نسيت وطارن  الكلمات ...جوعاااااانه...
//////////////////////////////////////////////////////♥️نشرت هسه الكم ..

رحت وره دكتور ثامر لبيت الحجي..

دخلني لبيتهم

طبيت لمضيف ..
كعدت ...
طب وراي ..بيده صراحيه..المي ..
شربت ..
كعد يمي ..
حجه دكتور ثامر ..
جمولي ..اعرف بداخلك شنو ..وضايج من وضعك ..
باوعتله ..وانه لو اطلع الي بداخلي .افضح روحي .سكتت بس نظرات اعيوني اله ..

كمل كلامه ..
شوف جمولي اني اسويك عمليه تجميل لعينك وتشويه.
.
حجيت ..دكتور ماتنفعني انه اعرف روحي ..
ضحك ..
جمولي ..وادعتك ..اردك ..جمال مو جميل ..بس وافق ..
مادري دكتور ..

جميل شغلتك سهله ..بس تحتاج وقت وشجاعه واراده وشرايك تروح وياي لمدينه الطب ..
وهناك الكشف مجاني على الدوله يفحصوك استاذه جامعه بغداد واكو استاذه يجون من انكلترا علمود بحوث الخارج .والعلاجات الصعبه بلكي شغلتك سهله شدكول..

جميل .استاذ ثامر هو شعندي باص هي عربانه وكاع حماده منين أجيب مصاريف هاي السوالف .انسه يخوي

ثامر .شبيك كطعت الواهس. ما عليك بالمصاريف. اكو اساتذة ماتهمهم الماده بس يردون منك شغله وماتكلفك ويجوز يكرمونك بعد
جميل .شني هاي المكرمه أستاذ
يطونك فلوس علمود يصورن العمليه كبرنامج تعليمي لطلبه كليات الطب
جميل .دكتور تريدني ابيع نفسي شلون تقبلها ..

ثامر .وبعدين وياك .شلون افهمك يابه شراح يصورون .بس خدك وعيونك ومحد يشوفها بس الطلاب لغرض التعليم وهم يعتبر عمل خيري من قبلك

جميل..
.افكر واطيك جواب..

ثامر .ماشي اني بعد شهر وارجع من بغداد..

  جميل . طلعت من بيت الدكتور ..
وانه فكره تجيبني وفكره تاخذني .

.صدك ارجع مثل هاي الشباب واعيش مرتاح وامشي عدل واتزوج وابني عائله.
بالأول اروح للحجيه ومنها ازور النجف وبعدين اقرر
وصلت لهلي وكعدت بالحجره صافن
دله. يمه شلونك اليوم ..

هلا يمه ..رحت كعدت بصفه ..حجيت اله عن علاجي وبغداد

.شو كامت تبجي .
كالت خاف يموتونك ذوله شنعرف منهم واحنه نضيع وراك ..
حبيت راسه ..يمه وداعتج دكتور ثامر طمنني وكالي شغله بسيطه كلش ..بس لازم ابقه شهر ببغداد
...

وره كم يوم اخذتهن كلهن للنجف زرنا الإمام وبعدين زرنا المرحوم وبعدين رحت لكربلاء هناك بتنا يم الإمام عليه السلام وفتت جوه الحضرة
دعيت يوفق الجميع ويستر علينا وأكمل حياتي