قصه قمر

البارت 21

#رواسي الصبر
#قصه قمر ..

اليوم ضايجه كلش ..يعني شخص يدخل ويضل ..يتهجم عليك بلكلام ولله بودي ..اطلع اله من الكيبورد واخنكه ..وحده فارغه دخلت عليه ..بلتعليقات ..وضلت تجر بذيله ل🤨...

...عود انتو مااوصيكم ..روحوو صيرو وياهه علمود انتحر .....
عيني الي يشاهدون ..صووتوو لاوعلي اروح انام وبعد ماانشر 🤣🤣🤣🤣

//////////////////////////////////////////////////////////////////

جميل .....

مرت الأيام اني وامي وسهيدة ..

البيت وحشه ..مكانهن ..خالي ..

اروح الصبح لمحلات الحاج ابو ثامر وارجع الغده والعصر لو اروح أسير لاعمامي ونتعلل ....

رجعت بلليل ..لبيت ..
فتحتت باب المضيف ..
طبيت بيه ..جريت المخده ..انبطحت ..حاير وافكر ...
بروحي ..يمته ازوج ..اريدن مره ..تملي عليه البيت ..
وتصير ونستي ..
غفيت مادريت بروحي ..صوت امي تنده بيه ..

ياااه يمه جميل يبعد امك ليش هيج نايم .بغير افراش ..
فزيت واني متكسر من نومتي ..

كمت وصوت اعضامي ....

طلعت امي ..طلعت وراه ..
غسلت وجهي وتوضيت ..
صليت ..
اجتني سهيده ..بيده صينيه الريوك ..استكان جاي وزبده خبزه ..
اكلتهن ..طلعت واسمع سهيده تتعارك ويه ..الصخله ..

ضحكت عليه توه والده وتريد تحلبه ...
طلعت لشغلي ..اروحن مشي ومناك اصعد بسيارات الحمل ..

نزلت بالسوك ...
وصلت لشغلي بين المسواك والترتيب ....
كملت الشغل ..طلعت ..
مريت من يم الكهوه ...
اكثر الأماكن جان يفرحني هو الكهوه لان يذكرني بقمر ..
.سبحان الله كلما أصعد درجه وهو تغلبني عشر درجات .من جانت عده مكينه وحده واني عربانه
صعدت درجه من جبتلها الغراض وهي صعدت خمس درجات من جابت المكاين الجديده .رحت لبغداد ورجعت من العمليات وكونت شوي من البيت وهي صعدت بقصر .رجعولي اعمامي لمكانتي بينهم وصرت أقرب مايكون من الشيخ وهي صعدت لمراتب الشيوخ .صفنت وكمت اضحك كلت مايفيد اصعد بعد خاف تصعد وتصير حكومه هههههه..

صافن بالكاع واجت ايد الحجي ابو ثامر كعد يمي وطلبتله جاي ..
وكام يحجي ويضحك ويسلم على الموجودين واني لمحت خيال مر حسبالي قمر
ورجعت مكسوف البال وابتسم لحظي الاغبر
باوعلي الحجي ابو ثامر ..
حجه عمي شو هليام مو عله بعضك شنهي .. متوحش على اخواتك لو ابالك شغله مدوختك.. حتى من نحجي وياك عينك على وجهة السوك شفته...

جميل ..
لاعمي ..كلشي ماعدي ..
ابو ثامر ..شو جني ماامقتنع بحجيك بويه ..
كام جميل ..طلع بسرعه ..بباب الكهوه ..اجت مرت مره لابسه نقاب ..اباوعله ..شوهذا رجع ينافخ وضايج ..

عرفت علته
هذا ابن صديقي ابوجميل واعرفه وحيد ومايحجي الي بداخله وعرفت يحب وحده بس مصعبها على نفسه قررت ادخل نفسي واساعده واكسب بيه اجر
الحاج ابو ثامر .كمت وكفت ..بويه جميل تعال وراي للمحلات ..
جميل .تامر حجي