قصه قمر

البارت 10

#رواسي الصبر
#قصه قمر

السلام عليكم..قبل كلشي ممكن دعم لكاتبه sn2____iqاكون ممنونه الكم ...القصه ..سرده فد شي روحووو...تابعوه

المشاهدات ..خير من لله ..ليش ميتفاعلون ويانه ..بعد الي اطلبه منكم ..شاركو القصه وسووو اله تاكات ..ترى تستاهل الدعم ..موو لو مووو..

////////

قمر
راح جميل وحسيت بفراغ كلش قاتل...
محد كدر يمليه الي..
.شنو هذا حب لو شعور اخوي  ..

. كلشي منه حلو  معاملته وياي ومساعداته  وحركاته ومشيته فطاريته تعامله مع أهله..
.قريت بالكتب الرجل الي يعامل أهله بحب  واحترام وخوف ويخدمهم ويضحي علمودهم هو الرجال المناسب لكل امرأة ...

مايهم الشكل والفلوس وهاي الأمور الماديه ..

كمت عن المكينه واني ابعد فكري عنه ..
اهوووو اني شجاني وافكر بأمور خارج إرادتي خل اسكت احسن ..
رحت لفراشي ..
نعست واعيوني ماتقبل تغمض ..
شديت شالي عله اعيوني ..في سبيل انام ..

نمت وحلمت حلم .
لن اني بزفه جبيره وشفت رجال أفندي
.حلو اجاني وباس راسي وكالي يلا بويه فرحينا بزفتج  واجتني سميرة وكالتله مو كتلك ترجعلنا ليش كبل ايست وشردت
واندارت الي ومسحت وجهي وباستني وكالت هسه اني بقمه الفرح بقمه السعاده وكامت تفتر وتركص وباوعتلي وتحرك ايدها ودعتني  واختفه الحلم ..

كعدت بالاربعه الفجر ومذعوره  كمت توضيت وصليت ركعتين صلاة الحاجه وفتحت القرآن وقريت  واهديت ثوابها لست سميرة..

صارت السته الفجر .. اندكت الباب ..
كلت منو جايني هيج وقت بس لا جميل وحتى جميل مايتجري هيج وقت..

.صحت منو  وجان اسمع صوت شاكر  كمت فتحت الباب  .
دخل وشفته متغير  وكوه يجر نفس وبيده صندوق خشب صغير
باوعلي وعيونه تدمع..
كاالي بويه اني بعد اقل من شهر اودعج واريدج تسامحيني ..

كتله..
مسامح ولايهمك ..

كالي لا  وسكت ..

كتله شنو لا ..

حجه ..اكعدي بويه ..
كعدت مقابيله ..وعيني عله الصندوك .
حجه..
راح اسولفلج الحقيقة وانتي بكيفج تسامحيني لو ماتسامحيني..

باوعت اله ..بخوف من كلامه احس وراه مصيبه ..

دنك راسه ..حجه ..
بويه قمر ..انه اجرمت بحقج ..وموتي كرب ..
بلعت ريكي ..من كلامه ..
كمل كلامه ..
انه بكتج من اهلج ..
صدمه اعترتني ..دهشه ..
كمت وكفت ..
وانتم منوو صحت ..بصوتي ..
احنه الخطفناج ..

...

وكعت على حيلي وكمت الطم وابجي
مكتوب عليي الضيم من يوم ولدت
مسكينه بدينتي  وبروحي  انهدم
شمااخذت صفحه والناس تتهم
واليوم اهلي يتهمون علييي...

قررت افكر اخذ القران  وكلاده ست سميره واشرد ..

واباوع لشاكر وبيده صندوك خشب  وهو مثلي يبجي  وكاعد بركن الزاويه  .تقييء دم  راد يكوم مكدر ويدك بصدره يريد يشم هوه ..

كمت اصيح عليه ...
روح اطلع من بيتي  راح اموت من وراكم ..
حجه وكوه يطلع صوته ..
..بويه هسه اخذج لهلج. مكدر بعد الحك  واحقق فرحتج  .وراي بعد مهمه. ..

قمر .مهمه شنو شبايكين بعد  هم طلعن الباقيات من الناس  وهم كلي حتى ماجده المكروده هم بايكها  جد فوزيه وضحكت بهستريه  ...
شاكر .بويه كافي الله عليج
قمر .لك حقير حسبالك هسه اهلي يتلكوني بالأحضان .شراح يكولون  بتنا منو باكها ..........مافكرت.....شيفكرون .......مافكرت شراح يسوون......صرت عار  عليهم .........
هسه يطفرون عليي ويذبحوني على القبله هههه
طبعا ربتها فوزيه  وعسل وابتهاج
وطارق ......اي طارق    ..ومارق. ...
القصة كدامي مرسومه   ..
يتوسل بيه ...
شاكر اطيني مجال  شمالج تخبلتي خل أكمل ..

...
قمر.لا     لا       اني نهايتي انذبح بيد  اهلي 
وتصير خطيتي بركبتكم   كوم  اطلع بره
برررررره
مجرم      
حيوان 
شسويت بيه

راد يلزمني حتى يسكتني كمشت القرآن والكلاده بيدي ولبست عباتي .وطلعت أركض وابجي .
اهلي راح يذبحوني  ويتحملون خطيه مالهم ذنب بيها
شلون اجيبلهم العار 
شلون يواجهون الناس
وين امشي؟ منو يتلكاني 
وضليت امشي سريع وطحت على وجهي  وشفت ركن معزول .وكعدت اشهج بواجي  .و انوب كمت واخذتني رجليه لبيت ام قاسم
دكيت الباب حيل
طلعت جنتها (قاسم جان عسكري  بحرب إيران )
كعدت إم قاسم مخروعه لمنظري ..

.. وكالت ها يمه شمالج  تعالي لحضني....

واني طحت  وبعد  ما احس الا اني بالمستشفى وام  قاسم يمي فارشه بالكاع ونايمه......

.
شاكر...
  مكدرت اسكتها  والزمها  .صدري نفث دم
طلعت قمر  وراحت  واني وره ساعة يلا شوي كمت على رجليي. طلعت للشارع وهي ماكووو
قفلت بابا  بالقفل. كلت اكيد راحت للنجف او كربلاء 
وين تروح بعد المسكينه  .وشراح اسوي 
والمشكلة مااطتني مجال وصدري اختنك بالدم  ومكدرت احجي بعد
وحتى ماطلعتلها الصندوق ولا البيان
صحيح توقعاتهاا بالمجان  .اكيد بنظرها تنذبح 
خلاص .اني اروح لأهلها  وحدي  .وشيصير خل يصير .واذا قرروا    شي ضدها اكللهم ماتت وخلاص
ورحت  لبيت  جدها 
الشيخ صلاح مهدي .امام جامع الزهراء .بطرف المدينه المعروف بابو سميره 

؟؟؟؟؟؟؟؟؟؟
دكيت الباب   وطلع الشيخ لابس عمامته وجنه ناوي يروح لكربلاء 
كالي اتفضل
شاكر .زاد فضلك شيخنا
الشيخ. مبين الاخ  جاي من بعيد وتعبان اكوم  اجببلك ريوك 
شاكر . لا والله شيخنا مالي نفس ابد  بس جيتي. ......صعب شكول. ..
باوع الشيخ لشاكر   وكال هذا مبين يريد يعترف بذنب ويريد ادعيله طمنته وكتله
لاتخاف ربك غفور  رحيم  وشماكبرت الذنوب .رحمته دوم أكبر
شاكر   وحتى لو....
الشيخ .ماكو كلمه لو  واطمن بمجرد الندم  وعدم تكرار الذنب .ربك يغفرك  .وابشر  برحمته ومغفرته واستنانف العمل الخير
شاكر.. حسيت بالأمان  وصدري شوي ارتاح  وقررت احجيله السالفة
حطيت الصندوق  كدامي وبلشت  احجيله القصة بدون ذكر الأسماء حتى اشوف رد فعله
وجان يباوعلي وهادي كلش  ومانطق كلمه..