قصه قمر

البارت19🧚‍♂️

#رواسي الصبر
#قصه قمر..

السلام عليكوو يكدعااات 😂😂🤣🤣

جميل ....

طلعت امي من يمي ..
افراشي ..فرشته الي ..سهيده ..وطلعت ..
مددت ..ااااه جريت حسره ..
فكري ..وين رايح ..
ضحكت ..واني اتذكر منظر خواتي ...اخخ يااجميل راح يفرغ عليك البيت ..

نمت ماحسيت بروحي ..كعدت الصبح ..تريكت واخواتي مالهن صوت .
كربت عله امي الي تصب جاي ..
حجيه ..شنهي سالفه البنات ..عافنج من هسه ..كوه ضام ضحكتي ..

ضحكت ..نزلت القوري ..هيج يوم واشوفن مصباح عرسك .واريكنكم بيدي ..

حلت الي السالفه ..ان شالله حجيه بس خلي نشوف الناس ..

تريكت .. طلعت ..اروح لشغلي ..مشيت مسافه ..وجان اشوف
جامل ابن عمي...

اجاني يركض ..

جامل اللحك عم ابوك يريدك بشغله مهمه ..

هاا رديت عليه واني مبلهت ...رحت ركض كلت هذا..

المعمر اكيد اجته منيته يمكن تعده ال100سنه ...

رحت وطبيت المضيف .. فارشيله دوشك ويمه لحاف .وداير مدايره ولده وأحفاده وبعد ناس منا جثير
اشرلي بيده تعال يمي ..

كعدت يمه ....
حجه ..بتعب ..والكبر مبين ..بيه ..
ابو مسهر شلونك وليدي جميل
جميل الحمد لله عمي على الله
ابو مسهر.شوف وليدي مدري شكلك. بس البارحه حلمت بجدك ماراضي عني. يكلي هذا اليتيم ليش وحده ليش ماتطونه حكه.ترة اشكيلكم عند الله واحرك كل كاعكم وحلالكم ...

جميل .عمي هذا حلم..واحنا كلنا اهل والحلال والكاع كلنا بيها والحمد لله مانريد بس العافيه...

اباوعله ..عدل كعدته كوه ..طلع ورقه صفره .من جوه المخده ..
وصاح لجامل لان يعرف يقره خريج معهد معلمين ..

كعد جامل وقرأ الورقه ....
وكال هذا سند ملكيه خاص صادر من العثمانيين وموقع عليه قايمقايم الولايه
كاع جد جميل من الشط وعرض ميتين مشاره وطولا الى الفرع الثاني من الشط يعني مساحتها 200دونم
واما إخوان جد جميل فحصصهم موازيه لجد جميل وكل واحد آله نفس المساحات بالتوالي يعني كل واحد 200 دونم ...

جميل واني صافن حسبالي حصتنا عشر مشاير طلعت 200.
حط ايده فوك جف ايدي ..
ابو مسهر .بويه جميل عرفت كاعك لان ماعندك اعمام ولا عمات .فاكاع الكم واريدك تبري ذمتنا وشتريد احنا حاضرين
جميل .لزمت السند وصافن وابو مسهر عرف شنو الي برأسه

ماحجيت شي ..
ابو مسهر ه ادري شراح دكول بس احنا طلبناها بروح المرحوم
جميل .خلاص الكاع الي .والمحصول من النخل والزرع وكلشي. اخذه والي تعب عليه اطيه حك المزارعه .واللي بنه على الكاع اطيه مهله عشر سنين ويحول لكاعه .لان عنده كيعان ومحد محروم منهم
اندار ابو مسهر للجميع وكاللهم شكلتوا
كلهم وافقو على طلبي .. وكامو باسوه واعتذرو منه...
....
طلعت فرحان وابعيني اتخيل قمر .كلت هاي المظلومه مرزوقه .كل الي مد أيده الها تدخل بيته الرزق والبركات .وكمت ادعيلها بكلبي