قصه قمر

البارت 12

#رواسي الصبر
#قصه قمر...

السلام عليكم ..قبل كلشي ..القصه ..تستحق الدعم ..؟لا ...

اذا تستحق ...لا تقصرون بدعمه ...يحلوين ..
وشكري لكل شخص يدعم القصه ...

وبارت ..طويل ..🤣بس مو كلش احسن من الباراتات الطويله ....

%%%%%%%%%%%%%%%%%%%%

ماارتاحيت لنظرات عسل...
ابدا واصلا هي وأختها مناكر بالحجي .جان وكتها اني طالبه وامتحانات نص السنه ..

.وامي بيها سكر ومتتحمل تبقه وي سميره .فاكعد اقره .يمها واهتم بالطفله ...
صاحتني سميره ..باوعت اله ..

حجت ..
سميرة .يروحي جنان جيبلي بنيتي اشوفها ..

جنان. خليها نايمه وانتي بعدج مريضه وكدامج العمر وياها
سميرة .ميخالف جيبها خل ااذن واقيم بذاناتها .والبسها الثوب والكلاو الكلاده وأدعي براسها
جنان.يمعوده شبيج مستعجله اصبري ..

سميرة... ياصبر جنان تدرين أشكد انتظرت مولود خمس سنين ومامصدكه ..

كمت جبتلها الطفله وحطتها بحضنها وتبتسم
اذنت واقامت بذاناتها ولبستها الكلاده وضمتها بكماطها وخلت الثوب فوك الكماط ..

.واني اضحك على سوايتها .خطيه كلش ملتهفة تشوف الأخضر عليها ولبستها الكلاوه واخذتها منها ورجعتها للسرير ..

وهاي العكره عسل ..
جنها ماشايفة وتباوع بغيرة منها ...

..
صادف عكب باجر عندي امتحان وكلش صعب ماده الإنكليزي ..
.ردت تجي امي بمكاني .. بس الظهر تكعد امكاني
واصلا الظهر ماكو شي بالمستشفى .رحت البيت..

.. وطلبت من الحجيه باجر ب12 تجي امكاني واني اروح اتفرغ واراجع الماده ...

ثاني يوم اجت امي ..
واني رحت البيت..
وشفت بطريقي عسل ووجها مطنكر وجاي تتعارك ويه  زوج أختها وجان عصبي نار .الظاهر عدهم سالفة ومبين عسل مستعجله وتاشر بصعبها مثل الي يوعد بعقوبه
مااهتميت الهم وطلعت للبيت...
وصلت وكعدت اراجع .وصار المغرب واجاني الحجي معصب..

. كومي بويه اتلحكي اختج ....

كمت مفزوعه ..من منظر ابوي ...
لبست عباتي ...واني تيهت الطريق ..
ركضنه لمستشفى ..
ووصلت ..اركض ..بلممر ..خفت عله اختي ..حيل ..
دخلت لردهه ..وياريت مداخله ..

يوم ماانساه .كل عمري ..المنظر مفزع ..كلشي مطشر بلردهه ..الطبلات الميز بكتر ..والارواق مشككه ..والادويه مطشره بلكاع .

اباوع لاختي ..سميره ..من الصدمه ضليت بمكاني ..بس نظرات عيوني تتجول ..
عله اختي ..سميره

عياطه وبجيه ..بالألم  ..شعره مكفش ..
اباوع لمكان الطفله ..ماكوو فارغ ..
ركضت اله ..
شبكتها ..هزيتها ..
اريده تصحى ..
وماكو ولاترد ...
نحيبه ..الرج الردهه بصوته ..صوت ام وفقدت ..