انا و اختي

partie 8

راني وليت ليكم ، انا كنت راح نحبس و  nsupprimi هاد الحكاية على خاطر ماكاش ڨاع تفاعل ، بصح في خاطر لي عجبتهم راني نكمل فيها ، و ماتنساوش les commentaires باش نعرف رايكم
______________________________________

لحقت امال ل alg  و عيطت لهاديك المرأة لي قالتلها عليها يماها ، و حتى هي كانت تسنى فيها ، المهم مدتلها العنوان و امال حكمت تاكسي و راحت لهاداك العنوان ، كي لحقت لتما لقاتها قصر ماشي دار ، كي صونات فتحتلها واحد المرأة و قالتلها
المرأة : سلام نتي هي امال ؟
امال : انعم ، انا هي امال نتي مادام فاطمة ؟
المرأة : لالا انا خدامة في هاد الدار اسمي ليندا و مادام فاطمة وصاتني عليك ، هي ماراهيش في الدار mais دوك شوية جي ، جوزي مدام امال دوك نوريلك البيت لي وجدتهالك مدام فاطمة
امال : صحا بصح معليش ماتقوليليش مدام امال ، قوليلي امال برك
ليندا : ok  امال ، جوزي مرحبا بيك

دخلت امال للدار و لقاتها صح قصر و زادت دخلت لبيتها لقاتها كبيرة حتى على الدار لي كانت عايشة فيها . حطت حوايجها و دارتهم في الخزانة حتى سمعت دقديق في الباب
امال : انعم ادخل
تفتح الباب و دخلت مراة شابة ، تبان كبيرة في العمر بصح حطة و كلاص
المرأة : مرحبا بيك بنتي امال
امال : اااه ، نتي مادام فاطمة ، الله يسلمك طاطا تعيشي يعطيك الصحة و خيرك و الله ماننساه
فاطمة : بلا مزية بنتي ، ماماك دارت فيا الخير كي كنت في البلاد و انا راني نرجعلها خيرها
امال : تعيشي ، بصح انا مانيش راح نطول ، كي نلقا وين نكري نخرج من عندك
فاطمة : و الله يابنتي غير ماتخرجي حتى نطمن عليك و نعرف بلي راكي قادرة تعيشي هنا وحدك ، يا بنتي  alg  واعرة ماشي كيما وين كنتي عايشة
امال : الله يكتر خيرك
فاطمة : بلا مزية بنتي ، انا دوك نخليك تريحي نتي و بنتك و الا حبيتي ارقدو كي يلحق وقت العشا راني نعيطلكم .
كي خرجت فاطمة من البيت ، امال عيطت ليماها و طمنتها بلي لحقو بخير و بلي فاطمة مراة عاقلة بزاف و راهي متهلية فيهم .

عند احمد :
كي ولا احمد للدار مالقاش امال ، قال بالاك تكون طولت في الخدمة ، راح يحوس عليها في خدمتها بصح لقاهم بلي كملو ڨاع خدمة   و la clinique  غلقت . راح لدار باباها بصح قالولو بلي ماكاشها ، هنا هو بدا يتقلق و حتى بابابها تقلق عليها ، علاخاطر يماها ما قالت لحتى واحد .
خرجو يحوسو عليها برا باباها و احمد ، حوسو عليها في كل مكان بصح مالقاوهاش ،و كي يعيطولها تيليفونها مغلق ( كانت بدلت  la puce  و لي عيطت بيها ليماها هي الجديدة ) ...