حب ابلا خصام...و آنا ويه العادتك خصامي
بعيوني الكلام...يحله ويه الحبتك كلامي
أترك كل عشق و الدم و الهوه ما أترك أبد حبك...و أسمع بالنبض بإسمك من يدق يالنبض القلب نبضك
يا واحد فلا غيرك بالبشر مثلك ما خلق ربك...أتقطع وصل و أرجع هم أرد أمشي آنا ابعشق دربك
بس بيك الهيام...و انت تعرف بس إلك هيامي
بعيوني الكلام...يحله ويه الحبتك كلامي
طير آنا بغصن و انت العش إلي و يمك يبتدي بعمره...اشما طار و عله هم يرجع يرد ما يترك تره الشجره
لو حبك جمر هم بيك أشتعل و بعيني احفظ الجمره...و الليل اليمر أعلق لك شمع أصابعي العشره
يا قبلة غرام...و لا أعوفن قبلتي و غرامي
بعيوني الكلام...يحله ويه الحبتك كلامي
أشتمك هوه و من غيره أختنق اشما ريح الوكت صافي...يا أجمل اسم بالحب لا تظن غير اسمك عله اشفافي
كافي من العشق قالوا لي اكبرت منك ما قلت كافي...لجلك سافرت لو نار الدرب و الله أمشي الدرب حافي
يالحبك سلام...صار بلسان القلب سلامي
بعيوني الكلام...يحله ويه الحبتك كلامي
اليعرفني ايعرف أقصد يا اسم من هذا الحجي الگلته...حاء أول حرف سين و يا بعد نون احروفه خاتمته
يا ناس العشق مو حصراً إلي اهوايه المثلي عاشگته...قبلي الشافته مثلي اتولعت مو بس آني من شفته
لو صار القيام...هوه يحضرني بنشر قيامي
بعيوني الكلام...يحله ويه الحبتك كلامي
أصبر و الصبر ما ينفع أبد ملت روحي من صبري...يجبرني الدمع و العاشر يرد يرجع ينكسر ظهري
هذا الحب نهر يجري بضامري ما ينشف أبد نهري...لمن يندفن بالقاع الجسد أفني بحبه كل عمري
يحضرني الإمام...و راحت البرزخ عشق إمامي
بعيوني الكلام...يحله ويه الحبتك كلامي
انت أول اسم لمن ينذكر اسمك تنزل الدمعه...و أنت أول جرح يحجي اويه القلب إذن الحبته اتسمعه
يمك يبتدي و الحب ينتهي غيرك كل عشق بدعه...و الخادم صدق تحضر موتته و انت اجفوفك اترفعه
ما طاب المنام...غاب بمصرعك منامي
بعيوني الكلام...يحله ويه الحبتك كلامي
قلبي من الزغر ليام الكُبر يتنفس هوه حسينه...شمعة ناظري و حبل مودتي الما بين النبي و بينه
و اليذكر حرق نيران الخيم حيرة والد اسكينه...و اجفوف القمر و اسياط السبي يبجي و لو حجر عينه
يحسين الخيام...ظلن الهذا الزمن خيامي
بعيوني الكلام...يحله ويه الحبتك كلامي
باسم الكربلائي العشك
