جنح فطرس حضرها...بدت رحلة سفرها
جواز الطف صورها...عله الكوثر مقرها
فطرس نازل يحمل هالخبر...رحلة موتك جهزت للسفر
صحبك و أهلك و انت عالأثر...شمسك ترحل و يغيب القمر
شوفه بعينك يوقع عالنهر...و اختك تنشد بحبال القدر
بعد عزها بخرابة...النبي يُهتك حجابه
إلك توفي صحابة...مثل صبرك صبرها
نادوا زينب يا نون القلم...احنه أنصارج لترابج خدم
اثنين بطفج ميطحن قسم...دمعة عينج زينب و العلم
اي و الشكلت عالثاني الذمم...محد يوصل لطراف الخيم
و لا تطلع سبية...سراج الله و نبيه
لجل سكنه و رقية...الزلم نذرت عمرها
بيهم ناده يا سر مذهبي...أبقه الوحدي منكم مطلبي
كلهم صاحوا يحسين الأبي...من انعوفك شنقل للنبي
عفنه حسينك بيد الناصبي...ندري بزينب بالطف تنسبي
وحق ربنه و خليله...وحق طفه و كفيله
وحق ستر العقيلة...فلا يقبل عذرنه
كون انعوفك و انت ابغربتك...شنهو اجوابك و أمك سإلتك
يبني أصحابك ساعة شدتك...منعوا عنك خيل الداستك
دفعوا دمهم عن دم رقبتك...لو يوليدي ربعك خانتك
تقول أذكر صحابي...حرق بالنار بابي
قلت آية كتابي...برمح شالوا نحرها
يُمّه أصحابي طاحوا عالثره...واحد واحد قدم منحره
هُمه أحبابي دنية و آخره...لا ما عندهم صفحة امزورة
لا ما خانوا بيت المغفرة...مثل الرفضوا بيعة حيدره
زلم لمن صحتها...جثث بالطف عفتها
قبل صدري شفتها...بحقد داسوا صدرها
صاحوا بالطف يا نور الأزل...كلمن عافك بالنار اشتعل
خان ابجدك و بخير العمل...يذبح فاطم بيد أم الجمل
راس العدنه لجدامك نزل...رايد يصعد برماح الجهل
إذا شخصك نعوفه...فلا ربك نشوفه
جنان الله و قطوفه...الخسر حبك خسرها
جرحك أخضر لليوم الجرح...لسه أنصارك لجلك تنذبح
راسك بعده مرفوع برمح...صرخة دمك لآذان الصبح
شيعي و بعدك مكسور الجنح...ويه أعداءك أرفض كل صلح
أظل صاحب عقيدة...أريد اللي تريده
عليه لعنت يزيده...الذبح شيعه و غدرها
انت الحاضر شاهد للزمن...حكم عقلك لتغرك فتن
اضرب صدرك للصدره انسحن...يوم العاشر لتعوف الجفن
نعلن موقف واضح للعلن...روس أصحابك قبلك طبرن
دمع عينك عباده...درب موتك ولادة
مشه اجدامك شهادة...عزاء الطف نصرها
