بحساسي.. عشك لعيونك..نبت وإندار من احساسي لشرياني
شباجك..حرز لجفوفي..صبح وتعلك بطيوفك وجداني
ياغالي..ضريحك بيتي..اطبلك شي بس اطلع منك ثاني
ياخذني..سمار عيونك..وإذا مو يمك هم يمك تلكاني
إلك ماي ...... بعيوني
وإناغيك ...... بجفوفي
ديوانك..حلم كل عاشك ..ترف يا محلاها على الكبه الرايه
ماناقص..ضريحك هيبه..صدك بس عوزك رايات ومشايه
سابيني..عطر شباجك..احس ياخذني لطف حسين اهوايه
للعاشر..يجي وياخذني..يمر بيه بشط يلجم كلبك مايه
عطر بيك .. يجويني
للخيام ...... يسبيني
ناوشني..جرح وانطيني..جزع يا سلطان بعازة دمعاتك
عيشني..حزن راويني..ضعن بي راحن للغربه عماتك
سولفلي..ذبح واقرالي..سحك جم حافر ساحكهن شيباتك
راويني..علم دايسته..زلم جويني بلوعاتك واهاتك
اون كون ..... ياروحي
عله حسين .... مذبوحي
من حيلك..ردت للمجلس..ردت للمجلس منحيلك تطيني
بجيني..على المسبيه..على العلويه المانامت بجيني
كل دمعه .. شرط لخيامك..تصب خليه نيشان بنص عيني
كل لطمه..تعور عابس..إذا الطمهه على حسينك خليني
هالجفوف ..... حط بيهن
لطم كون ......... يجويهن
