Their Little Bride

Chapt. 7: Dream

Maven's POV

Panibagong araw. Nagtataka ako sa nangyari kagabi.

Ayaw bang ipaalam ni Darleen kay Desiree ang mga nangyayari? Bakit naman? May karapatan si Desiree!

Hays, pero sa pagitan ng magkapatid iyon diba? Gusto kong makialam at sabihin na ang lahat kay Desiree. Pero alam kong may plano si Darleen, at wala kaming gagawa dahil isa lang kami sa chess pieces nya.

Bigla nalang nawala si Darleen kagabi. Pero wala na akong pake doon.  Huwag lang sanang mapahamak si Desiree.

Ngayong araw, ipapaalam namin kay Desiree ang isang napakagandang balita.

Napapangiti nalang ako pag naiisip ko 'yon.

Sana lang ay tanggapin iyon ni Desiree. Kase kung hindi, edi Plan B.

Desiree's POV

Umaga paggising ko. This is it. Kagabi ay inamin ko na sa sarili ko ang nararamdaman ko. Ang gagawin ko lang naman ay magpahinga at aalis na din ako.

Sa narealize ko kagabi, gumaan ang pakiramdam ko. Oo, inaamin ko na mahal ko sila pero hindi pwede.

Hindi pwedeng pagsabay sabayin ko sila. That's absurd.

Tumayo na ako at napadaing nang kumirot ang balikat ko. Ayokong uminom ng pain killer. Mas gusto ko na maramdaman ito. Kabaliwan ba?

Naghanap ako ng damit na masusuot ko. Wala ang mga damit ko, tanging robe lang ang meron ako. Hays, parang kahapon ko nalang ulit nasuot yung mga damit ko, nawala nanaman.

Nanlalagkit na din ako kaya kelangan kong maligo. Hinanap ko ang closet ni Eros at kumuha ng shirt at boxer. Kelangan ng undies. Mas komportable kase.

Atsaka, kailangan nating magpigil. Baka bigla ko nalang silang sunggaban kapag nakita ko sila. Maharot pa naman ang alaga ko.

Kumuha ako ng towel at nagpunta na ng cr. Pinilit kong wag mabasa ang sugat kaya gumamit ako ng bimpo.

Pinalitan ko na din ang benda dahil marunong naman ako. Saan kaya natulog si Eros? Ako kasi ang gumamit ng kwarto nya, diba?

Paglabas ko ay naamoy ko na agad ang bango ng ulam. Nagutom tuloy ako. Grabe, foods!

Hindi ako sanay na hindi sinusundo ni Eros sa taas. Bumaba nalang akong mag isa. Bakit kaya hindi nya ako sinundo? Nasanay kase ako kaagad.

Pagpasok ko sa kusina, nakita ko silang dalawa. Mga nakangiti sila sa akin. Anong meron? Sina Maven at Taurus ang nandito. Nasaan si Eros?

"Good morning, little girl." Bati sa akin ni Taurus na nakangiti. Tipid lang yung ngiti pero ang ganda.

Shems! Nakangiti sya? Nakangiti sya?! Nakangiti sya!

Wow! Ang ganda ng smile nya. Oh my!

Pilit kong tinatak sa isip ko ang ngiti nya. Gusto ko itong baunin sa pag alis. Sinuklian ko ang ngiting yon ng mas matamis na ngiti. Mas malaki at mas masaya.

Feeling ko ay kakaiba ang araw na ito at gusto ko 'yon!

"Good morning, Desiree." I heard Maven. Mukhang Good mood sila ah.

Sya din naman ay nginitian ko.

Hinanap ko si Eros pero wala sya. Hindi kompleto ang boys ko pag wala si Eros.

Ayy, boys ko? Kahit hanggang ngayon lang, akin na muna sila.

"Hinahanap mo si Eros? May inayos sya saglit." Sabi sakin ni Maven na nakangiti at kumindat.