نجمة الأدهم ج2 " الليث العاشق " 《قيد التعديل》

الفصل الأول

بعد مرور اثنان وعشرون عام

كان يجلس بمكتبه الذي يتواجد في المنزل ومعه ابيه واعمامه وابنائهم
ليث بعصبيه في الهاتف: يعني ايه مش لاقينها اكيد مدورتوش كويس
...: يباشا والله دورنا وعملنا اللي علينا
ليث بغضب: لو كنتوا عملتوا اللي عليكم كنتوا لقيتوها...ايه مشغل معايا بهايم بقالنا خمس سنين بندور عليها ده غير عمي بيدور بقاله 22 سنه عارف يعني ايه اتنين وعشرين سنه...اسمع ياحيوان انت لو معملتوش اللي عليكم قسماً بربي لأوديكم ورا الشمس
...: حاضر يباشا
انهى ليث المكالمه
سليم بحزن: شكلها كده خلاص مش هنلاقيها
ليث بثقه: هنلاقيها انا متأكد
ادهم: لازم حد يسافر امريكا عشان يغير طقم الحراسه اللي على القصر اللي هناك
سيف بإستغراب: هو احنا عندنا قصر في امريكا؟
ادم: اه بس محدش كان بيروحه حتى جدو
ليث: مقولتوليش ليه اننا عندنا قصر هناك
مازن: عشان محدش كان بيروحه
ليث بعصبيه: ممكن عمتي سيلا تكون هناك
سليم بلهفه: بجد؟
ليث بهدوء: وارد جداً ياعمي
واتصل برقمٍ ما
ليث: كرُلُس عامل ايه؟
كرُلُس: انا كويس انت عامل ايه؟
ليث: تمام..بقولك عايز منك خدمه
كرُلُس: اتفضل
ليث: عايزك تروح قصر العطار اللي عندك بس من غير ما حد يعرف وتجيبلي اخباره بالحرف مين عايش فيه مين بيعمل ايه كل حاجه
كرُلُس: مع اني مش فاهم بس حاضر انت تؤمر كل حاجه هتبقا عندك على بكره الساعه 3 بالكتير
ليث: تمام يابرنس باي
كرُلُس: باي
انهى ليث المكالمه وقال: ادعوا اننا نلاقيها عايشه هناك
الجميع: يارب

*************************************

لارا: لينا عندك شغل النهرده؟
لينا: لا ياماما النهرده انا اجازه
مياده: يا بختك ياست لينا
ملك: انتي عندك شغل؟
مياده: انا كل يوم يا عمتو عندي شغل
نور: وانتي ياسنا معندكيش جامعه
سنا بمزاح: لا عندي دكتور عبدالعزيز هو الدكتور الوحيد الغتت اللي بكرهه
نجلاء: انتي بتحبي حد اصلاً
رباب: على رأيك
سنا بعبوس طفولي: انا مخصماكم انتوا الإتنين انا مش هكلم غير فوفه حبيبة قلبي
فاتن: يا بكاشه
مياده: اظن يا أ/سنا انك عندك محاضره وانا شغل يلا إنجزي هتأخر
سنا: حاضر يا ميمو...يلا انا جاهزه
ذهبت مياده و معها سنا واوصلتها الى جامعتها ثم توجهت الى عملها

********************************************

في امريكا:

كانت تجلس في مكتبها تدرس ملف القضيه قاطعها دلوف جينا السكرتيره الشخصيه لها

جينا: Miss Aseel, your mother wants to call you
اسيل: Give me the phone, please
الحوار مترجم:
(جينا: أ/اسيل والدتك تريد مكالمتك
اسيل: اعطي لي الهاتف من فضلك)
اعطت لها جينا الهاتف ورحلت
اسيل في الهاتف: الو ياماما
سيلا بإبتسامه: الو ياحبيبة ماما...هتيجي امتى؟
اسيل: قدامي حوالي ساعه كده
سيلا: طب يا حبيبتي خلي بالك من نفسك
اسيل: ماما انا مش صغيره عشان تقوليلي خلي بالك من نفسك
سيلا بنفاذ صبر: ماشي ياستي انا اسفه يلا سلام
اسيل: سلام
انهت اسيل المكالمه وتنهدت بتعب ورجعت مره اخرى لتدرس القضيه