အထက်တန်းနောက်ဆုံးနှစ်(2005)
"ဘတ်ဟျွန်းနီး ဘတ်ဟျွန်းနီး"
"ချန်းယောလ်လေးလာပြီလား"
"ဟုတ် ဘွား"
ဘတ်ဟျွန်းနီးအဘွားက ထမင်းစားခန်းဘက်ကနေ အသံပေးလာသည်။ ချန်းယောလ်ဝင်သွားလိုက်တော့ မနက်စာပြင်နေတဲ့ ဘွားက အပြုံးချိုချိုနဲ့ကြိုဆို၏။ ဘတ်ဟျွန်းနီးဘွားကလည်း ဘတ်ဟျွန်းနီးလိုမျက်လုံးမှေးမှေးလေးတွေနဲ့ ရယ်လိုက်တိုင်း တစ်ဖက်လူကိုပျော်ရွှင်စေသည့်မျက်နှာမျိုးပိုင်ဆိုင်ထားတာပဲဖြစ်သည်။ ဟင်းတွေခပ်ထည့်ထားသည့် ပန်းကန်လုံးတွေကို ချန်းယောလ်ပြေးယူပြီး စားပွဲပေါ်ပြောင်းတင်ပေးလိုက်သည်။ ဘွားက သဘောတကျနဲ့ ခေါင်းတငြိမ့်ငြိမ့်။
"မင်း ဘတ်ဟျွန်းနီးက သိပ်လှချင်လာသလားပဲ ချန်းယောလ်ရေ။ မနက်အစောကြီးထ ရေမိုးချိုးပြီးတာတောင် အခုထိမထွက်လာသေးဘူး။ ဘာတွေလုပ်နေမှန်းမသိ"
"ဟာ! ဘွားကလည်း။ ယောက်ျားလေးကို လှချင်တယ်ဆိုတာချည်းက မမိုက်ဘူးနော်"
"ဘတ်ဟျွန်းနီး..."
အသံစူးစူးနဲ့ ထမင်းစားခန်းထဲဝင်လာတဲ့ ဘတ်ဟျွန်းနီးကို ချန်းယောလ်လှည့်ကြည့်လိုက်သည်။ နားရွက်ကားကားလေးကိုအဝိုက်ဖော်ပြီး နားထင်ရှေ့မှာချွန်ချထားသည့် ဆံပင်စတိုင်ကလတ်တလောခေတ်စားနေသည့်ပုံစံဖြစ်သည်။ အနောက်ဘက်ကိုမြင့်သွားသည့် နဖူးပေါ်ခပ်ဝဲဝဲကျနေသည့် ဆံစတွေကို လေနဲ့တစ်ချက်မှုတ်ပစ်လိုက်တော့ မျက်နှာနုနုလေးက ရှင်းခနဲပေါ်လာသည်။ ဘတ်ဟျွန်းနီးဝင်လာတာနဲ့ လီမွန်နံ့သင်းသင်းလေးကပ်ပါလာခဲ့ပြီး မျက်နှာသွယ်သွယ်လေးကိုကြည့်ရင်း ချန်းယောလ်ပြုံးမိနေရ၏။
ဇိုးဇိုးဇတ်ဇတ်ဝင်ထိုင်ပြီး ကြက်ဥလိပ်ပန်းကန်ကိုလက်နှိုက်ဖို့ပြင်နေတဲ့ ဘတ်ဟျွန်းနီးလက်ကို ဆွဲထားလိုက်သည်။ ကြက်ဥလိပ်ကို ခက်ရင်းနဲ့ယူပြီးကာမှ ဘတ်ဟျွန်းနီးပါးစပ်ထဲထည့်ပေးရသည်။ ထမင်းဖြူထည့်ထားတဲ့ပန်းကန်လုံးထဲ ကင်ချီဖတ်တင်ပြီး ဘတ်ဟျွန်းနီးပါးစပ်ထဲ ထမင်းတစ်လုပ်ထပ်ခွံ့လိုက်သည်။
CZYTASZ
Love is in the Air
FanfictionThe love Story between two human beings. Cover By: Moe Yeik Nyo
