الضحية الثامنة

الحلقة 5

الحلقه٥

لينا: بعياط ...ماماااا تي شن هدا 😨

نهلى: هادي اختكم ال🔞

لؤى: شاد راسه ويعيط ...لا لا لا مستحيل هادي لبنى الي نشوفوا فيها ره مستحيل

قيس : لوح الاب توب اعلي طول ايده وطلع من الحوش

لؤي : امي والله الا ما نقتلها الوسخة

لينا: حاطه يدها اعلي فمها من الصدمة طبعا مشكتش ولا دقيقة ان الي شفاته يكون صح .... انتوا فهمين غلط و الله الا فهمين غلط كيف تصدقي حاجة زي هكي معقولة تشكي في بنتك حتى لو كان شفتيها بعيونك متصدقيش
انتي عديمه الاحساس توري فينا في الفيديوا مدرتيش ولا ردت فعل انتي مستحيل تكوني ام لان الامومة مش هكي والله الا فهمتيها غلط

نهلى: ضربتها كف بسم سمها

لينا: حطت يدها اعلي وجها وتبكي ... يا عديمة الاحساس ..ومشت

طارق : شاد راسه وعيونة حمر لين فجأه اغمى اعليه

------------

لبنى: معش في حد ورانه

أنس: متأكده

لبنى: ايه

أنس: منقدرش انروح بيك اليوم

لبنى: لا مستحيل حي اعليا من خوتي بيقتلوني اكيد ماما خايفة اعليا توا لازم نوصل فيهم

أنس: مش حافظة الا رقم امك

لبنى: ايه نبي نكلمها بالله اعليك اكيد خايفة اعليا هلبا اعطيني تلفونك نتصل

أنس: متقدريش الخط مراقب

لبنى: هدا الي كان ناقصني

أنس: خش لي حوازة كبيرة فيها حوش ... انزلي

لبنى: وين احني اعلاش جايين اهني

أنس: نزل ومشي فتجأه الحوش وفتح الباب

لبنى: كنت منبيش ننزل متردده معقولة بنقعد مع ولد في حوش واحد وانا منعرفاش وخايفة اكتر حاجة من خوتي حسيتها تعتبر خيانة ليهم ولي امي وبوي قررت نقعد نبات في السيارة لين نشوف فيه جاي من بعيد

أنس: متبيش تنزلي

لبنى: ايه خليني في السيارة خير

أنس: انزلي انتي انا توا نقعد اهني

لبنى: معش اعرفت شن بنرد اعليه حسيت كأن مش من حقي نخليه يقعد في السيارة وانا في الحوش وهوا مساعدني... لا خليني انا في السيارة

أنس: فتحلي الباب ...قتلك انزلي 😠

لبنى: باهي بالشويا ...ونزلت

أنس: خشي تلقى حجات في الثلاجة من الصبح مكليتي شيء

لبنى: باه متأكد بتقد في السيارة ... نكلم فيك