الضحية الثامنة

الحلقة 6

الحلقه6

لينا: الو وييينك انتي

لبنى: كان تعرفي شن صار يا لينا😭

لينا:وهيا تبكي احكيلي كل شيء بالتفصيل

لبنى: احكتلها شن صار معها من البدايه ... قولي لي بابا يروح بيا انا في حوش واحد منعرفاش ولازم نحاسب مريم ع الي دراته

لينا:😱😱😱 ككييييف لا مستحيل مريم الكلبة من الاول مش مرتاحتلها 

لبنى: لينا في دوشة بحداك معش نسمع فيك انتي وين

لينا: احني في المستشفى يا لبنى😭

لبنى: علاش من مريض كيف صار 😨

لينا : امتى روحت امي من حوش مريم كان عندها ممري قالت ان هدا الفيديوا من كاميرات المراقبة متع مريم في فيديوا ليك ولي الولد الي حكتيلي اعليه تركبي فيه لسيارة لكن زادوا لقطات انك تضحكيله مش زي مقلتيلي

لبنى: كيف كاميرات

لينا: ايه وشفوا  الفيديوا خوتي حلفوا الا ميقتلوك وبابا اغمى اعليه وخش في غيبوبة واحني توا في المستشفى😭😭

لبنى: لا اعطيني لؤي نبي لؤي لازم نفهما

لينا: اصبري شويا 😭.... لؤي لؤي

لؤي: شن في

لينا: في واحد يبي يكلمك ... ومدتله التلفون

لؤي: الو نعم

لبنى: لؤي خوي 😭

لؤي: لبنى😳

قيس: لبنى وينها هات التلفون .... الو يا حقيره يا فسدة هكي ربناك احني يا🔞🔞 و عندك  وجه تتصلي

لبنى: قيس استنى متصكرش  افهم بالله اعليك😭

قيس: معش  تتصلي يا🔞 والله الاما نقتلك وسيورك تطلعي قدامي ... وصكر اعليها

لؤي: خيرها شن تبي هالفاسدة

قيس: لوح التلفون وكسره وقعد يعفس اعليه ... هدا تلفونك شوفي شوفي... وقعد يعفس وقيم فيه ولوح فيه ع الحيط

لينا:  والله الاوحش نكرهك مش خوي😨

قيس: جي شدها وقعد يخبطلها في راسها ع الحيط مش خوك قلتي نكرهك وحش  توا نوريك الوحش شن يدير ..وقعد يخبط فيها لين لفت انتباه الناس الي في المستشفى

لؤي:هي ياسر اختك بتموت

قيس :  دف لؤي لين طاح  وقعد يضرب في لينا ... زيك زي  اختك كان مربتكش انا حتطلعي زيها يا🔞 ... لين جوا الناس قعدوا يفكوا فيه من اخته

لينا: غابت عن الوعي وسعفوها ...

_______________

           💛 عائشة خالد المجراب💛

_______________

لبنى: تبكي بصوت عالي 😭😭

أنس: ووواك شن صار ...... تبكي!!!!

لبنى: 😭 تبرئوا مني معش يبوني

أنس: كيييف علاش شن صاير

لبنى: شافوني في الكاميرات متع حوش مريم معاك في السيارة يسحابوني هاربة😭

أنس: لا لا مستحيل نفضحت كيف صار........... من الصدمة لين مشي اتصل بأيمن خوه برقمه والخط مراقبة

أيمن: نسنوسي مساء الزبادي يا معذب فؤدي فقدتني ولا عادي😊🙂

أنس: مش وقت برادتك يا🔞🤬🤬🤬🤬

أيمن: غر بالشويا معش تسب شن صاير

أنس: عرفوا انها معاي

أيمن: لا كيف معقولة يكون ..ن

أنس: تي لالا شافوني في الكاميرات 😡

أيمن: شن بنديروا ضعنا في الضباب تعب خمسة سنين مشي في لهواء ..وقعد يصفر😩

أنس: كلم ال****  بنديروا مداهمة اليوم

أيمن: مزال مش وقتها كيف هكي من غير تخطيط انس اصبر شوية بس ... وقعد يشوف في تلفونة....... ياخراولة حياتي متصل بيا من شفرتك و الخط مراقب!!!! 🤦🏻‍♂🤦🏻‍♂🤦🏻‍♂🤦🏻‍♂

أنس:  هوا خليتوا فيا عقل .. وصكر في وجها ... يااا انتي شن اسمك يا هو

لبنى: نعم😢🤧

أنس: هيا فيسع نوضي بنطلعوا

لبنى: وين 😰

أنس: من غير اسأله كان بتجي معاي فمك بيتصكر فاهمة

لبنى: هزت براسها ..... وطلعوا

في السيارة :-

انس: ويتنفس بسرعة كأن يدور في لهواء ومش لقيه لين قريب فقد السيطرة ع السيارة

لبنى: فيك حاجة

أنس: شد فرينوا بالقوة........يتبع