أنس: لما دهش شده من تيشرته وربطله حبل في رقبته وقعد يكر فيه ع الارض لين ركبه الكوفنو ومشي به
تيم : يخبط..... انس طلعني منقدرش نتنفس ..ويخبط
انس: ساكت امتى ازعجه صوته قعد يسطرب بالسياره باش يزيد يتعذب وقاله..... متصكتش ننزلك وتعرف شن ندير فيك
"""""""""""""""""""""
لبنى: توا شن بصير بنروح للحوش ولا كيف
أيمن: لا اكيد يراقبوا في كل مكان
قيس: كيف هكي وين بنمشوا توا
أيمن: انتوا لازم تروحوا باش تبان لامور طبيعيه منبهمش يفلتوا من يدينا ولبنى تقعد في حوش أنس اكتر مكان آمن ليها
قيس و لؤي : شافوا لبعض
قيس: لكن يا أيمن البنت متقعدش منغير محرم انت تعرف الشيء هدا
أيمن: تبي اختك تموت ارفعها معاك
قيس: مقنعتنيش
لؤي: نخص قيس ... تمام تفهمنا و خلي لبنى عند انس
قيس: شاف لي لؤي وهزله براسه بمعنى مش راضي ع الي تقول فيه
لبنى: تابته في مكاني متكلمتش ولا كلمه اول مرة نحس في روحي حاجه مهمه في الكون لدرجة يتعاركوا عليا بجد شعور حلو لكن في نفس الوقت يخوف ممكن تضحكوا عليا وتقولوا معقوله شعور حلو لكن هكي حسيت و في نفس الوقت شعور يعع لان كان ممكن يتبرئوا مني خوتي ونمشي ضحيه
أيمن: شن وين نحطكم
لؤي: قدام محل زهير سيارتي غادي
أيمن:تم
"""""""""""""""""""
لينا: اهما ليباري الي قلتلك اعليهم
تقوى: خنبت مفتاح سيارتها لما كنت جنبها
لينا:😂😂😂
تقوى: هيا تعالى
لينا: هيا
لينا وتقوى: فتحوا سيارة مريم تبتوا ليباري اعلي كرسي السواق 😂 وسكروا السياره وخشوا يجروا
تقوى: خشت قعمزت جنب مريم باش ترد المفتاح
نهلى: خيركم قعمزتوا
لينا: كساد معندنا منديروا قلنا خلي نسمعوا هدرزتكم كملوا كملوا احني بنسمعوا بس
مريم: تعرفي يا نهلى حليب البقره مش عادي
تقوى: تعرفي ان كان شربتي حليب البقره تولي انتي والعجل خوت في الرضاعه
لينا ونهلى: 😂😂😂😂
لينا: تصدمي فيا بتقافتك
تقوى: عندي هلبا معلومات لازم تستفيدوا مني
مريم : تضحك 😂😂 متت
لينا: متخافيش اصلا العار ميموتش
نهلى: فنصت في لينا ...احترمي نفسك
أنت تقرأ
الضحية الثامنة
Misteri / Thrillerروايه ناار🔥🔥 للكاتبة عائشة خالد المجراب حصلت على المرتبة الأولى* في الروايات الليبية وحصلت على المرتبة التالتة :في روايات التشويق والكوميديا
