عشق الطفولة الممنوع 🔞

الجزء 1

الجمعه 15/2/2008

كاعده كدام مرايه امي بغرفتها اجرب الحمر مالتها ع شفتي

احط الجوزي لو الحمره لو الوردي يا الله شكد احب هالالوان

شوكت احط حمره غير اكبررر عد اريد اكبر اريد اكبر

اني و احط بمكياجها سمعت امي تصيحني من جوه

- يله غسق بسرعه دنروح نجيب النواقص من الاسواق رح اخذ خواتج و اعوفج تره

- لالا جيت

كمت جريت كلينسه امسح بوجهي منا ومنا

وجهي صار ملغمط احمر و اخضر نصه مانمسح بالكلينس

وصلت للباب تذكرت شعري رجعت ركض اخذت القراصه قرصته

شعري طويل كلش امي ماتقبل افتحه بالشارع

كل هذا واني اركض ركض ممصدكه رايحه للاسواق عبالك سفره للمالديف

نزلت سريع سريع امي بنهايه الدرج واكفه صارت بوجهي تخصرتلي

وصلت يمها بابتسامه عريييضه

- يله

- وين يله

- للاسواق غير

- مو كبل ما تمسحين العرس الي بوجهج شمسويه بمكياجي؟

اشرتلها باصبعي

- بس حمره وحده حطيت صدكيني صدكيني

- كل هالالوان و حمره وحده كدامي للحمام

طبيت باوعت بالمرايا خترعت من المنظر

فتحت المي غسلت وجهي اخذت الخاولي امسح واحجي وياها

- شصار لو اطلع مره بالمكياج

امي خنزرت عليه

- هيه حمره مو قصدي مكياج كامل

- بعدج باللفه تكولين مكياج من تكبرين شتسوين فضيها اريد الحك اتسوك
ابوج بده يشوي السمج بالحديقه يادوب نجيب الغراض و نرجع

- صددك بابا كعد ؟

يوم الجمعه متعودين نكعد متأخرين و نشوي سمج عالغده

طلعت ركض ابويه يشعل الحطب صحت صباح الخيررر

ركضت بوسته كتله دقيقتين نجيب الغراض و نرجع

ركضت كدام امي افتح الباب

اخويه كاعد بالمرجوحه صاح

- تموتين عالخواره لو شغله بيها حظ جان سويتي نفسج نايمه

باوعتله طلعت لساني وطلعت

رحنا لراس الشارع نتسوك كم شغله و رجعنا نمشي نسولف

- اوووف شكد احب الجمعه و الشمس حته لو مطر احبها المهم جمعه

- كولي احب اطلع كل جمعه