ايامنا الحلوة

ولاتبطل هوستها والاوراق والكتب وهذه الظروف والاقلام كل اغراضها مطشره اوف منج اوف
عايشه بزمن الاحلام لسه تفكر اكو بريد ورسائل وظروف واكو من يقراها...
اشلون بيها... ودراستها هالسنه سادس يربي متعقلها
هذا كلام الام وهي ترتب غرفه بنتها
شمس
الام....اني ام شمس اعيش اني وزوجي وبنتي شمس
الله مارزقني غيرها لان بعد ولادتها تمرضت وماصار نصيب بالاطفال ساكنين بالكراده يمنا السفاره الفلسطينيه 
بنتي... بالسادس اعدادي وتحب القراءه وعايشه بزمن الرومانسيه واشكد احاول افهمها انه ماكو هيج شي بس هي مقتنعه انه اكو من لح يقرا الرسائل اللي تكتبها ههههه بنتي شمس
ناعمه ولاعبالك سادس وشعرها طويل اسود وعدها غمزات.... يعني جمالها عادي 
لحظه خلي اشوف التمن اخاف احترك وارجع اكمل

نرجع لموضوعنا شمس بنتي تحب الحياة والغريب انه الرسائل اللي تكتبهم محد يعرف شنو بيها ولا المن بس عنوانها نعرفهن الله كفيلكم ههههه
اسمها الى صاحب الظل الطويل...
ماليه عليه البيت ضحك وسوالف عبالك عندي عشره مو وحده
ها ويوميه اعزل غرفتها بس متقبل اجمع الرسائل والمسودات الي تكتبهم
صباح الخير ام شموسه
ويامن ده تحجيت
صباح الخير ابو شمس ده احجي عن شموسه وده اسولف قصتها للقراء بالواتباد
ابو شمس خوش لعد
انطيني الواتباد خلي اعرف عن نفسي
مرحبا اني ابو شمس اشتغل موظف بالماليه بدرجه مدير راتبي الحمد لله وعندنا بيتنا الملك اخذته من ورث اهلي بعد مااتوفى الوالد لان اني والدتي نتوفيه من اني جنت صغير عندي اخوان اثنين فلاح وهشام
واخت اسمها نجوى ربة بيت
كل واحد بيهم متزوج والحمد لله مستقرين
اما ام شمس فعدها خوات اثنين ضي وكوثر  بعد واخ اسمه غيث وحده بالمانيا وحده بالشمال واخوها مدرس
وهسه اروح للشغل ها اسمي جمال واني جميل 😁😁😁 وزوجتي اسمها ندى بس بيني وبينكم 😍😍😍
مع السلامه ام شموس
ههههه الله وياك الا فضحتنا كدام العالم
احبج
يا يا.....روح عيني الله وياك
وها عائلتنا....والحجي بينا...شمس سمعتها تىريد تكتب قصتها اهنا وعن ايامها الحلوة فكلت
نبدي احنه وهي تكمل....حتى بعدين تكتب اللي تحبه
يله مع السلامه اشوف الطبخ
اتشرفت بمعرفتكم