ايامنا الحلوة

البارت الخامس

وانتهت سالوفه ظفيره 🥺🥺🥺
،،،،،،,،،،،،،،،،،،،
بعد اللي صار ويه زهراء خلاني اعيد حساباتي
لو اهلي صعبين حيل لو  ماخلوني اكمل دراسه
مااعرف جان شنو احساسي بذاك الوقت
احلى شي واحساس من اهلك هم اصدقاءك ويغنوك عن الدنيا كلها
اووووف يزهراء
كمت من الجربايه واخذت الايباد وبديت اكتب
ايامنا الحلوة
اسمي شمس حاليا بالسادس الادبي
اداوم بثانويه الجمهوريه للبنات وتصير بمنطقه ٥٢
عندي صديقات خير من الله
ايثار وايناس وبنات اثنينهم اسمهم ليزا
وبنيه اسمها ميس
وفيفيان وجوان... تقريبا الصف كله 😁😁😁
بس القريبات اليه جان ايثار وايناس
اني احب اروح مشي من البيت لموقف النفرات حتى اركب واروح للمدرسه مع انه والدي، عنده سياره
ومااقبل يحطولي خط فمرات صديقتي ايثار تاخذني ومرات بابا ومرات بس اكثر المرات اني اروح
اهلي اتعودو يوميه الصبح انه اني اطلع من وكت ويعرفون السبب لازم اودي، الرساله لصاحب الظل الطويل طبعا صاحب الظل الطويل شخص راسمته بالي مواصفات حبيبي بالمستقبل واللي اتمني يكون زوجي... ☺️☺️☺️
يوميه اروح اودي رساله بلكه توصل وفارس احلامي ياخذها ويقراها وتريدون الصدك مافركت اشوف البريد بي الرسائل لو لا اكو من اخذها لو ظلت بترابها 🤣🤣🤣
البريد الوحيد اللي جان موجود واكتشفته بالصدفه يم بيت متروك مابي احد بس جنت اواجه صعوبه من اخلي الرساله لان صندوق الرسائل لو البريد صاير بالحديقه بصف السياج واني كصيره 🤦‍♀️🤦‍♀️🤦‍♀️
ويوميه اصعد اشويه على الحايط واخلي الرساله واروح
كان الرسائل الاولى بابا يوديها للبريد الرسمي ومتجي اجابات اتظل اهناك لان مابيها عنوان
بس بعد مااكتشفت هالبريد كتبت اول رساله
وكان بيها (مرحبا
الىى صاحب الظل الطويل
طبعا اني مااعرف انت منو ولا وين يجوز بغداد ويجوز لا بغير محافظه بس انت شخص مثالي بالنسبه اليه وعلى فكره اذا انت مثل مااني متخيلتك
فانت كيوت وتكون فارس احلامي اللي، منتظرته
على فكره لتسال شنو المواصفات
لان طبعا اول شي اتمنى تكون شخص طويل وعيونك سود وبشرتك مو بيضه حيل
ها لتضحك لان حابه يكون شعرك حلو  وسرح واهم شي تغار عليه وتحبني واحس وياك بالامان وحتى لو اروح متعوفني ماشي
ومن ازعل لازم تراضيني 😁😁
واحب تهتم بيه وبادق تفاصيل حياتي
واكون اني وبعدين كلشي
اما شنو الكلمه اللي احب تناديني، بيها تكولي دنياتي
😄😄😄
هسه اني اروح لان عندي دراسه واتمنى الكاك بالمستقبل لان ثق ماعوفك )
قفلت الرساله وحطيتها بالظرف
وثاني يوم  مثل كل يوم اتريكت وسلمت على امي ووصلني بابا
فكتله بابا نزلني اهنا
بابا ها ليش
شمس بابا برايك ليش
بابا... اكيد الرساله ههههههه
شمس واني ده انزل
بابا حبيبي هسه اجي فدوة
بابا روحي روحي لح انتظرج امري لله
شمس اني ركضت حطيت الرساله بس شنو انشلع قلبي
رجعت على السريع لبابا
يله بابا وبسته بخذه
بابا اوف منج اوف اشكد احبج
شمس حبيبي انت
وصلني بابا للمدرسه وجان عدنا امتحان ادب
طبعا اني احفظ بس من تسالني مدرسه اللغه العربيه مااجاوب 🤣🤣🤣🤣 وتعاقبت اكثر من مره
بنفس الوقت
اني جنت طالع افتح باب البيت حتى اطلع السياره
وجان اشوف وحده كوه لازمه الحايط وتحط فد شي بالبريد ظليت اباوع عليها هاي اشبيها البنيه مخبله
بس عدها شعر يخبل طويل واسود وفوكاها مسويه قرتيلات وكل قراصه لون
ههههههه
وصار عندي فضول اشوف شنو خلت بالبريد الي تابع لبيت جدي
عبرت ورحت.... وويه مااريد اشوف شكو خابروني علمود انروح للكليه
اني اسمي ايمن... عمري ٢٠سنه طالب كليه الاداب قسم اللغه العربيه
يعني مثل اي ولد معتني بنفسي ومنظم اموري رياضه واكل خاص عندي امي وابويه واخت وحده اسمها سهير .. اني وياها تؤام بس هي اداوم قسم علم الاجتماع.... مرحله ثالثه واني ثاني لان اني رسبت سنه
وهسه اروح للكليه واخذ سهير ونكمل ☺️☺️☺️