ايامنا الحلوة

البارت الثامن

قصتنا طويله
وليلها مثل هبة ريح
طشرها الوكت مدري الحنان
المهم... مابيها قبلتك زوجا لي
مرحبا من جديد هذه الومضه انكتبت بعد خيبه جبيره بقلمي....
......
وين وصلنا.... باايامنا الحلوة ايام ماممكن تنسي النومه بالسطح ونغسله قبل منفرش الفراش
ومرات نصعد التلفزيون فوك يمنا والفواكه والاكل
والكرزات... ايام براءتنا طموحنا باجر نجاوب بلامتحان لو يامدرسه لح تجينا....
ايامنا الحلوة بيها لمه الخطار والاقارب اللي جانو يجونا بالاسبوع مره ونوصلهم لباب البيت ونكولهم عود تعالو مره ثانيه.... ايام البجامه البازه
ايام اللعابه اللي امنا تخيطتها النا... ايام القرطاسيه البسيطه مساحه ام العطر محفظه بيها خريطه الوطن العربي.... يوووو اللي جانت عنده ذني يعني زنكين
ايام وايام....
المهم نرجع لقصتنا
.....
جان يوم الخميس وبهذا اليوم صار اللي مامكن نتوقعه كملنا دروسنا ورفعه العلم واجو تفتيش على البنات والزي الموحد اكيد لازم بالصداره شلتنا الحلوة واولهم ايناس... واحنه بعدين اني، بيومها ماجنت مخالفه بس.. لابسه كلاده ذهب ابويه اشتراها اليه مكتوب عليها ملاكي
وجان تاخذها المفتشه هي اخذتها المفتشه
فحطت بجي.....
كالت الا يجي ابوج يله تاخذيها
😠😠😠
ايثار نقصوها كم درجه لان مخالفه الزي
ومشت الدروس الا الشباج والسيارات اللي تفوت من يمه وجانت ايثار عينها على الشباك. هي وايناس
واني كل ساعه شامرتلها قطعه من المساحه
جان درس رياضيات
خلص الدرس
وجان اجيها.... ولج ثوله هي مال سباعيه شكو عينج على الشباج
ايثار... مو كالي عادل... لح افوت منا
شمس لا بله  شو بله مره ثانيه كويلها
وشتسوين لو اليوم لاكفتج ام الرياضيات
وانتي اليوم مخالفه وانوب يعرفون مكبله خوش
ايثار اي والله فاتتني
وانتي ايناس
ايناس خير شوشو في اشي يعني اكو شي
شمس لا سلامتج... اليوم انتي انلكفتي الكحله بعينج والاخ عبد الله منا اكيد يجي ويه عادل حتى ابوج يسود عيشتج
شجاجن وويه مااصيح اجتي فيفو
هلو بنوتات
هلو فيفو
شموس على كيفج عوفيهن
يا اشبيج فيفو اخاف عليهن
فيفو..... هن اذا ميتغيبن ميرتاحن سالني اني
شمس خوش خلف الله عليج
ايناس وايثار... كامن يكرصن بخدودي
واني اصيح لاعفيه
والنبات فديت اللي تخاف علينا
وضحكنا ضحكه براءه عاليه
لهناك اجه اللي نغصها
جوان... خير شنو هالضحك
فيفو ده نضحك احسن من البوم
ايناس وايثار واني 😂😂😂😂
والله لو بمكانج منبقى واكفين
شمس يله بنات خلي نروح مابقى شي عدنا درس رياضه مو
ايناس اي
ايثار عمركم شفتو درس رياضه بالدرس الاخير
شمس حتى السمينه تضعف والضيفه مثلي تخلص 😂😂😂😂
رحنا لدرس الرياضه اني جنت احب السله
المهم المدرسه بدت تلعبنا رياضه
ويه ماقررت اتسوي سباق ودوائر كالت دائره للداخل
مااحس غير انضربت ووكعت على ايدي
وهي وكعه وهي صيحه 😭😭😭ايدي مروتكم ايدي
بنيه بصفنا عثرت ووكعت عليه وصار اللي صار اخذوني للاداره واسعافات اوليه يعني مخدر بين مااروح للبيت
كمل اليوم بهذه المفاجاه الساره
لا وازيدكم من الشعر بيت الايد اللي وكعت عليها هي نفسها اللي اكتب بيها اليسره وهاي اشلون🤦‍♀️🤦‍♀️🤦‍♀️
طلعنا للبيت ووكفنا ننتظر اهلنا والخطوط
ونسولف وفات من يمنا عادل وعبد الله ووياهم اسر
اشكد اموت منه...سلمو من بعيد على البنات
واسر اجه يريد يحجي ويايه صحت بي جره عادل كله شجاك عوف البنيه
اسر...الا اكسر خشمها
عبد الله كول يا الله هالبنات هاي الا هي
اسر..اي اشو الا هي
هيج بكيفي
عادل يااخي اكعد راحه
اسر انتو شعليكم
عبد الله انت حبيتها لو ترضي غرورك
اسر.. والله معجب بشخصيتها صح مراهقه بس تحسها جبيره وتعرف شتريد
عادل لعد عوفها لان ايثار كايلتلي هي صعبه
اسر وهو المطلوب
المهم راحو