بعد مارحت وشفت منو بالباب اتفاجات وانصدمت بنفس الوقت... زهراء
زهراء.. فدوة شمس خليني يمج بس اليوم ووعد باجر اروح
شمس.. من صدمتي ماعرفت شنو اجاوبها
زهراء جانت عيونها مورمه ومبين عليها باسطيها اهلها
شمس.. شنو القصه زهراء
تعالي تعالي
الاب.. تفضلي بابا خلي افتهم اشبيج
طبت زهراء وكعدنا بالهول وبدت تسولف....
طبعا قصتها لح تعرفوها بعدين
المهم سولفت وسولفت والبجي والدموع
اخوها شافها ويه ولد وبهدوم المدرسه
وفوكاها جانت مجذبه عليه
هم هم ماقصر ضربها وكال لابو فقرروا يزوجها لابن عمها.... فهي شافت الحل انه تتهزم من اهلها والمصيبه الاكبر.... اتصلت بالولد اللب تحبه وجان اسمه ميثم ومن سمع بالقصه
اكيد ماسوى شي وكاللها سمعي كلام اهلج اني ، بعدني طالب ومامكون نفسي
وماكو هي دقايق بين ماسدت التلفون
اندكت الباب... ومنشوف غير اهل زهراء
اشلون عرفو هم يمي ماادري
المهم بابا حاول وياهم وهي ياعيني جانت ضامه روحها ورى امي متريد تروح لوضع متعرف شنو هو
😔😔😔
بين دموع زهراء وعيونها عليه كانما تتوسل بيه انه الكه حل بس مابيدي شي
اشكد نصحتها اشكد كتلها زهراء بعدج صغيره واهلج مدلليج انتظري عندج طموح
بس جان بالها مو يمي
الله ينتقم من اللي كان السبب
راحت زهراء ويه اهلها
ورى مارحت....
صعدت لغرفتي.... ومددت على جرباتي
وظليت افكر بزهراء، واراجع ذكرياتنا وايامنا الحلوة
واخذتني غصه مابقى شي على الامتحانات
وبين هاي الذكريات... اكو كلام كالته زهراء، مره اليه
كالت... لو اكدر جان كل لحظه وياجن ياصديقاتي دونتها.... بس مااعرف
وجان احتفظت بيها وبايامنا الحلوة
بساعتها كمت وعفت الفراش
وجبت الايباد وقررت اكتب عنا وعن ايامنا الحلوة
منا لح تبدي قصه بنات السادس الاعدادي الادبي
واولهن اني 😍😍😍
أنت تقرأ
ايامنا الحلوة
Storie d'amoreاحداثها عن الايام والذكريات الحلوة والصدفه اللي تلعب دور بين بنيه وشاب ومجموعه اصدقاء، تجمع بين الطرفه والغرابه وبعض الاحداث
