ايامنا الحلوة

البارت 11

بعد ماشفنا اثار الضرب اللي بجسم ايثار واشلون ظلت مقهورة البنيه كانت نهايه اليوم ابدا مامريحه
خلص اليوم... ووطلعنا البيت واحنه واكفين ده ننتظر اهلنا.... منشوف غير ابو ايثار اجه واخذها
اني وايناس والبنات اتفاجانا لان ايثار متعوده ترجع ويه ايناس وابوها
والصبح ايناس تجي ويه ايثار
عرفنا انه ابوها بدت مرحله الحبسه والعقوبات
اجه ابو ايناس اخذها
واني ابويه اتاخر عليه وينه يربي وين صار بابا
فيفو ظلت تنتظر ويايه ميوسه راحت بيتهم جان بدايه الفرع الثاني المقابل للمدرسه يعني بس تعبر الشارع توصل للبيت
فيفو... طبعا اشكد خبيثه
شمس منو ولج
المدرسه شوفي اشلون كطعت جنطج
شمس اي والله وهاي هديه عادل 😔😔😔
شمس.. اكلج فيفو مو اتاخر ابويه لو اني غلطانه الشارع فارغ
فيفو، اي والله مالنا غير نروح مشي لان حتى النفرات ماكو شو اليوم
شمس، يله نتمشى
ايمن اني جنت مار من يم مدرسه شمس وفيفو
عندي شغله كملتها وويه مامريت بالشارع اباوع فيفو
وشمس يتمشن والشارع هدوء
طبكت يمهن
ايمن هلو فيفو
فيفو هلو ايمن
ها شو ده تتمشين للبيت ليش
فيفو عمو ابو شمس مااجه واتاخرنا كلنا نمشي بلكه تجي نفرات
ايمن ماكو هسه وقتها ويه المدرسه وتقل
تعالو اوصلكم
شمس لا لا شكرا اني امشي وانتي روحي فيفو
فيفو وهي تحجي بصوت ناصي ولج فشله وبعدين هو جيرانا انتي، معليج امشي ويايه
شمس.. لا اني اروح مشي، وانتي، روحي، وياه
فيفو.. عفيه تقبلين، عليه اصعد ويه، ولد وحدنا
شمس والله مو قصدي
ايمن الظاهر صديقتج متقبل تجي،
عموما اطماني اوصلج الج بالاول
واخذ فيفو لان بيتنا بنفس الفرع فما اتعب نفسي اوصل فيفو وبعدين انتي
شمس ها...
فيفو يله امشي.
شمس المهم ركبنا ووصلي للبيت
واتشكرت منه وويه مانزلت لكيت عادل والولد قاسم وغيث لازمين بابا منزلي من السياره
شمس... بابا حبيبي اشبيك
عادل مابي شي امشي طبي للبيت
عفيه اشبي ابويه
قاسم بالشارع نحجي
ايمن ويه مانزلتها شفت رجال ولازمي، شباب ده يطببوا للبيت
وهي نزلت تركض وتفرفح
فيفو يا عمو اشبي
ايمن ابوها هذا
فيفو اي خطيه يمكن مريض
ايمن ننزل انشوف
فيفو لا فشله احنه شنو علاقتنا
اني عود اخابرها واسال
ايمن براحتج
دخلنا للبيت وبابا ارتاح بغرفته
اجه قاسم... شموسه
نعم هاي ليس هيج جنطتج والكتب
شمس مابيها
اشلون مابيها مو هاي مشككه الجنطه
شمس اي هاي المدرسه اول ماطبيت جانت مسويه حمله تفتيش واني الاخيره طلعت ضوجتها بالجنطه
وهذه احبها الجنطه
قاسم لان هديه عدوله
شمس اي، والله
قاسم باجر اني جاي، للمدرسه
شمس شنو...
قاسم شنو سمعتيني
جاي للمدرسه عندج اعتراض
شمس لا.. بس، ليش....
حتى افتهم هذا الخبال شنو هو هيج التدريس
شمس هلا بيك بس، المديره قدمت طلب لنقل هذه المدرسه
قاسم ها خوش
شمس قاسم بابا اشبي
قاسم ضغطه ارتفع
ليش...
قاسم ارهاق اشويه هسه يصير زين
شمس ماشي
عادل يله شباب خلي نروح
شمس اي شي تحتاجين خابري ماشي
شمس حاضر
صدك... اريد اكلكم فد شي
شنو كولي
اليوم جيران فيفو وصلنا للبيت
عادل منو هذا
شمس الولد الي انضرب علمودي
عادل هاااا
اي خو ماظليتي وحدج وياه
شمس لا لا ويايه فيفو
عادل خوش
قاسم وغيث منو هذا
عادل هذا ولد دافع عن شمس من واحد تحارش بيها وانضرب
غيث خالو ليش ماكلتي
غيوثي والله ماصارلي مجال
عموما احنه لح نروح ونتشكر منه
وانتي لح نرتب امر، رجعت وتوصيلج للمدرسه مابقى شي وتكعدين للمراجعه مو
شمس اي مابقى شي
يله مع السلامه
غيث روحو انتو واني ابقى اهنا
عادل لعد احنه نجي يمك
غيث هلا بيكم
عادل الظاهر نسى غيث باجر شكو
قاسم اي والله
غيث اووو اي والله نسيت باجر خميس
عادل احنه نروح نطلع مروج من المستشفى
شمس صدك
عادل اي والله
شمس سلمولي عليها واخابرها
عادل ماشي
مع الاسلامه
مع السلامه
اوووف تعبت بدلت وغسلت وسويت غدا اني وخالو لان امي تعبانه وابويه مارادو غدا
اكلنا وضحكنا وسولفنا
غسلت مواعين وسويت جاي
دائما يكولولي جايج طيب
شربنا جاي
ونزلت الكتب وكعدت اقرا لان عندي باجر امتحان مراجعه بس اعتبره ضروري حتى ميحتاج اراجع
كان امتحان تاريخ
واوراقي والقلم وخالي بالهول
صبيت جاي اله واليه
وبهذه الاثناء دك التلفون
الو
الو هلو شمس
شمس يي هلو ايثار حبي
ايثار شمس اسمعني
شمس، كولي
ايثار لح اردلج رقم خابري فدوة واحجيله اللي صار
شمس.. المن ولج
ايثار... لعبد الله شجاج
شمس ماشي بس خير شكو
ايثار ده اتصل بي ميجاوب من حجيتله عن والدي
بعد ماجاوب
شمس يعني
ايثار افهمي منه ولتكذبين عليه
شمس،ماشي ردلي الرقم
ايثار....الرقم.....
شمس ماشي بس ايثار اتوقعي كل شي
ايثار متوقعه حبي
بس،حابه اتاكد حتى اعرف اشلون اربي
شمس تمام
مع السلامه
مع السلامه
شمس كملت دراسه وكعدت امي وسولفنا عن يومي
وخالي طلع راح جابلي حلويات وجبس وكرزات
شمس احبك خالو
غيث لوكيه 🤣🤣🤣
شمس ليش،خالو
تعرفين ليش وباسني من كصتي
غيث...تعالي شمس اريد احجي وياج
شمس نعم خالو اجيت
غيث..خالو مابقى شي على السنه
لازم تعرفين شنو تريدين
شمس والله خالو ماكو شي معين
بس،حابه ادخل لغات
غيث حلو..بس،اي قسم
شمس بلكه انكليزي او قسم ترجمه حابه هيج شي
هم حلو..بس ذني الاقسام ينرادلها معدل
شمس والله خالو مقرره اطلع معدل عالي حتى براحتي اقرر وين اروح
غيث حلو خالو براحتج حبيبتي
شمس...غيوثي
نعم...رجعت ركضت اله وحضنته اني احبك خالو
غيث يامعلونه منو ميحبج انتي
اموت عليج خالو
صار المغرب اخذت التلفون واتصلت على عبد الله
واول ماعرف اني من طرف ايثار
انفعل وصار عصبي
شمس اولا عل كيفك
وثانيا عيب عليك انت طالب كليه
عبد الله اي وبعد
شمس ماكو بعد...لان مااحب اناقش انسان تافه
عبد الله احترمي نفسج
شمس لتخاف محترمتها لنفسي بس وليك على اللي مامحترم اسمه كطبيب
عموما لح اكللها اللي كلته كله بالحرف الواحد
حتى تعرف المن حبت
عبد الله براحتج ميهمني
شمس ماشي
وسديت التلفون بوجهه
زين شنو اكول لايثار
اكلها يكول اني خطبت وبنيه بالجامعه وهي نفسها بنت عمه
شكلها يربي
وبين ماافكر اتصلت
ايثار..هلو شمس
هلو ايثار
ايثار ها شنو كال
شمس والله ماادري شنو اكول الج
ايثار كولي اللي كاله
شمس ماشي بس وعد متزعلين عليه مقدار شعره
ايثار كولي كولي
شمس عبد الله خطب بنت عمه وهي،وياه بالجامعه
ايثار شبسرعه
شمس لا خاطبها من زمان
ايثار واني
شمس كال لان حلوة وراهنت عليها ويه الولد
ايثار واتصور كسب الرهان...عموما ماشي حبي تسلمين
شمس شنو لح تسوين
ايثار تعرفين بعدين
باي حبيبي
باي عيني
صار اليل وكعد بابا وجانت صحته زينه
وضحكنا وسولفنا وحضرت العشا ويه امي واجوا الولد عادل وقاسم
هلاو
هلاو اشلونك عمي
ابويه هلا عمي بخير فوتو اتفضلو
عادل وقاسم اشلونج خاله
ام شمس هله خاله كل الهلا اتفضلو
اتعشينا...وكملنا
ولميت العشا وغسلت المواعين واخذ والدي الدوا وكعد بالهول ويه الولد واني صبيت الجاي
وطلعت....اتصلت بيه فيفو واطمانت على ابويه
واني خابرت مروج...
وسالت عليها
بس كالت شغله خلتني افكر بيها
اكلج شمس تعرفين البنات امنه وريهام عدهم شي ميقبلون يكولو اليه
شمس مثل شنو
مروج مثل...يعني امنه كالت لتخافين اني اعرف شسوي بي
وريهام كالت اذا صارت صدك ويريد اذيج عندي اسراره كلها يمي واعرفها
شمس اها...وكلتي للولد
مروج لا..لان حسيت ميستفادون شي
شمس براحتج
مروج بس اكو ولد جام يريد يحجي ويايه بس اني مانطيته مجال
شمس منو
مروج زميل النا اسمه مالك
نفرت منه لان شفته واكف ويه نائل
شمس اها يجوز عنده شي يريد يكوله الج
مروج يمعوده الحقير،حقير،
شمس عموما اخذتي الدوا
اكلتي
مروج اي اكلت واخذت الدوا
يله ولج روحي نامي واني هم باجر عندي دوام
باي
باي
ويه ماريد اصعد لغرفتي سمعت الولد ده يسولفون اشلون يربون نائل
وابويه وياهم ده يساعدهم
فتحت الباب
ممكن اجي
الولد اي تعالي ماعندي شي خاص
شمس امممم اريد اكول شي بلكه يفيدكم بس عفيه لتكولون لمروج اني كلت
عادل خير،شكو
الاب كولي بابا
شمس...استفادو من امنه وريهام وولد اسمه اسمه 🤔🤔🤔🤔
ها مالك
عادل وذوله اشبيهم
امنه وريهام عدهم سر عن نائل
ومالك حاول يحجي،ويه مروج بس هي طردته اعتقد لح تستفادون والمهمه تسهل عليكم
قاسم خوش لعد
عادل اني عرفني نائل
باجر غيث تروح للقسم مال مروج وتسال عن ريهام وعن امنه وتشوف شنو القصه
غيث ماشي
قاسم اني اروح وياه انوصل شموس ونطلع للجامعه
تصبحون على خير
وانتي من اهل الخير
شمس ماما محتاجه شي
الام لا حبيبتي ده اصفط الهدوم ولح انام
شمس ماشي حبي واني حضرت غرفه الضيوف كله كامل الفراش والغطا كله
الام عفيه عليج
باي
......