ايامنا الحلوة

البارت التاسع

اللي، يحب يحب مره وحده بس وميكدر ينساه
ويبقى هالحب غصه للابد....🥺🥺
ايامنا الحلوة حتى الحب بيها جان حلو ينتفس صدك
حبينا وبجينا وتعلقنا ووفينا حتى من قبل منكول احبك او احبج.... جنا صادقين بمشاعرنا... والحب عدنا مثل دجله اشلون يحب بغداد وينبض حتى تظل بخير... ناس تحبنا ومنكدر نحبها
وناس نحبها ومتحبنا.... وناس تحب ناس والقدر اله راي ثاني...
حاولو تبقون الايام الحلوة بالذاكره... كل تفصيله صغيره... كل ضحكه كل سالوفه كل ورقه كتبت بيها ايام الدراسه... ايام حلووووة حيل
.........
مرحبا من جديد اعتذر عن التاخير بس الظرف الصحي اشويه منعني

من تحارش اسر بشمس ايمن ادخل ونضرب بسببها وبهذه الاثناء عادل جان موجود واخذ الولد للمستشفى وصله للبيت ومن وصلو للبيت
....
عادل اتسولفلي لو اشلون شمس
شمس لح اسولف والله
وويه ماردت اسولف طبت امي تركض
امشو للمستشفى
عادل خير خاله
يمه امشو للمستشفى وبعدين انسولف
عادل يله يله
شمس اوكفو جايه وياكم
يله
الطريق كله عادل مدري اشلون كام يسوق
وويه ماوصلنا اتلكانا عمي فلاح ومنار تدك وتطلم
عادل خير عمي اشبيك اشبيها مروج
واني وامي ركضنا لخاله منار
الحكو مروج ضغطها ميقبل يرتفع والبينه حتى سكرها هبط وهسه يكول الدكتور اذا تظل هيج تدخل غيبوبه ومحتمل..... بعدها مامكله
عادل لا خاله الله لايكولها
هسه يطلع الدكتور ونفتهم منه
طلع الدكتورها دكتور بشر
الدكتور مااكذب عليكم نبضها ضعيف
الاب راحت البنيه
منار بنتي ياربي دخيلك
عادل من رخصتك دكتور
عادل دكتور والحل مو نطيناها دم والمغذيات
الدكتور عادل انت شخص جامعي ومثقف وواعي
شنو فائده الدم والمغذيات اذا هي متاكل
عادل يعني المشكله بالاكل
الدكتور طبعا... لان الاكل يساعد بالضغط والسكر اثنينهم يستقرون
وهي متقبل تساعد نفسها اشلون نكدر نساعدها
عادل ماشي دكتور شكرا الك
رجع عادل النا
عمي هاي وليدي
الدكتور يكول لازم تاكل
منار والله اتوسلت بيها ماقبلت
عادل هيج الحجي.... شمس روحي يم مروج
خاله منار وخاله ام شمس تعالو ويايه للبيت اتسولها غدا واشوف منو مياكل اليوم
فلاح اشلون ابني
عادل عمي خليك اهنا  اخاف يجي  قاسم حتى يتابع الحاله ويه دكتور حسين
عادل اخذ امي وخاله منار لبيتنا وامي طبخت ذاك الاكل وفواكه هم
وطلع عادل جابلها حليب وعسل
عادل خاله كملتي
امي اي، يمه اخذو الغدا وروحوا
منار وانتي خيه..
ام شمس اغدي ابو شمس واجيبه واجي
منار تسلمين حبيبه تعبتج
ام شمس لا على بختج مروج بنتي
يله يمه امشي
عادل يله خاله
بهذه الاثناء اني يم مروج اسولف وياها
مروج مروجه ميصير هيج متاكلين اشلون وراج امتحانات ودراسه حرامات مابقى شي حبيبتي
اباوع عليها بس تبجي
شمس لج عيني ليش تبجين
مروج.. شموسه الحياة قاسيه
شمس.. شوفي اني، يمكن مادخلت كليه بعدني
بس ده احس بيج ولو انتي، ماسولفتيلي اشبيج
مروج.... اوف شموسه اوف عموما
انتي شجابج بهدوم المدرسه
شمس يا غير جيت اشوفج
مروج امشي ارجعي للبيت دراستج ومابقى شي
شمس يا... ماكلتج بينا الحجي
مروج كولي... غير اليوم انطردت من درس الاقتصاد
مروج يا ليش
شمس وين اكعد راحه اني شفت ايثار صافنه
شمرت عليها مساحه صغيره شو الجماعه عجبتهم السالفه ومن المساحه تحولت الى ورقه. وصارت طوبه وويه متشرح المدرسه انشمرت الورقه بصف وجهها لام الاقتصاد على الصبوره بالضبط
مروج.. اي
شمس هنا تسكب العبرات 👀👀👀👀
العيون كامت تجدح نار الصف صار هدوء، يمكن حتى هوى مابي
وبصوت عالي يا حقيره شمرت هاي الورقه
الكل ساكت
مروج خرب
شمس اي اي شوفي شنو اللي صار
ياقليلة ادب هيج سوت
والكل صارت خرسه
وجان تكول اللي متحجي الكل ارسبها
مروج ولج ليش هيج
لهناك كامت ايثار
ووراها ايناس وفيفيان ومنشوف غير ميس هم ويانا
مروج.. ميس ليش انتي مو كلتي ميس انسانه انطوائيه
شمس ماادري يخيه
ها لهناك البنات ليزا وليزا هم كامن
وام الاقتصاد جان تكول هاي كلج ماشاء الله ماطلعت ورقه انشمرت
وبالاخير اني ختمتها كمت واعترفت انه اني بديت
وجان تكول امشي طلعي بره وناقص ٥درجات
مروج عفيه عليج
لا مو وحدي
مروج اي، بله كوليلي انجازج منو وياج
ايثار وايناس وفيفو وميس ام الاقتصاد كالت هذا الكوبني تقصد بي المجموعه بره 🤧🤧🤧
وناقص ٥ها عيني
وويه مااطلع كتلها ست احنه بعرض درجه تنقصينا خمسه
وجان تسمعني
مروج اصخام ولج شنو انتي
شمس وكالت انتي الوحيده انقصج ٨درجات 🤦‍♀️🤦‍♀️🤦‍♀️
اخذت غراضي وطلعت ويه البنات ورحنا لمكانا السري جان بمدرستنا سرداب احنه حاطين بي ضوى واشويه غراض الي تشرد من الدرس الي ميعحبها تطلع مسيره
ختلنا اهناك الى ان خلص الدرس
مروج عمى بعيج بله لو كايله تريد عمو
شمس ربج ستر  بالدرجه ولا باابويه 🤣🤣🤣
عادل وويه مااجينا
سلمنا على عمي وسالته مااجه قاسم
ابو مروج لا عمي مااجه
عادل هسه اخابره
عمي اخذ خاله وروحو للبيت  ارتاحو وتعالو
لا يمه وين اكدر
عادل اني يمها وشمس هم
حتى من تجون احنه نروح وترجعون مره ثانيه
واشلون اخاف تحتاجون شي
عادل عمي لح يجي قاسم وغيث هم وانظل اهنا ووياها شمس بين متجون وماكو غير الخير
خطيه حتى ياسر هم يجي من تجون
ماشي عمي احنه رايحين
ويه ماافتح الباب سمعت مروج وشمس يضحكن
عادل اي الحمد لله...
صار لازم تاكل
فتحت الباب السلام عليكم
مروج وعليكم السلام
شمس هلو عدوله
عادل هلا بيج ام البلاوي
مروج شمسويه دكه ثانيه
عادل ليش اكو دكه اولى
شمس خرب ولج اسكتي ميدري عادل
مروج هههه
عادل....اي اشلونج هسه مروج
مروج بخير والحمد لله
عادل الاكل يله
مروج والله مااشتهي
عادل لا ميصير ترى تدخلين غيبوبه
شمس اني لح ادخل غيبوبه اريد اكل
عادل ام بطن اكعدي راحه هذا الاكل مال مروج
شمس ويعني مناكل
مروج ولج تعالي اكلي واني من اجوع اكل
عادل...والله اني اشوف تاكلن اثنينج وتفضني
شمس امممم خوش حل بس لح اروح للحمامات
اغسل..وارجع
صدك هي وين الحمامات
عادل بالطابق الجوه ولتركضين ام بطن
مروج مااكل الا تجين...اذا اشتهيت اكل...
عادل...بديت اطلع الاكل واباوع عليها ساكته
بس تباوع عليه
ليش متعارك عادل
عادل شنو مروج ويامن متعارك قابل
مروج عادل ويامن متعارك سؤالي بي شي
اشبيها مريم
عادل..مريم شمعرفج بيها
مروج ههه
عادل لا صدك مروج.....
من كالت مريم بعد مااعرف شنو اجاوبها انصدمت عفت الاكل وباوعت عليها
مروج اشبيك عادل..تتذكر العزيمه الي صارت بيتكم واجينا كلنا
عادل هي هاي من نجحت
مروج اي..جنت ده اشيل الاكل من المطبخ للهول سمعتك تحجي وياها من ذاك الوقت عرفت انه انت ده تحب
عادل...اممم  وبعد
مروج ماكو بعد بس اليوم مبين عليك متعارك
عادل...جريت الكرسي وكعدت قريب على الجربايه
شوفي مروج مريم اليوم انتهى كلشي بينا
مروج..ليش عادل خطيه صارلك اهوايه وياها
عادل..مروج اني احب الانسانه البسيطه ومريم طماعه وتحب المظاهر وتريد تقلد صديقاتها
وهيج منكدر اسس بيت وعائله...
مروج شابه ومن حقها
عادل..انتي المن تقنعين نفسج لو اني
مريم هي هيج واني ماحب البنيه اللي تمشي كلمتها عليه مو معناها اني متسلط بس ابقى رجال
مروج والله مااعرف شكلك بس راجع نفسك
عادل وهو يكوم..راجعت نفسي واتخذ القرار.ويله كافي حجي واكلي
مروج مروتك عادل
عادل مروج اليوم تاكلين يعني تاكلين لان اذا تريدين تموتين هالشكل
معناها انتحار مو مرض وتخسرين كلشي
ماشي
مروج...🥺🥺
عادل وموضوع الولد لح ينحل نهايه الاسبوع
ولح ترجعين للكليه وتنجحين ماشي
مروج صدك
عادل وعيونج
عادل واني ده احجي وياها وجهي قريب على وجهها وهي صافنه عليه شنو هالعيون الحلوة
شمس احممم
عادل شموسه يله الاكل
شمس اي اي يله ميته من الجوع
كعدنا اكلنا اني،ومروج واجه قاسم وغيث
عادل اخذ قاسم وغيث وراحو للدكتور
الدكتور وضح لقاسم كل الاسباب
وكال اي،صدمه ممنوع حاليا خلوها ترتاح
عادل طلعنا من يم الدكتور وكتلهم مرو اليوم بيه للبيت لان اريد احجي وياكم اشلون نربي هالحقير
ماشي
الولد ماشي
عادل ماشي باليل 
لهناك ماكو ساعه رجع عمي وزوجته طبو لكو مروج ده تاكل واشويه احسن ياسر هم اجه وظل يحجي ويه مروج
بهذه الاثناء راح قاسم وغيث كلمن لشغله
واني وصلني عادل وسولفتله على كلشي
عادل ضاج مني وحذرني وكال انتبهي ترى اذا تكررت ميصر زين
شمس واني شعليه
عادل اها
نكدر مثلا اشويه نطول الصدريه والقميص اشويه يصير نص ردن
مثلا لو زحمه
شمس صدك تحجي
عادل اني مامن حقي افرض عليج اي شي صح احنه اخوان بس بالاول والاخير ابن عمج اني
شمس...انت تشوف لبسي السبب
عادل لا حبيبتي...بس لان انتي مراهقه يتصورون انتي صيده سهله فانتبهي على نفسج ولازم تكولين لعمو
شمس اني كلت لبابا
عادل اي بس ماقبلت اني يسوي شي
عادل ليش بله..
شمس ماريد مشاكل
عادل والمشكله اللي صارت اليوم والولد الي نضرب
شمس ها
عادل ووجعو
اني احجي ويه عمي ونحل الموضوع
شمس ماشي عيني
عادل..ديري بالج على نفسج ولج
شمس...ماشي...
نزلت وطبيت للبيت لكيت امي وابويه يريدون يرحون للمستشفى
اني مااكدر اروح تعبانه
ام شمس لعد اشلون
بابا...خليها باليل
ام شمس ماشي.
شمس اني اصعد انام
بذاك اليوم صديقات مروج اللي،بالخط هن نفسهن وياها بالقسم  افتقدوها صارلها كم يوم ماكو
ونائل وجماعته ده يحوصون يريدون يعرفون شنو بيها
طبعا نائل الولد اللي مهدد مروج
خلص يوم البنات صديقات مروج ووصلهن ابو الخط لبيت مروج ودكن الباب ومحد طلع
فطلعت مره جيراهم كالتلهم مروج بالمستشفى
فقرروا يروحلها بملابس الجامعه ويه ابو الخط بهذه الاثناء جان نائل ده يمشي ورى الخط مال البنات
ويريد يشوف وين رايحات لان سالهم وماقبلن ينطن جواب واضح
.....
..وصلن البنات صديقات مروج للمستشفى ومروج فرحت بجيتهم....وضلن يضحكن ويسولفن
صديقه مروج اسمها امنه..اسمعيني مروج ترى نائل جبان شافج،سباعيه ومتخافين كال اخوفها
اما.....ريهام
ولج عوبه ترى البلد بي قانون اقل شكوى ينام جو بعد وين يله يطلع
مروج ماريد مشاكل
ريهام والله هو جابها لنفسها وبعدين تعالي اكلج انتي من شوكت تخافين
مروج ماادري والله
امنه...صيري سباعيه لعد هو جنه حيه مابي شي وانتي اهنا ميته ليش عيني
افكس عيونه عندج عشيره واهل وقانون
مروج بحيل الله اطلع ويصي،خير،
البنات..عفيه ننتظرج ماشي
مروج ماشي
نائل بهذه الاثناء اندل المستشفى
طلعن البنات وام مروج راحت نشتري من الكافتريا
وويه ماراحن البنات
صعد نائل وسال عن غرفه مروج وويه مريد يفتح الباب ميحس غير واحد لزمه من جتفه
باوع..
عادل انت منو
....بس عادل يعرف شكله
نائل ها..جاي اشوف واحد صاحبي،والظاهر،تيهت بالغرفه
عادل مره ثانيه لتيه مو زين عليك
نائل...ها..اي اي
عادل همس باذنه لنائل
عبالك مااعرفك منو لو شنو ردت تسوي لمروج
نائل فتح عينه الاثنين انت منو
عادل يمكن متذكرني بس اني،حافظ شكلك حفظ
اللي سويته ويه مروج ميعدي بالساهل
ماشي
نائل اني،ماسويت شي
عادل تمام
نائل مع السلامه
عادل ههههه طلعت جبان لعد شغلتك سهله
فتحت الباب واشوف مروج ماكو هاي،وينها
ولج مروج يامروج
مااسمع غير وحده يم الجربايه تكول سمع الله لمن حمده وتبجي مشيت اشويه اشوف مروج ده تصلي
عادل.....عفتها وكعدت بره...بس غير،حلوة بهدوءها
مروج كملت صلاة..الهي اني،تعبت وانت تعرف اني ماقبلت بالخطا....احميني وادفع عني بلاء هالبشر
بهذه الاثناء اجتي،منار
رادت اطب على مروج عادل ماقبل
عادل خاله عوفي مروج ده تصلي
منار...حبيبتي ابدا ماتركت الصلاة ولايوم
عادل الله يحفظها
راح ابويه وامي واني باليل للمستشفى والحمد لله شفنه مروج احسن رجعنا للبيت وبقى ابوها وامها يمها
عادل كعد ويه الولد قاسم وغيث وقرروا انه يوم الخميس تتنفذ الخطه
اما بيت ايمن فكان هادئ سهير ده تقرا
وايمن..حاط الرسائل بين يريد يقراها وبين لا
وصار عنده فضول وفتح اول رساله وبدا يقرا بيها
اتفاجئ بكيمه الايجابيه والطموح وطريقه الكلام
واخذه الواهس وفتح الرساله الثانيه
والثالثه الى تعب ونام
اجه يوم الثلاثاء وويه ماطبيت للمدرسه اسمع الخطبه مال كل يوم لست فوزيه طبعا مارحت ولاوديت الرساله لصاحب الظل الطويل اني كاتبه يمكن ٤بس اشويه الوالد ملتهي كلت اوديها دفعه وحده
طبيت واني اباوع شكو...واسمعها بنص الحديقه
تصيح بنات الادبي...يغضب ولجن الى متى تظلن ماملتزمات بالزي وتخالفن  ...واني امشي على كيفي.....اسمعها تحجي مره القراصات ومره الاكسسوارات ومره الذهب
وهسه روايات رومانسيه
اني فتحت عيني 👀👀👀
شمس يي فد لا تقصد الرواياات الي اقراها اني هم واللي اخذها من ايثار والبنات 😁
ولهناك شافتني...هلا هلا اجه العقل المدبر
مرحبا ست
هلا عيني هلا بست شمس
خير ست شكو
ها يعني متدرين
شمس لا والله ماعندي علم
واباوع على البنات يضحكن على جوابي
التافيت عليهن شكو غير،تكولن
ست فوزيه شوفي شمس انطردتي،ومافاد
نقصوج درجات ومافاد انتي وهذه الجماعه
شمس ست شكو  هسه اني اجيت مالحكت اخبث
ست فوزيه خوش وتريدين اتخبثين بعد
شمس لا ست مو قصدي
والبنات يضحكن
شمس ولج شكو شمسويات حتى اكدر احجي
ميس معليج بيها تاشرلي
شمس ست كولي شكو شمسويه
ست فوزيه
اريد افتش جنطج
شمس ليش ست اكو بوكه بالصف
ست فوزيه حضرتج تستظرفين
شمس لا والله ست بس اذا ماكو هيج شي
ليش تتفتش جنطي
فوزيه هيج مزاج
شمس..امممم الظاهر متعاركه ويه الحب
حجيتها واني وجهي على البنات