ايامنا الحلوة

البارت السابع

عيونج مثل بغداد
حتى بالحزن حلوة 😍😍😍
على فكره اني اكتب ومضات شعبي بس مو دائما
.......
شمس... بعد موقف الظهر بين خوف بين اكول الحمد لله الله دزلي هذا الولد بدلت ونزلت ده اتغدا
وسالتي امي عن يومي بالمدرسه وسولفتلها بالتفصيل الملل بس شغله الولد الي تحارش بيه ماكتلها لان شيخلصني منها
كلت اكول لابويه هو اشويه اهدا
والله بين مناكل اجه بابا وانجمعنا على المائده
وسولف عن يومه وانه لح ينطو مكافاه وويه الفلوس اللي عنده لح يبدل سيارتنا 😍😍😍من فرحتي عفت الغدا وظليت اكمز وابويه وامي يضحكون
كملنا غدا وصعدت ده احضر جدول باجر
وده اكلب بالكتب والدفاتر صاحت عليه امي
شموسه ماما
شمس نعم
تعالي تلفون عليج صديقتج
شمس منو
الام فيفيان
شمس فيفو .. يله جايه
شمس الو هلو فيفو
فيفيان هلو شوشو
اكلج حبي اليوم العصر ب ٥عندج شي
شمس لا.... بس واجبات باجر ليش
فيفو اشبيج شنو ليش مو انتي كلتي انروح انشوف ريمي بالمستشفى
شمس ها اي والله نسيت كله من ورى هذا الحقير،
فيفو منو ولج شكو
شمس بعدين اكلج
فيفو ماشي
شمس اكلج خلي نتاكد اخاف طالعه البنيه من المستشفى
فيفو ماشي لح اخابرها للبيت وارجعلج خبر
حتى تخابرين ايثار وايناس
واني اشوف منو من بنات الصف تروح
شمس ماشي حبيبي
بعد دقايق رجعتلي خبر...انه هي،بالبيت
اني هم خابرت ايثار وكتلها
ريمي بالبيت
التجمع وين لح يصير
ايثار كالت اني لح اخذ ايناس ونروح لبيتهم (جان بكمب ساره)
شمس ماشي عيني
ايثار وانتي
شمس ...بابا موجود لو فيفو
بعد بس الاكيد اجي ولازم ناخذ هديه للبنيه
ايثار تمام كل وحده بينا تاخذ شغله قبل منطب للبيت نروح اكو مكتبات يمهم ونشتري
شمس ماشي حبي باي
ايثار باي
الام..اشبيج اليون مخبوصه وتلفونات
شمس والله ماما نريد نروح لبينه صديقتنا وكعت من الدرج ومندري اشلون صارت لو شنو حجم الضرر
الام يا عيني خطيه منو هاي
شمس ريمي ماما
الام ها ريمي واشلون لح تروحيلها
شمس بابا يودني ونروح لفيفو ويودينا لبيتهم
شمس بس ابوج معزوم بيت عمج
شمس 🤦‍♀️🤦‍♀️🤦‍♀️والحل
الام والله ماادري بس مال تطلعين وحدج هاي حجايه
شمس ..خلي اخابر فيفو
الو فيفو.
فيفو ها حبي
فيفو بابا ميكدر ياخذنا معزوم بيت عمي عمو يكدر ياخذنا
فيفو ابويه سيارته عطلانه
شمس امممم لعد اشلون ولج
فيفو نروح نفرات
شمس هلا هلا وين امي تقبل
فيفو لعد والحل
شمس روحي روحي دقايق واخابرج محاوله واذا ماصارت يعني تتاجل الروحه
فيفو ماشي عيني
شمس..اممممم منو يوديني منو 🤔🤔🤔
يي ماكو غير عادل...☺️☺️
طبعا خلي اعرفكم على عادل...
عادل طالب هندسه بس اني وياه اخوان كلش وصديقي حيل واعرف اسراره لان هو ماعنده اخوان ولاخوات
والي يشوفنه يكول اخوان مو ولد عم وهو هالسنه مرحله رابعه يعني حفل تخرج وكذا فديته اشكد نازك وجميل  مع انه شكله كلش عادي بس شخصيته حلوة ومثقف وتعبان على نفسه طبعا بيتهم هم بالكرداه بس يم المسرح الوطني
بعد ماعرفتكم عليه هسه اروح اخابره
ماما وين رقم بيت عمي هشام
الام يمه بدفتر التلفونات
شمس ماشي
شمس...الو مرحبا باجي امتثال
امتثال..هلو حبيبتي
منو
باجي اني شمس
يا هلا شموسه اشلونج
زينه باجي انتي اشلونج
عيوني اني بخير
ولج لاتجين لاتكولين باجي وعمو هشام
شمس والله خاله حقج بس تعرفين دراسه وسادس
امتثال والله حقج باجي
شمس..اكلج باجي فد طلب
امتثال كولي باجي
عادل موجود
اي حبي موجود هسه اصيحه
عادل يمه
عادل نعم  امي
امتثال يمه شمس على التلفون تريد تحجي وياك وشوفها شنو محتاجه ساعدها
عادل صار امي
عادل الو
شمس هلو عدوله
عادل اها بيها عدوله يعني كروه
شمس هاي اشبيك لعد انت مو اخويه
عادل ساعة السوده
شمس هيج صار الحجي امشي روح
لح اروح وحدي ومشي هم على عنادك
😾😾😾
عادل ...هوب هوب لحظه شنو مشي شنو اروح وحدي....هي كلمن اله
شكو ولج
شمس اي من الاول الا تهديد 😁😁😁
اريد تجي توديني لبيت صديقتي فيفو ومناك تودينا لبيت صديقي ريمي مسويه حادث ونروح نزورها
عادل..صار بس هاي سهله
الساعه بيش
شمس الساعه ٥العصر
عادل الساعه اربعه يمج لان بين منمر على صديقتج لاولى ونروح للثانيه هم يله
بس صدك وين بيوتهن
شمس الاولى قبل بيتا بكم فرع
والثانيه بكمب ساره
عادل ها خوش يعني يمكم
اي بنفس المنطقه
عادل يله روحي هسه هي ٣
شمس ماشي شكرا الك عدوله
عادل ههههه اشلون بيج ولج
شمس ههههه باي
شمس..يوووو فيفو
الو فيفو انحلت حظري روحج اربعه ونص يمج
لح يجي علينا عادل ابن عمي
فيفو ماشي بس ليش مستعجله
شمس امشي ولي هم يله ابدل
وامشط يله باي
فيفو عابت سدته بوجهي
المهم كملنا وصار العصر واجه عليه عادل وطلعت اركض اخذت فلوس من ماما حتى اشتري هديه لريمي
يي هاي شنو شنو هالجمال فديتك عادل
عادل ولج اشلون بيج هههه
صدك مشمش طبعا هو الوحيد يدلعني هالشكل