பாகம்- 11
அபியின் ஏபி ஃபேஷன்ஸ், புது மணப்பெண்ணை போல ஒளிர்ந்துக் கொண்டிருந்தது. அபியின் வெற்றி கொண்டாட்டத்திற்கான ஏற்பாடு தான் அது. அபியின் குடும்பத்தினருடன் யாழினியும் அங்கு இருந்தாள். அவனுடைய வெற்றிக்கொண்டாட்டம் அவர்கள் இல்லாமல் நிறைவடையாது.
வழக்கம்போல, யாழினி நட்சத்திரங்களுக்கு இடையில் நிலவாக ஜொலித்துக் கொண்டிருந்தாள். அவள் அணிந்திருந்த ஃபிஷ் கட் கவுனும், வைர நகைகளும் அவளுக்கு மேலும் மேலும் மெருகூட்ட, தேவதையாய் வலம் வந்தாள். தனது கண்ணை அகற்ற முடியாததால், அவள் செல்லும் இடமெல்லாம், அபியின் பார்வை அவளை பின் தொடர்ந்து கொண்டே இருந்தது. அவனுக்கு அவளுடன் இருக்க வேண்டும் என்று ஆசை. யாழினி என்று வந்து விட்டால், அவனுக்கு வேறு எதுவுமே முக்கியமாகப் பட்டதில்லை.
அவனுக்கு ஒரு விசித்திரமான எண்ணம் தோன்றியது. அது யாழினியை பொறாமைப்பட வைத்து பார்ப்பது. ஏன் என்றால், எப்போதுமே அபியின் பொஸஸிவ்நெஸ் பற்றி விமர்சித்துக் கொண்டே இருகிறாள். அவளுக்கு புரிய வைப்பதற்கான முயற்சிதான் இது. நமக்கு பிடித்தவர் வேறு ஒருவருடன் இருந்தால், நமக்கு எப்படி இருக்கும், என்று அவளுக்கு உணர்த்த நினைத்தான் அபி. அவனை பார்த்து அவள் பொறாமைப்படும் அந்த வேலையில், அவன் கூறுவான், *இப்படித்தான் இருக்கும் எனக்கும்* என்று. அதற்கான திட்டம்தான் இது. ஆனால், அவளை காயப்படுத்த வேண்டும் என்ற எண்ணம் அவனுக்கு நிச்சயமில்லை.
அவன், அவனுடைய கம்பெனி மாடல்களுடன் போட்டோ எடுப்பதும், போஸ் கொடுப்பதுமாக இருந்தான். ஆனால், அவன் முகத்தில் ஒரு துளியேனும் சிரிப்பு இருக்கவில்லை. அவனுடைய கவனம் முழுவதும் யாழினி மீதே இருந்தது. ஆனால், அவள் நடவடிக்கைகள் அவனுக்கு ஆச்சரியத்தை அளிக்கும் வகையில் இருந்தது. அவள் பார்ட்டியை, சந்தோஷமாக மற்றவர்களுடன் சேர்ந்து கொண்டாடிக் கொண்டிருந்தாள். அபியை சுத்தமாக கண்டுகொள்ளவே இல்லை. அவளுடைய கவனத்தைக் கவர, அபி எவ்வளவு முயற்சித்தும் ஒன்றுமே பலனளிக்கவில்லை. அவள் அவனை திரும்பி கூட பார்க்கவில்லை. அவளுடைய இந்த "டோன்ட் கேர்" தன்மையை அவனால் பொறுத்துக் கொள்ள முடியவில்லை. அவனால் நம்பவே முடியவில்லை, எப்படி ஒரு பெண்ணால் இவ்வளவு சாதாரணமாக இருக்க முடிகிறது என்று. அவனுக்கு கோபம் தலைக்கேறியது. தனது திட்டம் பலிக்காதது கூட அவனுக்கு பெரிதாக தெரியவில்லை. ஆனால், யாழினி சிறிது கூட பொறாமைப் படாமல் இருந்ததை அவனால் தாங்கிக் கொள்ளவே முடியவில்லை.
YOU ARE READING
யாதுமாகி நின்றவள் (முடிந்தது)
RomanceThis is the translated version of my story YOU ARE MY EVERYTHING with a few changes, according to Tamil background. I'm doing this for my friends and family.
