( الڪاتـبـةة ژوژو الطـشـهـه 💕 )
(انـت ؏ـوضـي الـجـميـل🥺♥️)
الحلقه 17💗
روبين شافت زينب خاشه وكانت تمشي شوي شوي وخرت روبين من باب المطبخ عشان تبي تشوف زينب شن أدير
عند زينب خشت المطبخ دارت روحها بطيح شدت حنان من شعرها وقطعت شعره صغيره وحطتها في يدها
حنان انفجعت وحست شعرفها:اااه عمتي زينب كنك
زينب:خشيت بنشرب اميه قريب طحت سامحيني شديت شعرك
حنان:لا عادي
زينب شربت اميه وطلعت
روبين كانت مصدومه ومستغربه وماكانتش عارفه الشي الي ادير فيه زينب خشت روبين للمطبخ وفي يدها المثرد
روبين:هاكي حنون
حنان:تمام توا انا اندير النسكافيه وانتي رتبي الحلويات في المثرد
روبين:تم
قعدن روبين وحنان يديرن
عند الشباب
مراد:لنقنا ليا زمان عليكم
مؤيد:ريح روحك يرا كل شويا تقولها الكلمه
مراد:وانت من جا شورك قاعدلي زي عظم بو غصاص
مؤيد:يعجز اللسان عن النطق
عند البنات
رباب:طبعا جبت الفونديشن الي طالع توا والأحمر الخدود الس لونه هادئ ومسكرا ماك
بنات يسمعن فيها وشدات ضحكتهن
عند روبين وحنان كملن وجايات في الطريق روبين رافعه النسكافيه وحنان رافعه الحلو قعدن يعطن في البنات والصبايا
عند البنات قاعدات يهدرزن
روبين:بنات انرن ع ميار صاحبتي توا انجيكن
بنات:تمام
عدت روبين بعيد عليهن ورنت ع ميار
روبين:اهلين ياقرده شن جوك
ميار:تمام وانتي ياحنه شن جوك
روبين:تمام...قتلك
ميار:نعم
روبين:بنسالك مرت هو هدى شفتها يومتها تحفر وتحط في حاجه في التراب واليوم قطعت شعره من حنان وشفتها تتبسم مافهمتش شنو
ميار بصدمه:تي سحر هدا شكلها تبي تسحرها
روبين بصدمه:حييي احلفي خزي وعليش
ميار:الله اعلم كل واحد وعنده هدف عشان يسحر
روبين:باهي تمام توا نحكوا بعدين
ميار:تمام
سكرت روبين من ميار وهيا مصدومه وتبي طريقه بش تساعد فيها حنان عدت للبنات
رباب غمزتلها:شكله مش صاحبتك
روبين:والله صاحبتي
رباب:امم باهي ماعندكش حبيب هك ولا هك
روبين بضحكه:وحق الله لا واصلا انا مش متاعت الجو هدا
رباب:امم يعني كلنا سناقل
بنات قعدن يضحكن
فات باقي اليوم عادي ع الكل
الساعه 7:00المغرب روحن الصبايا الكبار والرجاله الكبار وقعدن البنات مع رباب وخشن جوا لي دار هدى والشباب طلعوا يدهوروا مراد
واما عبدالهادي وموسى قاعدين في المربوعه وامينه وفاطمة قعدات في الصاله
عند الشباب شالوا مراد برموا بيه برما سمحه بعدها عدوا للكافي ومسكوا طاوله وقعدوا عليها كلهم(وسام وايمن واحمد ومراد ومؤيد)
ومراد يقرملهم
مراد:شوفوا هدا يشبه لي لوفي
شباب ميتين ضحك ع تشفيط مرام
مراد:لا والله##فيها جو
مؤيد:شن قبل هازي علينا
مراد:تبي الحق اها
احمد :تي مافيش احسن من ##
مراد:طلعلك لسان حتا انت
احمد:نفختهن ليا راه كل شويا دايرني بيبي
مراد:اعصابك نبصر والله انا اكبر واحد فينا
شباب يضحكوا
رن تليفون وسام وكان رقم دولي
وسام باستغراب:الو من معايا
صوت راجل:انت وسام
وسام باستغراب:اها تفضل بس معليش من لأنا رقم دولي وهك
راجل جاي يتكلم قطع الاتصال
وسام استغرب بس مادورش
أنت تقرأ
(انـت ؏ـوضـي الـجـميـل🥺♥️)
Mystery / Thrillerقصه بين شاب شرطي عصبي ومن عائله غنيه جدا وبين بنت فقيره ومحاميه تابعوا الحلقات❤
