(انـت ؏ـوضـي الـجـميـل🥺♥️)

الحلقه 25 والاخيره❤

( الڪاتـبـةة ژوژو الطـشـهـه 💕 )

(انـت ؏ـوضـي الـجـميـل🥺♥️)

الحلقه 25 والاخيره 💗

الساعه 10:00كلهم خشوا جوا بعد الاحتفال بي عيد ميلاد روبين

عند روبين وهدى مكسدات في الدار
هدى بحزن:روبين
روبين:تعموش
هدى:رمزي يبيني نسامحه ونعطيه فرصه
روبين نزلت راسها:وباه
هدى:كيف باه قصدي اما مانقدرش نخونك ونحكي مع واحد كان سبب في موت اهلك
روبين:انا امس بعد فكرت في الدار لقيت رمزي مظلوم
هدى بصدمه:كيف
روبين:يعني هوا خيروه يااما يقطع فرامل ويموتوا بابا وماما يااما هما يقتلوه ويقتلوا اهله فهوا من الطبيعي يختار حياة اهله
هدى:يعني انتي سامحتيه
روبين:مش قصة سامحته ولا مش سامحته انا وضحتلك بس إنا هوا كان مجبور وامس كان يحكي ويبكي انا صعب عليا نسامحه بس في نفس الوقت مانقدرش نلومه لأنا مجبور
هدى:كلامك ريحني شويا باهي لو انا رديتله ح تزعلي مني
روبين:لا ليش نزعل منك انتي تحبيه وهوا يحبك وهذا ماضي
هدى بفرحه:والله انتي مثاليه ياريت ليبيا في منها واجد كيفك راه الدنيا بخير
روبين:هوا كان في يوم بيدير شي رسمي ح نقنعلك جدا
هدى حظنتها:نحبك يامرت ولد خويا
روبين بضحكه:نموت فيك خطيبته بس مزال مش مراته
هدى:انشاءالله تقعدي مراته
روبين:انشاءالله ياقلبي

عند وعطيه
عمران:انا مش مصدق بكل الي صار
عطيه:ولا انا فجأه جت فرخه قلبت علينا كل شي وطلعت السر الي مخبيينا من سنوات
عمران:ح يكون مصيرها مصير باتي وجمال
عطيه:كيف
عمران بحقد كبير:روبين ح تموت
عطيه بصدمه:وشن نستفادوا
عمران:خدينا حقنا منها تي كل العيله سيبتنا عشانها
عطيه:وانا معاك وعندي لك حد هوا الي ح ينفذ كل شي
عمران:ومن هوا
عطيه:........
عمران بضحكة خبث:اصلي بكل
قعدوا يشوفوا لي بعضهم ويبتسموا بي خيث
#ملاحظه
(انا لما عرفت ع عيلة روبين قلت إنا عطيه بات عماد بس يومتها تلخبطت وقلت عطيه بات سراج  إدريس يبقا بات سراج وعطيه بات عمران اسفه ع التلخبيط)

عند وفاء وايوب
ايوب:حبيبتي
وفاء تحظر في الفيلم:عيونها
ايوب:انا حاسس إنه هلي ح يسامحونا
وفاء بصدمه:كييف
ايوب:يعني لو تزوجنا انا وياك وعدينالهم طلبنا منهم السماح ح يسامحونا
وفاء بفرحه:ياريت
ايوب:مزال اسبوعين ونتزوجوا وانشاءالله مايصير إلا كل خير
وفاء:ياري نتمنا يسامحونا
ايوب:ادعي بس
وفاء:يارب

عند روبين الساعه 12:00تكلم في وسام خش عليها عماد إنتظار
روبين:شويا سامو نرد ع عماد خش إنتظار
وسام بغيره:ضروري
روبين:اها
وسام بغيره:باهي نرجا فيك
روبين:تم
ردت روبين ع عماد
عماد:اهلين روبين
روبين:اهلين عماد شن جوك
عماد:تمام وانتي
روبين:تمام الحمدالله
عماد:انا خذيت امي وقاعدين عند خالي مراجع
روبين:اها
عماد:مرايفين عليك انا وإيمان
روبين:وحتا انا ....قتلك
عماد:شن
روبين:وسام اليوم خطبني وانا وافقت
عماد انصدم وحس روحه بتطلع:م م مبروك
روبين:حسيتك مافرحتش
عماد بوجع:لا فرحت بس استغربت جت فجأه هك
روبين:اها ما عشان امس كان عيد ميلادي داروه ليا وهوا اعترفلي قدام الكل
عماد:اها ربي يهنيك صاحبي جا توا نحكوا بكرا
روبين:تمام
سكرت عماد  من روبين وكذب عليها لا جاء صاحبه لاشي نزلت دمعته
عماد بصوت عالي:ااااه