(انـت ؏ـوضـي الـجـميـل🥺♥️)

الحلقه 12❤

( الڪاتـبـةة ژوژو الطـشـهـه 💕 )

(انـت ؏ـوضـي الـجـميـل🥺♥️)

الحلقه 12💗

روبين:عليش ماشكيتش فيا لما شكوا الكل
وسام بربكه:كيف
روبين:قصدي عليش ضربتهم عليش ماصدقت إني هك
وسام:لانا باين عليك بنت ناس ومحترمه
روبين:صحيت شكرا
وسام:ولو
روبين:بايات بنعدي
عدت روبين ووسام حتا هوا عدا

عند البنات جتهن روبين
هدى:كيف كان الجو
روبين:خياااال وحصان جدو يجنننن
حنان:تحبي الاحصنه شكلك
روبين:جداااا.......بنات نعست نبي نرقد باي
هدى:شيليني معاك حتا انا نعسانه
كلهن:حتا نحنا
عدن البنات  كلهن رقجن
والشباب كذلك
والرجاله الكبار قعدوا واعيين هما والصبايا

فات باقي اليوم الساعه2:00ناضن وخشن المطبخ كلهن
ولاء:احييي جيعانه
كلهن:حتا نحنا
روبين:توا انديرلكن اكله خفيفه تاكلن صوابعكن وراها
حنان:ياخوفي نعدوا المستشفى من وراها
روبين:تف ياكلبه توا اتشوفي
قعدت روبين أدير وهنا قاعدات ع الكراسي يرجن فيها

بعد20دقيقه طابت الاكله وكانت الاكله خفيفه عباره عن سلطه ومعاها حاجات من اختراع روبين مانعرفش اسمها ديرن الحوله
روبين:حطين مشروب ياهدو
هدى:تم
حطت روبين الاكله ع الطاوله وحطت هدى المشروب
روبين بغرور:هيا كولن وعطني رايكن
حنان كلت منها:حيييي محلاااااها تجنننن
هدى:اتجنننن طعنتها
بنات الاخرات:تهبلللل
روبين بغرور:عمايل ايديا وحيات عينيا.....اصلا الاكله هدي اندير فيها مره مره انا وحني الله يرحمها
كلهن:الله يرحمها
عند مؤيد جا للمطبخ
مؤيد:لنقنا جيعان شوفلي حاجه نتسمسمها
هدى:روبين دارتنا اكله تهبللل تبي منها
مؤيد:اكيد اي شي
روبين:تمام توا انحطلك
حطتله روبين من الطنجره في صحن
مؤيد خدا منها كاشيك:حي علمااا تي.من اللاخير لنقنك شيف
روبين بحشمه:تسلم
عدا مؤيد وشال معاه الصحن وعدا للشباب
ايمن:ديما بطنك انت
مؤيد:البطن قبل الوطن
احمد:شن الاكله الغريبه هدي
مؤيد:دايرتها روبين خيااال بكل
وسام بعد سمع اسم روبين تلفتلهم
ايمن:يادريه
مؤيد:عدي ملح ياعظم بو غصاص

فات باقي الوقت عادي

عند البنات الساعه 5:00العشيه
روبين:بنات
بنات:نعم
روبين:عندكم كوره
هدى:اها فيه بس عليش
روبين:لنقنا كساد وكلل نلعبوا صياد سمك
حنان:والله جبتيها نرجعوا لي الطفوله شويا
هدى:نعدي نجيبها
طلعن البنات برا لي جيهه بروحهن وقعدن واقفات ويرحن في هدى تجيبها

عند الشباب
مؤيد:شن يديرن هدينا واقفات
شباب كلهم شافو جيهة البنات

عند البنات جابت هدى الكوره
روبين:حنان انتي وهدى صياد وانا وولاء وصفاء وهناء سمك
بنات كلهن:تمتم
بدن البنات يلعبن