( الڪاتـبـةة ژوژو الطـشـهـه 💕 )
(انـت ؏ـوضـي الـجـميـل🥺♥️)
الحلقه 22💗
مرام:الو روبين انا مرام
روبين باستغراب:اها
مرام:شن جوك
روبين:الحمدالله وانتي
مرام:تمام
سكتن هنا الإتنين
بعدها مرام قعدت تبكي
روبين انفجعت:مرام كنك
مرم تبكي بعبره:سامحيني روبين
روبين:الله يسامحك
مرام:والله ثبث يارويين والله النوم مايجيني.من تأنيب الضمير
روبين:الله يسامحك سامحتك
مرام بفرحه:كنت عارفه إنك طيبه
روبين:عادي مافيش حد مايغلط المهم عرفتي غلطك
مرام:اها واله عرفته........نطلب منك طلب روبين
روبين:بدون ماتقولي ح نحاول نحكي مع باتك
مرام بفرحه:والله مافي كيفك ربي يعطيك ع قيس نيتك
روبين:تسلمي
سكرت روبين من مرام وكملت التقريض وعدت شالت الحاجات وطلعت لي وسام برا
روبين:ولعت النار
وسام:اها ولعتها
روبين:هيا نبدوا فيها
قعدوا روبين ووسام يديروا في المكرونه كملوها
روبين:احيي منظرها يهبل توا ندوق منها
وسام ابتسملها
خدت روبين كاشيك مكرونه وجايه تاكله انكبت ع يدها
وسام انفجع وخاف عليها مسك يدها وقعد ينفخ فيها
قعدوا ساكتين بعدها فطنوا للوضع
روبين وجهه قعد احمر:صحيت
وسام:ولو هيا نعطوا القوم الي جوا
روبين بضحكه:هيا
رفع وسام الطنجره بالمنشف وعدوا للمطبخ روبين حطت الصحن والصفره والكواشيك وعدولهم
كلهم:اووو بكبوكي
قدموا البنات بروحهم والشباب بروحهم قعدوا ياكلوا
ايمن:لنقنها صقع سلم يديكم
روبين ووسام:سلمك
احمد:الماعين ع هناء وولاء
ايمن:منور أحميدة صح انتن اغسلن مش ديما مادات وجهن
وسام:وين سيلا(الخدامه)
حنان:واخده إجازة
قعدوا يأكلوا بعدين هناء وولاء غسلن الماعين بعدها روحن هناء وصفاء واحمد ووسام عدا داره وحتا ايمن عدا داره والبنات قاعدات يهدرزن في دار حنان
عند عمران وخوته بعد عدوا لي حوش عبدالرحمن قعدوا يدقوا في الباب ماحد فتحلهم عشان حليمه شالوها للمستشفى
ع جية عبدالرحمن ورمزي وحليمه درسوا السياره وانصدموا في وجود عمران وخوته نزلوا من السياره
عبدالرحمن فتح الباب بالمفتاح:خشي
عدت حليمه خشت
اما عمران ورمزي يشوفوا لي بعضهم بي غل
عبدالرحمن:خير خير تفضلوا شن فيه
عمران بعصبيه:ولدك الحقير خطف بنتي
عبدالرحمن:هربوا مع بعضهم ماخطفهاش
عمران وخوته انصدموا
عطيه بعصبيه:يعني انت عارف
عبدالرحمن:توا كيف علمنا نحنا وامه داخت من الصدمه توا كيف جبناها من المستشفى
عمران بعصبيه:باهي والحل
عبدالرحمن:الحل تخشوا ونتفاهموا جوا
كلهم شافوا لي بعضهم بعدها خشوا لي مربوعة عبدالرحمن
عند وفاء وايوب
ايوب:مش هاين عليا اندير فيهم هك وامي كيف حالتها بعد سمعت الخبر
وفاء ناضت وقعدت تعيط بعصبيه:ماداما انت مش قدها في البدايه عليش أدير روحك قدها وبعدها في النهايه يقعد ضميرك يانب فيك عارفين غلط بس انت الي اقترحت عليا وهدا رايك من البدايه
ايوب استغرب من عياطها المبالغ:هدي ياقلبي انا حاس بالذنب بس مش نادم صدقيني وانا فكرت وعديت للعشره قبل لاناخد ه القرار
وفاء:اووف حاسه روحي في دوامه كبيره بكل
ايوب قدم لي وفاء وحط راسها ع كتفه:هدي كل شي ح يصير كيف مانبوا واحتمال كان اجوزنا مع السنين ح يسامحونا
وفاء بفرحه:زعما
ايوب:اها ممكن لما يشوفوا احفادهم يفرحوا ويسامحونا
وفاء:انحبك
ايوب:انموت فيك
أنت تقرأ
(انـت ؏ـوضـي الـجـميـل🥺♥️)
Mystery / Thrillerقصه بين شاب شرطي عصبي ومن عائله غنيه جدا وبين بنت فقيره ومحاميه تابعوا الحلقات❤
