(انـت ؏ـوضـي الـجـميـل🥺♥️)

الحلقه 9❤

( الڪاتـبـةة ژوژو الطـشـهـه 💕 )

(انـت ؏ـوضـي الـجـميـل🥺♥️)

الحلقه 9💗

إيمان بنت عمها:اهلين روبين
روبين:اهلين
إيمان:شن جوك وجو حني
روبين نزلن دموعها وبصدمه:كيف ماخبروكش
إيمان بخوف:لالا شنو
روبين:حني ماتت
إيمان انصدمت وقعدت تبكي
إيمان تبكي:وحق الله توا كيف سمعتها منك ماحد سمع
روبين:ممكن خبوا عليك بس اكيده سامع باتك
إيمان:حسبي الله ونعم الوكيل تفرقنا
روبين:اسمعي حني موصيتني مانحكي مع حد منكم وانا نبي رضاها حتا لو في قبرها فلذلك سكري ارجوك
إيمان بحزن:تمام باي
سكرت ايمان من روبين وعدت لي هلها

لحظه لحظه نعرفكم ع عمام روبين👇🏻

عمها عمران مراته اسمها رجعه عنده 3بنات
بناته
نجلاء مواليد97خطيبة ايمت مغروره وشايفه روحها وخبيثه
وفاء مواليد2000طيبه بككل
اميره مواليد2004لسانها طويل وماترضاش بالظلم

عمها التاني اسمه عطيه مراته اسمها فوزيه وعندهم ولد واحد
عماد مواليد 92يموت في الأرض الي تمشي عليها روبين ولحد الان يحبها ويتابع في اخبارها

عمها التالت اسمه إدريس مراته اسمها رحمه عندهم بنت وولد
إيمان مواليد 94كويسه وتحب اريج وديما ترن عليها ومش راضيه ع العداوه الي بيناتهم
سراج مواليد96خبيث وشايف روحه

عمها الرابع والاخير اسمه جبريل مراته ريم عندهم بنت وحده
اميمه مواليد98تكره حاجه اسمها روبين

هدوما عمامها وعيلتهم☝🏻

اما عماتها عندها عمه وحده بس اسمها روبين مواليد75بعد صارن المشاكل سافرت مع راجلها برا ليبيا

عند روبين بعد رنت عليها إيمان طلعت برا عشان تكلمها وبعد سكرت منها جايه تخش انخبطت في وسام💗
وسام بعصبيه:ديري عيون😡
عدا خش جوا اوهوا معصب ركب لي داره
عند روبين انصدمت فيه ووجعتها التهزيبه خشت وقعدت تهدرز مع البنات😢💙

عند حوش خالد عم وسام مؤيد امه دخلاته الحمام وقالتله دير دوش وعدت جابتله قهوه بيش يصحصح💙
زينب:حسبي الله فيك ياحقير ديما منزل راسي ومخلي الطويل ولد عمك يشمت فينا
مؤيد:وشن درت انا
زينب بعصبيه:ومزال يقول شن درت طيح سعدك ياحيوان خلي يجي باتك يديرلك حل ماعش نقدر عليك ع قولت ولد عمك
نزلن مرام وهناء بعد ماسمعن الدوشه
مرام:كنك ياامي شن صاير
زينب:هدا الوسخ كالعاده سكران وتوا جايبه وسام ويقول ماعش نقدر عليه كل مره جايني حد ويقولي ولد عمك وولد عمك
مرام:معاه حق هوا باته ولا امه
مؤيد بعصبيه:سكري فمك ادافعي  للغريب وخوك لا
هناء:كنك هك انت تقول عمرك18
مؤيد ناض بيضربها زينب تشد فيه
المهم ولعت بين الطرفين وهك