(انـت ؏ـوضـي الـجـميـل🥺♥️)

الحلقه 16❤

( الڪاتـبـةة ژوژو الطـشـهـه 💕 )

(انـت ؏ـوضـي الـجـميـل🥺♥️)

الحلقه 16💗

روبين انصدمت لما شافت زينب تحط في حاجه في حفره وترمد عليها في تراب وتتلفت يمين ويسار وخايفه حد يشوفها
روبين بصدمه وخوف:بسم الله الرحمن الرحيم
قعدت روبين أتشوف فيها لعند خشت وبعدها روبين قعدت تقرا في قراءن وتغطت ورقدت

تاني يوم الصبح عند روبين ناضت الساعه 12:00دارت جوها ونزلت لوطا
روبين:صباح الخير
موسى وفاطمه وهدى:صباح النور
قعدوا يفطروا وروبين تفكر في الشي الي شافاته امس

عند وسام ناض فطر وعدا للأمن🖤

عند سراج ناض وقعد يحس في راسه وكتوفه عشان امس رقد في المكان بعد ماعدا عماد وخلاه
سراج:الزح حتا تليفوني مش معايا
طلع سراج برا وقعد يمشي قال مرات يلقا حد ع الطريق ويوصله حوشهم قعد يمشي حوالي نص ساعه بعد شاف سياره درست فرح بس بعد قربت اكتر شافها ولقاها عماد
عماد نزل من السياره وجا لي سراج:شن جو النومه امس
سراج:مخلي ولد عمك في مكان زي هدا عشان روبين
عماد:بتقول ولا قايل من الشخص الثالث
سراج ببرود:والمقابل
عماد:نوصلك لعند حوشكم ونقول لي باتك كان معايا
سراج:تم
عماد:من هوا
سراج:انا خديت الأوامر من حمزه وماقاليش عليه من بس نقدر نساعدك في حاجه
عماد:والي هيا
سراج:عندي دلائل اخره ضد حمزه هدده بيهن عساس خديتهن مني بالغصب وتوا يقولك من اصلا اهم شي عنده روحه
عماد:ميه ميه بس شن هنا مرات يقولي شن هنا ونطلع كذاب قدامه
سراج:فلاش فيه##وملف فيه##
عماد:باهي شن يثبثلي إنه كلامك صح
سراج:ما عمري لعبت ع حد يانقول يامانقولش وانت عارفني
عماد:تم اركب
ركبوا عماد وسراج وعدوا متجهين لي حوش سراج

في حوش وسام الساعه 12:30قاعدات ولاء وحنان وساميه بعد مافطرن
حنان جايه بتنوض رأسها لفها مسكت الساس
ساميه وولاء بخوف:بسم الله كنك
حنان قعدت ع الصالون:حسيت بدوخه قويه فجأه
ساميه:بسم الله عدي جيبي لي اختك اميه ياولاء
ولاء:باه
عدت ولاء جابتلها اميه وجت
حنان شربت الاميه:حمدالله احسن ماما
ساميه:الحمدالله

عند روبين قاعدين كلهم في الصاله يهدرزوا رن تيلفون موسى
موسى:الو اهلين عبد الهادي كيف حالك
عبدالهادي(خو موسى):الحمدالله وانا كيف حالك وحال الاهل كلهم
موسى:الحمدالله بخير كلهم
عبدالهادي:الحمدالله......قتلك قاعدين في الفيلا
موسى:اي
عبدالهادي:بكرا بنجوا نقعدوا عندكم يومين انشاءالله
موسى بفرحه:تنوروا والله تفضلوا
عبدالهادي:إنشاء الله
سكر موسى من عبدالهادي وكلهم شافوله
فاطمه:من ياحاج
موسى:عبدالهادي خويا قاعد في## وبيجي بكرا بيقعدوا يومين
فاطمه وهدى بفرحه:الله
روبين:من ياهدى
هدى:عمي عبدالهادي خو بابا
روبين:اها
عند عماد وصلوا هوا وسراج لي حوش سراج ونزلوا خشوا لقوهم قاعدين عطيه وايمان ورحمه
عماد وسراج:السلام عليكم
كلهم:وعليكم السلام
عطيه ناض بعصبيه:وين مشيت يامغضوب بايت برا الحوش
عماد:كان معايا ياعمي طلعنا زرده نحنا والشباب
رحمه:باهي كنكم ماخبرتونا كنا قاعدين ع نار
سراج:تيلفوني راح مني ياامي
ايمان تشوف لي سراج بي استحقار وحقد
عطيه:وكنكم مارنيتوا بي متاع عماد
عماد:نسينا سامحنا ياعمي
عطيه:مسامحكم ه المره مره اخره ماعش تعاودوها
سراج وعماد:حاضر
عماد:انا ماشي مع السلامه
كلهم:مع السلامه
ركب سيارته وعدا لي مركز الأمن وهوا خاش قابله فهد
فهد:عماد عندنا انشاءالله خير
عماد:لا عندي موضوع جاي نحله
فهد:اهااا
عدا عماد لي مكتب العميد