ﻧﺰﻟﺖ ﺗﻠﻴﻔﻮﻧﻲ ﻋﻠﻘﺖ ﻋﻠﻴﻪ ... ﺍﺳﻤﻮ ﺑﺮﻙ ﺧﻼﻧﻲ ﻧﻜﺮﻩ ﺭﻭﺣﻲ ﺟﻤﻠﺔ ... ﻧﻌﺮﻑ ﺍﻟﻠﻲ ﺟﺎﻱ ﻣﺶ ﺳﺎﺍﻫﻞ ... ﻧﻌﺮﻑ ﻟﻲ ﺭﺟﻌﺖ ﻟﻠﺠﺤﻴﻢ ﺑﺴﺎﻗﻴﺎ ... ﺍﻣﺎ ﻣﻌﻨﺪﻳﺶ ﺣﻞ ﺍﺧﺮ ... ﻣﻌﻨﺪﻳﺶ ﻭﻳﻦ ﻧﻤﺸﻲ ... ﻭ ﻣﻨﺠﻤﺶ ﻧﻄﻠﺐ ﻣﻨﻬﻢ ﻳﻌﺎﻭﻧﻮﻧﻲ ﺍﻛﺜﺮ ... ﻣﻨﺠﻤﺶ ﻧﺤﻂ ﺭﻭﺣﻲ ﻓﻲ ﻣﻮﺍﻗﻒ ﺍﺧﺮﻯ ... ﻳﺰﻱ ﻟﻲ ﺭﻳﺘﻮ ﻭ ﻟﻲ ﺳﻤﻌﺘﻮ ﺍﻟﻴﻮﻡ ... ﻣﺘﺄﻛﺪﺓ ﺍﻧﻮ ﺍﺩﻡ ﻣﺴﺘﺤﻴﻞ ﻳﺮﺟﻊ ﻓﻲ ﻗﺮﺍﺭﻭ ... ﻭ ﺍﻧﺎ ﺯﺍﺩﺓ ﻣﺴﺘﺤﻴﻞ ﻧﺘﻨﺎﺯﻝ ﺍﻟﻤﺮﺓ ﻫﺎﺫﻱ ... ﻣﺴﺘﺤﻴﻞ ﻧﺤﻂ ﺭﻭﺣﻲ ﻓﻲ ﻣﻮﻗﻒ ﺍﺧﻴﺐ ﻣﻦ ﻫﻜﺎ ... ﻏﺰﺭﺕ ﻟﻠﻔﻮﻕ ﺑﺮﺷﺎ ... ﻭ ﺣﻠﻤﺖ ﺑﺤﺎﺟﺎﺕ ﻣﺴﺘﺤﻴﻞ ﺍﻧﻬﺎ ﺗﺼﻴﺮ ... ﺍﻟﺤﺐ ﻫﺬﺍ ﻣﻦ ﺍﻭﻝ ﻧﻌﺮﻑ ﻟﻬﻮ ﻣﺴﺘﺤﻴﻞ ... ﻟﺤﻈﺎﺕ ﺗﻌﺪﺍﻭ ... ﺣﺴﻴﺖ ﻟﻬﻮ ﺑﺎﻟﺤﻖ ﺣﺎﺟﺘﻮ ﺑﻴﺎ ... ﻭ ﻟﻲ ﺍﻧﺎ ﺑﺎﻟﺤﻖ ﺗﻨﺠﻢ ﺗﻜﻮﻥ ﻋﻨﺪﻱ ﻋﻴﻠﺔ ... ﺍﻣﺎ ﻧﺴﻴﺖ ﺍﻧﻮ ﻣﻨﺠﻤﺶ ﻧﻘﺎﺭﻥ ﺭﻭﺣﻲ ﻣﻊ ﻣﺮﺗﻮ ... ﻭ ﻫﻮ ﻣﺴﺘﺤﻴﻞ ﻳﻨﺴﺎﻫﺎ ﻭ ﻻ ﺑﺎﺵ ﻳﻐﺰﺭﻟﻲ ﻟﻴﺎ ... ﺳﺎﻋﺎﺕ ﺗﻌﺪﺍﺕ ﻭ ﺍﻧﺎ ﻓﻲ ﺑﻼﺻﺘﻲ ... ﻧﺨﻤﻢ ﻓﻲ ﻣﻼﻙ ... ﻛﻴﻔﺎﻩ ﺑﺎﺵ ﻧﺒﻌﺪ ﻋﻠﻴﻬﺎ ﻭ ﻧﻨﺴﺎﻫﺎ ... ﻫﻲ ﻛﺎﻧﺖ ﺟﺰﺀ ﻣﻦ ﺣﻴﺎﺗﻲ ... ﺳﺘﺎﻧﺴﺖ ﺑﻴﻬﺎ ... ﻭ ﻣﻨﺠﻤﺶ ﻧﺴﺘﺨﺎﻳﻞ ﺭﻭﺣﻲ ﻣﻦ ﻏﻴﺮﻫﺎ ... ﻣﻼﻙ ﻋﻮﺿﺘﻨﻲ ﻋﻠﻰ ﺑﺮﺷﺎ ﺣﺎﺟﺎﺕ ﺧﺴﺮﺗﻬﺎ ... ﻣﻨﻌﺮﻓﺶ ﻛﻴﻔﺎﻩ ﺑﺎﺵ ﻳﻨﺠﻤﻮ ﻳﻬﺘﻤﻮ ﺑﻴﻬﺎ ... ﻭ ﻻ ﻛﻴﻒ ﺑﺎﺵ ﻳﻔﻬﻤﻮ ﻋﻠﻴﻬﺎ ... ﻫﻲ ﻟﺘﻮﺍ ﺗﻘﻄﻊ ﻓﻲ ﺍﻟﻜﻼﻡ .. ﻭ ﻣﺘﺤﻜﻴﺶ ﻣﻠﻴﺢ ... ﺣﺴﻴﺖ ﺑﺪﻣﻌﺔ ﻧﺰﻟﺖ ﻣﻨﻲ ... ﻫﺰﻳﺖ ﻳﺪﻱ ﻣﺴﺤﺘﻬﺎ ﺑﻘﻬﺮﺓ ... ﻓﻘﺖ ﻣﻦ ﺳﺮﺣﺘﻲ ﻋﻠﻰ ﻧﺪﺍﺀ ﻣﺘﺎﻉ ﺭﺣﻠﺔ ... ﺧﺬﻳﺖ ﻧﻔﺲ ... ﻭ ﻫﺰﻳﺖ ﺭﻭﺣﻲ ﺑﺎﻟﺴﻴﻒ ... ﻛﺒﺴﺖ ﻋﺎﻟﻔﺎﻟﻴﺰ ﻓﻲ ﻳﺪﻱ ... ﻣﻨﻌﺮﻓﺶ ﻋﻠﻰ ﺭﻭﺣﻲ ﻛﻴﻒ ﻭﺻﻠﺖ ﻟﻠﻜﺎﺭ ... ﻃﻠﻌﺖ ﺍﻟﺪﺭﺟﺎﺕ ﻫﺬﻭﻛﺎ ﻣﺘﺮﺩﺩﺓ ... ﺷﺪﻳﺖ ﺑﻼﺻﺘﻲ ... ﺑﺤﺬﺍ ﺍﻟﺒﻼﺭ ... ﻧﻐﺰﺭ ﻟﻄﺮﻳﻖ ... ﻭ ﻧﺨﻤﻢ ﺷﻨﻮﺓ ﺍﻟﻠﻲ ﺑﺎﺵ ﻳﺼﻴﺮ ... ﻭ ﻛﻴﻔﺎﻩ ﺑﺎﺵ ﻧﻘﺎﺑﻠﻬﻢ ﺑﻌﺪ ﺍﻟﻤﺪﺓ ﻫﺎﺫﻱ ﺍﻟﻜﻞ ... ﻧﻌﺮﻑ ﻭ ﻣﺘﺄﻛﺪﺓ ﻟﻤﺶ ﺑﺎﺵ ﻳﻌﺪﻭ ﺣﻜﺎﻳﺔ ﺍﻟﺤﺒﺲ ﻣﺘﺎﻉ ﻭﺳﻴﻢ ... ﻭ ﺑﺎﺵ ﻳﻠﻮﻣﻮﻧﻲ ﻋﻠﻰ ﻟﻲ ﺻﺎﺭ ... ﻭ ﺑﺎﺵ ﻳﺨﻠﻮﻧﻲ ﻧﻨﺪﻡ ﻛﻠﺸﻲ ... ﺣﺘﻰ ﻛﻴﻒ ﻳﻌﺮﻓﻮ ﻻﻧﺎ ﻣﺎ ﻋﻨﺪﻱ ﺣﺘﻰ ﺫﻧﺐ ﻓﻲ ﺍﻟﺤﻜﺎﻳﺔ ... ﺍﻣﺎ ﻫﺬﺍ ﺍﺣﺴﻦ ﺣﻞ ﻣﻦ ﺍﻧﻲ ﻧﺒﻘﻰ ﻭﺣﺪﻱ ... ﻭ ﻻ ﺍﻧﻲ ﻧﺒﻘﻰ ﻧﺘﻮﺳﻞ ﻟﺤﺪ ... ﻣﻬﻤﺎ ﺑﺎﺵ ﻳﻜﻮﻥ ... ﺑﺎﺵ ﺗﻜﻮﻥ ﻏﺪﻳﻜﺎ ﺍﻟﺒﻼﺻﺔ ﺍﺭﺣﻢ ﻣﻦ ﺍﻟﺸﺎﺭﻉ ... ﻫﺬﺍ ﻟﻲ ﻛﻨﺖ ﻧﻘﻨﻊ ﺑﻴﻪ ﺭﻭﺣﻲ ... ﻏﻤﻀﺖ ﻋﻴﻨﻴﺎ ﺑﺎﻟﻘﺎﻭﻱ ... ﻧﺤﺐ ﻧﻨﺴﻰ ﻛﻠﺸﻲ ﺻﺎﺭ ... ﻭ ﻣﻨﺤﺒﺶ ﻧﺨﻤﻢ ﻓﻲ ﺍﻟﻠﻲ ﺑﺎﺵ ﻳﺼﻴﺮ ... ﻧﺤﺐ ﻧﻨﺴﺎﻩ ﺣﺘﻰ ﻫﻮ ... ﻧﺤﺐ ﻧﺘﻘﺒﻞ ﺍﻟﻠﻲ ﻗﺎﻋﺪ ﻳﺼﻴﺮ ... ﻧﺤﺐ ﺍﻟﻮﺟﻴﻌﺔ ﻟﻲ ﺩﺍﺧﻠﻲ ﺗﻮﻓﺎ ... ﻭ ﻧﺘﻬﻨﻰ
أنت تقرأ
🔥🔞"في أحضان عزرائيل"🔞🔥( الجزء السادس و الأخير)
Romanceبنووتااااتي 🙋❤ تلموولي 🙆❤ نتصور توا بش نكمللكم الكرونيك🤔😙 و ما نعرش كان بش نزيد جزء ٱخر ولا يزي 🤔🤷♀️ مزلت منيش عارفة 🤷♀️❤أما نتصور هذا جزء النهاية و الأخير 🙆💋 #نحبكم ❤ #شيماء
