🔥🔞"في أحضان عزرائيل"🔞🔥( الجزء السادس و الأخير)

الحلقة 989

ﺍﻧﺎ : ﺑﺎﻟﻄﺒﻴﻌﺔ ... ﺍﻣﺎ ﻣﺰﺍﻝ ﺑﺎﺵ ﻳﺠﻲ ... ﻭ ﻣﻦ ﻫﻮﻧﻲ ﻻﻛﺎ ﺍﻟﻮﻗﺖ ... ﻧﺤﺒﻚ ﺗﻨﺴﻰ ﻛﻠﺸﻲ ﺻﺎﺭ ﻭ ﺗﺨﻤﻢ ﻓﻲ ﺍﻟﺼﻐﻴﺮ ﻛﻬﻮ ﻫﺰﺗﻠﻲ ﺑﺮﺍﺳﻬﺎ ﺍﻳﻪ ... ﻗﺮﺑﺘﻬﺎ ﻟﻴﺎ ﺍﻛﺜﺮ ... ﻛﻨﺖ ﺑﺎﺵ ﻧﺒﻮﺳﻬﺎ ... ﺍﻣﺎ ﺳﺒﻘﺘﻨﻲ ... ﻧﺰﻟﺖ ﺑﻴﺪﻱ ﻋﻠﻰ ﻛﺘﻔﻬﺎ ... ﻏﻤﻀﺖ ﻋﻴﻨﻴﺎ ﺑﺎﻟﻮﻗﺖ ... ﺧﻠﻴﺘﻬﺎ ﻋﻠﻰ ﺭﺍﺣﺘﻬﺎ ... ﻧﺤﺒﻬﺎ ﺗﻨﺤﻲ ﺍﻻﻓﻜﺎﺭ ﻟﻲ ﻓﻲ ﻣﺨﻬﺎ ... ﺣﻠﻴﺖ ﻋﻴﻨﻴﺎ ... ﻛﻴﻒ ﻧﺰﻟﺖ ﺑﻴﺪﻫﺎ ﺷﻮﻳﺔ ... ﻃﻠﻌﺖ ﻣﺮﻳﻮﻟﻲ ... ﺟﺒﺪﺕ ﺭﻭﺣﻬﺎ ﺗﻐﺰﺭﻟﻲ ... ﻋﻘﺪﺕ ﺣﻮﺍﺟﺒﻲ ﻣﺴﺘﻐﺮﺏ ... ﻗﺮﺑﺘﻠﻲ ﺍﻛﺜﺮ ... ﺣﻄﺖ ﺧﺪﻫﺎ ﻋﻠﻰ ﺧﺪﻱ ... ﻋﺪﺍﺕ ﺻﻮﺍﺑﻌﻬﺎ ﻓﻮﻕ ﺍﻟﺒﻮﻧﺪﺍﺝ ﺗﺤﻜﻲ ﻓﻲ ﻭﺫﻧﻲ ﺳﻮﺍﺭ : ﻣﻌﺎﺩﺵ ﺗﺨﻠﻴﻬﺎ ﺗﻤﺴﻚ ﻻ ﻫﻲ ... ﻭﻻ ﻏﻴﺮﻫﺎ ﻧﺰﻟﺖ ﺑﻴﺪﻱ ﺷﻮﻳﺔ ﻟﺠﻨﺒﻬﺎ ... ﻛﺒﺴﺖ ﻋﻠﻴﻬﺎ ... ﻧﺤﻜﻲ ﺍﻧﺎ : ﺷﻜﻮﻧﻬﺎ ﺳﻮﺍﺭ : ﻃﺒﻴﺒﺔ ﻫﺬﻳﻜﺎ ... ﺍﻧﺎ ﺭﻳﺘﻬﺎ ﻭ ﻫﻲ ﺗﻌﺪﻱ ﻓﻲ ﻳﺪﻫﺎ ﻋﻠﻰ ﺟﻨﺒﻚ ... ﻭ ﻋﻠﻰ ﺻﺪﺭﻙ ﺯﺍﺩﺓ ﺍﻧﺎ : ﺱ ﺳﻮﺍﺭ ﺍﻧﺎ ﺳﻮﺍﺭ : ﺍﻧﺖ ﻣﺘﺎﻋﻲ ﺍﻧﺎ ﻛﻬﻮ ﺧﺬﻳﺖ ﻧﻔﺲ ﺑﺎﻟﺴﻴﻒ ... ﻣﺶ ﻧﺎﻗﺺ ﻟﻲ ﺗﻌﻤﻞ ﻓﻴﻪ ﺣﺘﻰ ﻃﺮﻑ ... ﺗﻨﻬﺪﺕ ﻧﺤﻜﻲ ﺍﻧﺎ : ﺳﻮﺍﺭ ﻳﺰﻱ ﻋﻴﺶ ﺣﺒﻲ ﺳﻮﺍﺭ : ﺻﺤﻴﺢ ﺳﺎﻋﺎﺕ ﺗﺒﺪﺍ ﺧﺎﻳﺐ ... ﻭﺭﻳﺤﺘﻚ ﺧﺎﻳﺒﺔ .. ﺍﻣﺎ ﻧﺤﺒﻚ ﻛﺒﺴﺖ ﻋﻠﻰ ﺟﻨﺒﻬﺎ ﺍﻛﺜﺮ ﻧﺤﺲ ﻓﻲ ﻧﻔﺲ ﺗﺴﻜﺮ ﻋﻠﻴﺎ ... ﻃﻠﻌﺖ ﺭﺍﺳﻬﺎ ﺷﻮﻳﺔ ﻏﺰﺭﺗﻠﻲ ﻧﺪﺭﺍ ﻛﻴﻒ .. ﺟﻴﺖ ﺑﺎﺵ ﻧﺤﻜﻲ ﻗﺼﺖ ﻋﻠﻴﺎ ﻛﻴﻒ ﻧﺰﻟﺖ ﺑﺎﺳﺘﻨﻲ ... ﻣﻨﻌﺮﻓﺶ ﺷﺒﻴﻬﺎ ... ﺗﻲ ﻣﻦ ﻗﺒﻴﻞ ﻛﻬﻮ ... ﻛﺎﻧﺖ ﺩﺍﺯﺓ ﻋﺎﻟﺒﻜﺎ ﻣﻦ ﺍﻟﺤﻠﻤﺔ ﻟﻲ ﺭﺍﺗﻬﺎ ... ﺟﺒﺪﺕ ﺭﻭﺣﻬﺎ ﺷﻮﻳﺔ ... ﻋﺪﺍﺕ ﺻﻮﺍﺑﻌﻬﺎ ﺗﺤﺖ ﻋﻴﻨﻲ ﺗﺤﻜﻲ ﺳﻮﺍﺭ : ﺍﻧﺎ ﺳﺒﺐ ﻓﻲ ﺍﻟﻀﺮﺑﺔ ﻫﺎﺫﻱ ... ﻭ ﺍﻧﺎ ﻛﻬﻮ ﻳﺤﻘﻠﻲ ﻧﺒﻮﺳﻚ ﻫﻮﻧﻲ ﻫﺰﻳﺘﻠﻬﺎ ﺑﺮﺍﺳﻲ ﺑﺎﻫﻲ ... ﻃﻠﻌﺖ ﻋﻨﺪﻱ ﺍﻛﺜﺮ ... ﺑﺎﺳﺘﻨﻲ ﻣﻨﻬﺎ ... ﺧﺬﻳﺖ ﻧﻔﺲ ... ﻧﺤﻜﻲ ﺍﻧﺎ : ﺳﻮﺍﺍﺭ ﺳﻮﺍﺭ : ﻣﻤﻤﻢ ﺟﺒﺪﺕ ﺭﻭﺣﻬﺎ ﻣﻨﻲ ... ﺣﻄﺖ ﺭﺍﺳﻬﺎ ﻋﻠﻰ ﻛﺘﻔﻲ ... ﻧﺤﺲ ﺑﺎﻟﻨﻔﺲ ﻣﺘﺎﻋﻬﺎ ﺳﺨﻮﻥ ﻋﻠﻰ ﺭﻗﺒﺘﻲ ... ﻧﺰﻟﺖ ﺑﻴﺪﻫﺎ ... ﺷﺒﻜﺖ ﺻﻮﺍﺑﻌﻬﺎ ﻓﻲ ﻳﺪﻱ ... ﻛﺒﺴﺖ ﻋﻠﻴﺎ ﺗﺤﻜﻲ ﺳﻮﺍﺭ : ﺍﺣﺴﻦ ﺣﺎﺟﺔ ﺍﻧﻚ ﻫﻮﻧﻲ ... ﻣﺰﻳﺔ ﺟﻴﺖ ﺯﻳﺎﺩ ﻫﺰﻳﺖ ﻳﺪﻱ ﻏﺮﺳﺘﻬﺎ ﻓﻲ ﺷﻌﺮﻫﺎ ... ﺗﺒﺴﻤﺖ ﻧﺤﻜﻲ ﺍﻧﺎ : ﻭ ﺍﺣﺴﻦ ﺣﺎﺟﺔ ﻣﺰﻟﺖ ﻣﺬﻛﺮﻧﻲ ﻳﺎ ﻃﻔﻠﺔ ... ﻫﺪﻳﺘﻨﻲ ﺍﻟﻴﻮﻣﻴﻦ ﻫﺬﻭﻣﺎ ﺑﺘﺼﺮﻓﺎﺗﻚ ﺳﻮﺍﺭ : ﺷﻨﻌﻤﻞ ﺳﺎﻋﺎﺕ ﻧﺤﺴﻚ ﺧﺎﻳﺐ ﺑﺮﺷﺎ ... ﻭ ﻣﻨﺤﺒﺶ ﻧﺮﺍﻙ ﺟﻤﻠﺔ ... ﻋﻼﻩ ﺍﻧﺖ ﺗﻮﻟﻲ ﻫﻜﺎ ﻣﺘﺘﺤﻤﻠﺶ ﺍﻧﺎ : ﻳﻬﺪﻳﻚ ﺭﺑﻲ ﻳﺎ ﺑﻨﺘﻲ ... ﺷﻌﻤﻠﺘﻠﻚ ﺍﻧﺎ ﺳﻮﺍﺭ : ﺷﻲ ﺍﻧﺖ ﺍﻋﻤﻞ ﻟﻲ ﻗﺘﻠﻚ ﻋﻠﻴﻪ ﻭ ﻛﻬﻮ ﺍﻧﺎ : ﺑﺎﻫﻲ ﻋﺰﻳﺰﺗﻲ ﺳﻮﺍﺭ : ﺯﻳﺎﺍﺩ ﺍﻧﺎ : ﻣﻤﻤﻢ ﺳﻮﺍﺭ : ﺍﻧﺎ ﻣﻨﺤﺒﺶ ﻧﺮﺟﻊ ﻟﺪﺍﺭ ﻫﺬﻳﻜﺎ ﺟﻤﻠﺔ ... ﻣﻨﺤﺒﺶ ﺣﺘﻰ ﻧﺮﺍﻫﺎ ﺍﻧﺎ : ﻣﺎﻛﺶ ﺑﺎﺵ ﺗﺮﺟﻊ ﻟﻐﺪﻳﻜﺎ ﺟﻤﻠﺔ ... ﻭ ﻻ ﺑﺎﺵ ﺗﺬﻛﺮ ﻟﻲ ﺻﺎﺭ ... ﺍﺭﺗﺎﺡ ﺳﻮﺍﺭ : ﺗﻮﻋﺪﻧﻲ ﻻﻧﺖ ﻣﺎﻛﺶ ﺑﺎﺵ ﺗﺮﺟﻌﻨﻲ ﻟﻐﺪﻳﻜﺎ ﻣﻬﻤﺎ ﺻﺎﺭ ﻛﺒﺴﺖ ﻋﻠﻴﻬﺎ ﺍﻛﺜﺮ ... ﻧﺰﻝ ﺑﺴﺘﻬﺎ ﻣﻦ ﺭﺍﺳﻬﺎ ... ﻧﺤﻜﻲ ﺍﻧﺎ : ﻣﻦ ﺍﻟﻴﻮﻡ ﻣﻔﻤﺎ ﺣﺘﻰ ﺧﻮﻑ ﻣﻦ ﺣﺘﻰ ﺷﻲ ... ﺍﻟﻮﺟﻴﻌﺔ ﻫﺎﺫﻱ ﺍﻟﻜﻞ ﺑﺎﺵ ﺗﻮﻓﺎ ... ﻧﻮﻋﺪﻙ ﻛﻠﺸﻲ ﺑﺎﺵ ﻳﻜﻮﻥ ﻣﻠﻴﺢ ﻗﺮﺑﺖ ﻣﻨﻲ ﺍﻛﺜﺮ ... ﻣﻌﺎﺩ ﻓﻤﺎ ﺑﻴﻨﺎ ﺣﺘﻰ ﻣﺴﺎﻓﺔ ... ﻧﻔﺲ ﻣﺘﺎﻋﻬﺎ ﻗﻮﺍ ﻓﻲ ﺭﻗﺒﺘﻲ ... ﺗﺤﻜﻲ ﺳﻮﺍﺭ : ﺑﺎﻫﻲ ﺍﺣﻀﻨﻲ ﺍﻛﺜﺮ ... ﻧﺤﺐ ﻧﺮﻗﺪ ﺍﻧﺎ ﻛﺒﺴﺖ ﻋﻠﻴﻬﺎ ﺑﻴﺪﻱ ... ﻣﻨﻌﺮﻓﺶ ﻗﺪﺍﺵ ﺗﻌﺪﺍ ﻭﻗﺖ ... ﻧﺰﻟﺖ ﺭﺍﺳﻲ ﺷﻮﻳﺔ ... ﻟﻘﻴﺘﻬﺎ ﻏﺎﻃﺴﺔ ﻓﻲ ﻧﻮﻡ ... ﻭﻗﺘﻬﺎ ﺑﺮﻙ ﻧﺠﻤﺖ ﻧﺎﺧﻮ ﻧﻔﺲ ... ﺗﻮﺣﺸﺘﻬﺎ ﺍﻟﻔﺮﺧﺔ ... ﺍﺻﻼ ﻣﻨﻌﺮﻓﺶ ﺍﺫﺍ ﺑﺎﺵ ﺗﺒﻘﻰ ﻫﻜﺎ ﻭ ﻻ ﺑﺎﺵ ﺩﻭﺭ ﻋﻠﻴﺎ ﻣﻦ ﻏﺪﻭﺓ ... ﻋﻠﻰ ﻫﺬﺍﻛﺎ ﻧﺤﺐ ﻧﺸﺒﻊ ﻣﻨﻬﺎ ﻭ ﻣﻦ ﻗﺮﺑﻬﺎ ... ﻟﻴﻦ ﻧﺨﺮﺟﻮ ﻣﻦ ﺍﻟﻜﻠﻴﻨﻴﻚ ﻫﺎﺫﻱ